1 THYSALAWNIKA 4:10 - Mara Bible RV (BSI)

¹⁰ Cha tlai cha Mâsidônia râh liata unawh zydua chô liata nama taopa kha a châ. Châhrasala unawh saih u, kyhpachâna rai hria via lymâ awpa ta eima châ haw.

1 THYSALAWNIKA 4:10 ပူးပေါင်းရင်းမြစ်များ

RAWMA 15:26

Mâsidônia nata Akai râhzy ta, a ly kawpa ta Zerusale liata mopathaihpa dyhchhiepazy châta thyupakhy ei ta.

EPHESI 1:15

Cha vâna chata, Abeipa Zisu liata namâ ngiapâna nata mopathaihpa zydua chô liata nama kyhpachâna zy ei vaw thei nahta,

PHILIPI 1:9

Nama kyhpachâna pôh via rili sala, novâhna nata pahnona zydua liata nama laiseih thei nawpa ta thlah ei chhâ tyh.

KAOLAOSÂ 1:4

Krista Zisu namâ ngiapâzie nata mopathaihpa zydua chôta kyhpachâna nama hneizie eima vaw theipa vâta nata,

1 THYSALAWNIKA 1:7

Mâsidônia nata Akai râh liata ngiapâtuhpa zydua châta a mopâ awpa nama vaw châ.

1 THYSALAWNIKA 3:12

Kyh eima cha pachâpa hawhna heta, nâmo chhao chyhsa to kyh nama pachâ thei nawpa nata nâmo nata nâmo kyh namâ pachâ raihrie thei nawpa ta, Abeipa ta nama kyhpachâna papôhsa sala, kyhpachâna liata cha pahneirôhsa mawh ei sy.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

2 THYSALAWNIKA 1:3

Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

2 THYSALAWNIKA 3:4

Bie eima cha piepazy zyh lymâ ei chi ta, nama zyh lymâ aw tahpa Abeipa liata eima cha ngâ.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.