1 THYSALAWNIKA 2:8 - Mara Bible RV (BSI)

⁸ Eima pasôpa nata kho ngaitapa nama vaw châ hapa vâta, Khazohpa thâtihpha dei châ leipa ta, eima hrona chhao taih cha pie awpa ta eimâ mâ thlâh hapa kha.

1 THYSALAWNIKA 2:8 ပူးပေါင်းရင်းမြစ်များ

LUKA 7:2

Pheisaih za kha hyutuhpa chakaotuhpa kho ngaitapa cha tlâh leipa ta, thi daihmâ ta.

RAWMA 1:1

Pawla, Zisu Krista chakaotuhpa, lyuhchâpa châ awpa ta awpa nata Khazohpa thâtihpha châta pananopa ta, he châpaphaopa he a roh.

RAWMA 10:1

Unawh saih u, Izarei sawzy pachha ama châ awpa cha, ei palôh khopa nata âmo châta Khazohpa lâta ei thlahchhâna a châ.

RAWMA 15:29

Nâmo lâ ei vy tita, Krista byhnâ kipa chhaota ei vy aw tahpa ei pahno.

2 KAWRINI 12:15

Kei la a ly ngaitapa ta nama thlahpa châta ei hneinazy hmâh a chhuah na ta, ei pôhpa chhao nama thlahpa châta hmâh khai ei chhuah. Thata kyh cha pachâ ei na ta, a chyhta chhâ kyh na pachâ hra aw veih ei chi ma?

2 KAWRINI 6:1

Khazohpa ngiachhiena cha hraoleipa nama pachâsa lei nawpa ta, Khazohpa hrialâhpazy ta eima châ haw.

KALATIA 4:19

Ei saw saih u, Krista lyuna nâmo liata a y hlâlei cha, saw zeih ta ei châ zeih ei hih!

PHILIPI 1:8

Zisu Krista liata atlaichhaina ta nama zydua ei cha vânazie ei cha, Khazohpa ta eina pahnokhei.

PHILIPI 2:17

Dopa hlâna hawhta, namâ ngiapâna atheihna nata chakaona chô liata patlaipa ta y hraw sah la, a ly pyly na ta, nama zydua ta ei châ lykhei hra ei.

PHILIPI 2:20

Ano palôh hawhpa a phaohpa, nama duahmo châ pachâkhei hmeiseih awpa chyhsa hropa hnei va na.

PHILIPI 4:1

Chavâta ei kho ngaitapa nata ei vâ ngaitapa ei unawhzy nata ei lyna nata ei lakhozy saih u, Abeipa liata â ipa ta a duah teh u.

KAOLAOSÂ 1:28

Chyhsa to Krista liata phapakipa ta eima paduasa thei nawpa ta, chyhsa to chhoreipa ta, sona to pachupa ta, Krista thâtih eima chho tyh.

KAOLAOSÂ 1:7

Eima chakaolâhpa kho ngaitapa Epâpharâ tawhta thâtihpha thei ei chi ta, ano cha keimo vyuhpa ta Krista chakaotuhpa ngâchhihpa a châ.

KAOLAOSÂ 4:12

Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei.

PHILEMAW 1:1

Krista Zisu châta a tâhpa Pawla nata eima unawhpa Timawthy ta eima viasa kho ngaitapa nata eima hrialâhpa Philemaw,

HEBRAI 13:17

Nama hyutuhpazy rei a ngiah u la, ama biehneina liata a ngiarih teh u. Khazohpa hmiakô liata nama thâtih a reih awpazy châ ei ta, pachârôhna chôta châ leipa ta, a ly kawpa ta nama thâtih ama rei thei nawpa ta nama thlahpa a vaituhpazy ama châ. Pachârôhna chôta nama thâtih reipa cha, nama châta phahnai aw vei.

1 ZAWHÂNA 3:16

He liana heta kyhpachâna cha khâpa ma a châ tahpa eima pahno: Krista ta keimo châta a hrona a piepa hawhta, keimo chhao unawhzy châta eima hrona eima pie hra awpa a châ.