1 THYSALAWNIKA 4:17 - Mara Bible RV (BSI)

¹⁷ Cha hnôhlâ ta keimo ahrohpa ta a ypazy pi he, avâ ruapa meihdozy hry liana khita Abeipa dy awpa ta ama hnohta lapa châ aw pi ta, chhâzaw ta Abeipa hnohta eima y ha aw.

1 THYSALAWNIKA 4:17 ပူးပေါင်းရင်းမြစ်များ

1 ABEIZY 18:12

Ei cha puasaipa nahta, Abeipa Thlahpa ta ei pahno leina lâ châ chhi aw ta, Ahabâ cha kei chho aw na ta, a cha hmô thei tlôh vei khiahta cha, kei châ chakaotuhpa he ei thyutlia no tawhta Abeipa a chipa ei châpa chhao ta, eina thie thlâh ha aw mâh tâh.

2 ABEIZY 2:11

Chatawhcha hmaohkha ta sie lymâ ei ta, bielôhawhpa ama rei hai nota, mei talailih nata mei arâ zy thlai a vaw lâ ta, ama likawh liata vaw tla ta, âmo pano cha vaw pachhaih ta, Elaizâh cha khisô liata vârâh lâ kiah ha ta.

2 ABEIZY 2:16

A hnohta, “Tahmâ pachâ teh, châ chakaotuhpazy hnohna heta chyhsa thatlôpa sypangawh ama y. Na zibeipa tlua awpa ta âmo cha pasiesa ei suh u. Abeipa Thlahpa ta khykhei aw ta, khataih tlâh liata tlyma, khataih saikao liata tlyma, a pathla thei ngyu mâh tâh,” tah ei ta. Elaisâh ta, “Nama pasiesa awpa châ vei,” tah ta.

HLAZY 16:11

Hrona lâpi na pahmôsa chi ta, Na yna liata lyna kipa y ta, Na ku chachâh lâta tlyzaw thaphana a y.

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

HLAZY 49:15

Kei deikua cha ei hrona he, Khazohpa ta Athihkhih hmotaotheina tawhta chatlai aw ta, Ano ta eina vaw dy aw. Selah

HLAZY 73:24

Na ryhraona ta na chhihtha chi ta, Cha khai tawhta rônahna liata einâ ly aw chi.

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

DÂNIAH 7:13

“Zâ ta aluahna liata hmô na ta, Moh teh u, avâ meihdo hry liata, Chyhsa sawchapaw a lyupa a vy ta; Hlôthlâhpa hnohta a vy ta, A hmiakô liata amâ vaw chhi.

MATHAI 26:64

Zisu ta a chhy ta, “Na reipa hawhta ei châ. Châhrasala ei cha chho ei, he tawhta la, Chyhsa Sawchapawpa he Atotaotheipa ku chachâh lâta a tyuhpa ta, vâ meihdo chô liata â vypa nama hmô aw,” tah ta.

MÂKA 14:62

Zisu ta, “Ei châ na, Chyhsa Sawchapawpa he Hmotaotheina chachâh lâta a tyuhpa ta, vâ meihdo hry liata â zupa nama hmô aw,” tah ta.

ZAWHÂNA 12:26

Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

ZAWHÂNA 14:3

Nama châta su a chhuahdy awpa ta a sie awpa ei châpa vâta, vaw kua heih aw na ta, ei hnohta ei châ chhi aw ei. Chatanachata nâmo chhao ei yna liata nama y aw.

ZAWHÂNA 17:24

Ei Paw y, kyh eina pachâpa vâ chi ta, leilô y hlâta rônahna eina piepa chi kha ama hmô thei nawpa ta, nâ ta eina piepazy chi he, ei yna liata ei hnohta ama y hra awpa ei khoh ngaita.

HMOTAOPAZY 1:9

Cha biezy cha a rei khai nahta, ama hmô thlâh ha nota, avâ lâ a chhipa ta y ta, meihdo ta ama hmô khao leina taihta siekhei ha ta.

HMOTAOPAZY 8:39

Ti tawhta ama kaw pua nahta, Abeipa Thlahpa ta Phili cha a chhi ha ta, hrilyupa ta ano cha hmô khao leipa ta, thapha ngaitapa ta sie ha ta.

1 KAWRINI 15:52

Chiahmie hnôhchaipa a paro tita, sôkha ta, movi hlâta pananopa ta eima y khai aw. Cha tita, athihpazy cha thi khao lei awpa ta pathyupa châ aw ei ta, keimo chhao pananopa ta eima y ha aw.

2 KAWRINI 5:8

Thlalôhpa ta eima y. Pôhpa o liata y leipa ta, eima y nawpa o liata Abeipa hnohta y awpa eima khoh via.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

1 THYSALAWNIKA 4:15

Cha cha Abeipa bie tawhta nama hnohta eima reipa kha a châ. Keimo Abeipa â vyna taihta ahrohpa ta a ypazy pi heta, a môpazy cha chhao cheita aw ma pi.

1 THYSALAWNIKA 4:18

Chavâta cha biezy chata thlah a palôh raihrie teh u.

1 THYSALAWNIKA 5:10

Eimâ hrapa chhao ta, eimâ môpa chhao ta, a hnohta eima hro thei nawpa ta, Krista cha keimo châta a thipa a châ.

2 PITY 3:13

Châhrasala a bietaipa hawhta, keimo la mosiapazy pahrâna avâ thiehpa nata alei thiehpa a hâtuhpazy eima châ.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 11:12

Chatawhcha ama hnohta, “He lâ a khy teh u,” tahpa ta avâ tawhta ao paro ngaitapa thei ei ta. Meihdo hry liata avâ lâ khy ei ta, ama khakhaipazy ta moh thlâh ha ei ta.

BIEPHUAH 12:5

Chanô chata sawchapawpa, phopi zydua chô liata thua chôchahrei ta ryu a reih awpa sa ta. Châhrasala a saw cha Khazohpa nata a beidyuchhai lâta a chhipa ta y ha ta.