1 THYSALAWNIKA 3:10 - Mara Bible RV (BSI)

¹⁰ Nama hmia hmô heih ta, ngiapâna liata namâ phahlanazy cha pazao awpa ta, chhô nah zâ ta phahnai khoh ngaitapa ta thlah eima chhâ lymâ.

1 THYSALAWNIKA 3:10 ပူးပေါင်းရင်းမြစ်များ

LUKA 2:37

nôhmei châpa ta kô sycharie nata kô palih chhôh a ypa a châ. Achhyna o puasai leipa ta, chhô nah zâ ta kâhvileipa ta thlahchhâpa ta Khazohpa â chhy tyh.

HMOTAOPAZY 26:7

Cha bietai cha eima chi hrawh hleinozy ta hmô awpa hnabeiseihpa ta, chhô nah zâ ta phahnai khoh ngaitapa ta Khazohpa ama chakao tyh. Hy abei y, cha hnabeiseihna kyh vâna chata Zuzy ta eina leih ei.

2 KAWRINI 1:15

Cha kyh liata ei sia thlâh hapa vâta, ngiachhiena a lie no ta nama to thei nawpa ta, nâmo lâ a vy tua awpa ei chhuah.

2 KAWRINI 1:24

Namâ ngiapâna chô liata biehnei a chhuah leipa pi ta, namâ ngiapâna liata â ipa ta namâ duapa vâta, namâ ly nawpa ta eima cha hrialâhpa tlao a châ.

2 KAWRINI 13:11

Achhâna ta, unawh saih u, a lypa ta y teh u. Phapaki a chhuah u la, thlah a palôh raihrie u la, palôh miakha phaohpa ta, adyryh kawpa ta y teh u. Kyhpachâna nata thlalôhna Khazohpa cha nama hnohta y mawh sy.

2 KAWRINI 13:9

Keimo eima chieh vei no chhao ta, nâmo thatlôpa ta nama ypa cha eimâ ly chaina a châ. Phapakipa ta nama y thei nawpa ta thlah eima chhâ lymâ.

PHILIPI 1:25

Cha cha ei ngiapâpa vâta, ei hroh chy aw tahpa ei pahno. Ngiapâna liata laiseih u la, namâ ly nawpa ta, nama hnohta ei y chy aw.

KAOLAOSÂ 1:28

Chyhsa to Krista liata phapakipa ta eima paduasa thei nawpa ta, chyhsa to chhoreipa ta, sona to pachupa ta, Krista thâtih eima chho tyh.

KAOLAOSÂ 4:12

Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei.

1 THYSALAWNIKA 3:11

Eima Paw Khazohpa nata eima Beipa Zisu ta nâmo lâ eimâ vy thei nawpa lâpi miah taopa mawh sy.

2 THYSALAWNIKA 1:11

Khazohpa ta a awpa nama châna a phuhpa ta nama y thei nawpa nata hmopha tao namâ chhuahpazy nata ngiapâna ta hmo nama taopazy cha, a hmotaotheina ta hlao a cha patlohsa thei nawpa ei ta, thlah khâ eima cha chhâpa tyh.

2 TIMAWTHY 1:3

Ei thlahchhânazy liata chhô nah zâ ta khâ châ thei tyh na ta, nâ pathlatuhpazy taozie hawhta, chhie nata pha pahnona siapa ta ei chakaopa Khazohpa hnohta nâma vâta alyna bie ei reih tyh.

PHILEMAW 1:22

Khâpa rai châ sala, khichhai chhôhpadâhpa nâ vaw chhuanohpa mah y. Nama thlahchhânazy vâta nâmo lâ avyna daihti piepa ei châ aw tahpa ei hnabei a seih.

BIEPHUAH 4:8

Hmohrohneipa miapalihzy cha mathlaw miacharu hnei chyu ei ta, ama pôhpa chô lâ nata chhôh lâ mokhaoh ta a biepa ama châ. Chatanachata, “Atotaotheipa Abeipa Khazohpa, A y hapa, a y haipa nata a vaw y awpa cha, A pathaih na, a pathaih na, a pathaih na,” tahpa ta a chalih beih leipa ta, chhô nah zâ ta ama reithai.

BIEPHUAH 7:15

“Chavâta âmo cha, Khazohpa beidyuchhai hmiakô liata y ei ta, Chhô nah zâ ta ano Achhyna o liata ama chakao tyh; Beidyuchhai liata a tyuh aw ei ta, A ypâna ta a khu aw ei.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.