1 THYSALAWNIKA 3:12 - Mara Bible RV (BSI)

¹² Kyh eima cha pachâpa hawhna heta, nâmo chhao chyhsa to kyh nama pachâ thei nawpa nata nâmo nata nâmo kyh namâ pachâ raihrie thei nawpa ta, Abeipa ta nama kyhpachâna papôhsa sala, kyhpachâna liata cha pahneirôhsa mawh ei sy.

1 THYSALAWNIKA 3:12 ပူးပေါင်းရင်းမြစ်များ

HLAZY 115:4

Ama khazoh nothlahpazy cha, Tâkâ nata ngôh zy châ ei ta, Chyhsa ku ta taopazy ama châ.

MATHAI 22:39

A mianona cha he he a châ: Nâma kyh nâ pachâpa hawhta na vaih kyh na pachâ awpa a châ.

MATHAI 7:12

Chavâta chyhsa ta nama chô liata ama tao awpa nama khopa hawhta, chyhsa chô liata tao hra muh vy. Cha cha ryhpa nata hrohsopazy bie a châ.

LUKA 17:5

Lyuhchâpazy ta Abeipa hnohta, “Eimâ ngiapâna papôhsa mah y,” tah ei ta.

RAWMA 13:8

Kyh a pachâ raihriena dei leipa ta cha, ahy hmah khâpa hmah a bâh khuh vy. A chyhsa heih kyh pachâtuhpa cha ryhpa a pakipa a châ.

2 KAWRINI 9:10

Chitutuhpa hnohta chi a pietuhpa nata nie awpa châta viahchhâ a pietuhpa ta nama tu awpa chi cha pie aw ei ta, chi cha papôhsa aw ta, nama siana thei hluhpi a patheisa aw.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

PHILIPI 1:9

Nama kyhpachâna pôh via rili sala, novâhna nata pahnona zydua liata nama laiseih thei nawpa ta thlah ei chhâ tyh.

1 THYSALAWNIKA 2:8

Eima pasôpa nata kho ngaitapa nama vaw châ hapa vâta, Khazohpa thâtihpha dei châ leipa ta, eima hrona chhao taih cha pie awpa ta eimâ mâ thlâh hapa kha.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

2 THYSALAWNIKA 1:3

Unawh saih u, nâmo vâta Khazohpa hnohta alyna bie khâ a reih awpa eima châ. Cha cha eima tao awpa rai a châ. Ngiapâna kyh liata thata laiseih ei chi ta, kyh namâ pachâ raihriena mo to liata a pôh rili.

ZÂMIE 1:17

Hmosaipiepa phapa nata hmosaipiepa pakipa zydua cha chô lâ tawhta a zupa châ ta, khaihpazy Paw tawhta a zupa a châ. Ano liata ananona nata nohpahlipa y vei.

2 PITY 1:7

Khazohpa pachâna liata unawhzy atlaichhaina a hlao sala, unawhzy atlaichhaina liata kyhpachâna a hlao mawh sy.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.