1 THYSALAWNIKA 3:11 - Mara Bible RV (BSI)

¹¹ Eima Paw Khazohpa nata eima Beipa Zisu ta nâmo lâ eimâ vy thei nawpa lâpi miah taopa mawh sy.

1 THYSALAWNIKA 3:11 ပူးပေါင်းရင်းမြစ်များ

ISAI 63:16

Abarahâ ta miah pahno vei hra sala, Izarei ta miah pachâ vei hra sala, Nâ cha eima Paw mah na châ tâh. Hy Abeipa, nâ cha eima Paw châ chi ta, Na moh cha hlâno tawhta miah Chatlaituhpa a châ.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

MALAKHAI 1:6

“‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

MATHAI 6:14

“Nama chô liata hmo a paraopazy namâ ngiahthai khiahta cha, nama Paw vârâh liata a ypa ta a châ ngiahthai hra aw ei.

MATHAI 6:18

Chatanachata kâhvileipa ta na ypa cha chyhsazy ta pahno leipa aw ei ta, na Paw arulâta a ypa deita ta pahno aw ta, na Paw arulâta châ hmôtuhpa ta lymâ a cha pie aw.

MATHAI 6:26

“Vâ pavawzy khi moh tua u: Chi cheih leipa ei ta, hria hra leipa ei ta, sawvâ liata ryh hra veih ei. Châhrasala nama Paw vârâh liata a ypa ta a pasa lymâ ei. Nâmo cha âmo hlâta sôh via syulyu veih ei chi ma?

MATHAI 6:32

Zenitaizy ta cha hmo zydua cha ama tlua tyh. Cha zydua cha namâ ngiahpa a châ tahpa nama Paw vârâh liata a ypa ta a pahno.

MATHAI 6:4

Chatanachata na hmopiepazy cha arulâta y aw ta, na Paw arulâta châ hmôtuhpa ta lymâ a cha pie aw.

MATHAI 6:6

Nâ deikua cha thlah na chhâ tita, na chhôhpadâhpa lâ a ngia la, ochhi khaw la, na Paw arulâta a ypa lâta thlahchhâ mah y. Na Paw arulâta a hmôtuhpa ta a cha pie aw.

MÂKA 1:3

Râhchawhpa liata awhpa ao ta, ‘Abeipa lâthlôh a chhuahdy u la, A lâpizy patlâsa teh u,’ a tah,” tahpa ta ropa hawhta,

LUKA 12:30

Khizaw phopi to ta cha hmozy cha ama tlua tyh. Chazy cha namâ ngiah tahpa nama Paw ta a pahno.

LUKA 12:32

“Sahlao chyhpa saih u, chi khuh vy. Khinarâh a cha pie awpa ei cha nama Paw alynazie a châ.

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

RAWMA 1:3

Cha thâtihpha cha a Sawchapawpa, eima Beipa Zisu Krista thâtih châ ta, sapa kyh liata cha Dâvi pathla ta a pihpa a châ.

2 KAWRINI 6:18

Nama paw châ aw na ta, Ei sawchapawzy nata ei sawchanôzy nama châ aw, Abeipa Atotaotheipa ta a tah,” a tahpa hawhna khata.

KALATIA 1:4

Ano cha eima Khazohpa nata eima Paw khozie hawhta, tahmâhlâ khizaw moleina tawhta miah pachha awpa ta, eima moleinazy vyuhpa ta anosasyh â hlâpa a châ.

KAOLAOSÂ 1:2

Kaolaosâ khih liata Krista liata mopathaihpazy nata unawh ngâchhihpazy eima châ naoh. Khazohpa eima Paw tawhta ngiachhiena nata thlalôhna nama hnohta y mawh sy.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

1 THYSALAWNIKA 4:16

Abeipa cha rahaopa nata vâlyuhchâpa chônôchaipa ao nata Khazohpa chiahmie pyu chhaota avâ tawhta za chô aw ta, Krista liata athipazy cha ama thyu tua aw.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

2 THYSALAWNIKA 2:16

Eima Beipa Zisu Krista nata Khazohpa eima Paw, kyh miah pachâ ta, ngiachhiena vâta chhâzaw thlalôhna nata hnabeiseihna phapa miah pietuhpa ta

2 THYSALAWNIKA 3:16

Thlalôhna Beipa ta kyh to liata thlalôhna cha pie lymâ mawh ei sy. Abeipa cha nama zydua hnohta y mawh sy.

2 THYSALAWNIKA 3:5

Abeipa ta Khazohpa kyhpachâna nata Krista daotheina lâta nama palôhzy cha chhihtha mawh ei sy.

1 ZAWHÂNA 3:1

Pachâ teh u, Paw ta kyh miah pachâna cha thata a châ kaw dia! Khazohpa sawzy ta miah a bie ha hih. Cha hawhpa cha eima châ tlai na. Khizaw ta Khazohpa a pahno leipa vâta, keimo chhao miah pahno veih ei.

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.