1 THYSALAWNIKA 2:5 - Mara Bible RV (BSI)

⁵ Nama pahnopa hawhta, reithai pakheina biezy reih beih leipa pi ta, karâyna khu nawpa biezy reih beih hra ma pi. Khazohpa cha miah pahnokheituhpa a châ.

1 THYSALAWNIKA 2:5 ပူးပေါင်းရင်းမြစ်များ

ZAWBÂ 16:19

Tahmâ chhao he moh teh u, Nâ pahnokheituhpa cha avâ liata y ta, Ei châta a duahpa cha su sâhpa liata a y.

ZAWBÂ 17:5

Ama hmohneipa a hnei thei nawpa ta a viasazy a leihtuhpa cha, A sawzy ama mo a chao aw.

BIESOZY 20:19

Hohiahpa ta a khiekhâpa ta bieparu papua tyh ta, Chavâta pakah kawhpa chyhsa cha a pakyh khah y.

BIESOZY 26:28

Paleih haihthaipa cha a pasasapazy a hao ta, Papyupahlyna pakheipa pakah chhao paraona rai a hria tyh.

BIESOZY 28:23

A paleih ta a reithai pakheipa hlâta cha, Chyhsa a chhoreituhpa ta hnôhlâ ta khokheina a hlao via aw.

ISAI 30:10

Hmôtheituhpazy hnohta, “Aluahna hmô khao khah u,” tah ei ta, Hrohsopazy hnohta, “Hmo dopa aluahna miah pahnosa khao leipa u la, Bie khochhihpazy tlao miah chhopa ta, Phichhyhpa hrohsona biezy tlao phuah teh u.

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

ZEREMIAH 6:13

“A nawh chaipa tawhta a lai chaipa taihta, Chyhsa to karâyna ta bie ei ta, Â doleipa ta athôhna ama tlua; Hrohsopa nata theihthaipa a hlaopa ta, Chyhsa to ta hmo doleipa ama tao.

ZEREMIAH 8:10

“Chavâta ama lapinôzy cha mohropazy pie aw na ta, Ama lyuzy chhao âmo a pahnietuhpazy ei pie aw ei. Chyhsa to, a chyh chaipa tawhta a lai chaipa taihta, Athôhna doleipa liata karâypazy châ ei ta, Hrohsopa nata theihthaipa zy taihta Chyhsa ama dôveipa vâta, Cha hmozy cha ama chô liata ei tao aw.

MIKÂ 3:5

Ei phopi a chhi chheipa hrohsopazy kyh liata, Abeipa ta hetana heta a tah: Nie awpa ama hnei nota, Adyhna phuah ei ta; Ama pakah pabie awpa a hnei leipazy hnohta, Adyuhna ama phuah tyh.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

HMOTAOPAZY 20:33

Ahy tâkâ, ngôh nata chysia hmah uahva beih va na.

RAWMA 1:9

Nama moh reipa ta bâh leipa ta thlah ei cha chhâpa tyh ei. Cha kyh liata, a Sawchapawpa thâtihpha raihria liata ei thlahpa ta ei chakaopa Khazohpa cha nâ pahnokheituhpa a châ.

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

RAWMA 9:1

Krista liata biehmeiseihpa ei reih, haih va na. Ei chhie nata pha pahnona ta Thlahpa Pathaihpa liata eina pahnokhei.

2 KAWRINI 12:17

Nâmo lâ ei vaw tuapazy hry liata ahy tlyma hmâpa ta, nâmo tawhta athôhna ei tlua ma?

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

2 KAWRINI 7:2

Nama palôh liata su miah pie teh u. Ahy pei hmah hria leipa pi ta, ahy hmah parao leipa pi ta, ahy hmah dôvei beih ma pi.

KALATIA 1:20

Châ ei cha vaw paphaopa ei he haipa bie châ vei tahpa Khazohpa hmiakô liata bie ei taih.

1 THYSALAWNIKA 2:10

Nâmo cha ngiapâtuhpazy chô liata pathaihpa nata siapa nata seina hnei leipa ta eima y tyhzie miah pahnokheituhpazy nama châ. Khazohpa chhao ta miah a pahnokhei.

1 TIMAWTHY 3:3

kresawhti pari hmâh leipa, thachahra hmâh leipa chyhsa nônaipa, ahryuchhiana a tao leipa nata tâkâ sôh liata karâ y leipa a châ awpa a châ.

1 TIMAWTHY 3:8

Cha hawhna chata chakaotuhpazy chhao chyhsa zachhihpa, haipa bie a reih leipa, kresawhti parâ leipa nata avyuhna ta athôhna a tlua leipa ama châ awpa a châ.

TITU 1:7

Awnanopa chhituhpa cha Khazohpa sôh mokhâhtuhpa a châpa vâta, seina hnei leipa a châ awpa a châ. Chyhsa apalaipa, pathichhiepa, kresawhti pari hmâhpa, thachahra a hmâhpa nata avyuhna ta athôhna a tluapa a châ awpa châ vei.

1 PITY 5:2

Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.