1 THYSALAWNIKA 2:4 - Mara Bible RV (BSI)

⁴ Thâtihpha pavaosa tlâhpa ta Khazohpa ta miah a raopa hawh tlai ta, chyhsa palysa a chhuah leipa ta, eima pathipalôh a pasiatuhpa Khazohpa palysa a chhuahpa ta, bie eima chho tyh.

1 THYSALAWNIKA 2:4 ပူးပေါင်းရင်းမြစ်များ

1 ABEIZY 8:39

na pahrâna su vârâh liata vaw nathlie la, a ngiahthai mah y. Ama palôh na pahnopa nata ama hrozie lymâ hawhta, chyhsa to chô liata hria la tao mah y. Nâma, nâma deita he Âdâh pathla zydua palôh a pahnotuhpa châ tlôh chi ta.

2 ABEIZY 16:16

Theihthaipa Uria ta Bei Ahâza biepiepa hawhta, cha zydua cha tao ta.

1 THÂTIHZYRONA 29:17

Ei Khazohpa y, nâ cha palôh mohpasia chi ta, adona liata nâ ly tahpa ei pahno. Palôh dopa phaopa ta, he hmozy he keima lôhthai tlai ta ei vaw hlâ. He liata a ypa na chyhsazy chhao heta âmo lôhthai tlai ta, a ly ngaitapa ta ama cha vaw hlâ tahpa ei hmô.

HLAZY 139:23

Hy Khazohpa, na moh pasia la, Ei palôh pahno mah y! Na pasia la, Ei pachânazy pahno mah y!

HLAZY 17:3

Ei palôh na moh chi ta, Zâ ta eina vaw tly chi; Na pasia chi ta, Khâpa hmah hmô va chi; Ei pakah ta molei lei awpa ta khâchâ ei chhuah haw.

HLAZY 44:21

Khazohpa ta hmô aw vei ma? Ano cha palôh liata bieru chhao, A pahno theipa châ tlôh ta.

HLAZY 7:9

Hy Khazoh siapa, Hmoparaopazy moleina pachhâsa la, Mosiapazy padua mah y; Nâ cha pachâna nata palôhzy pasiatuhpa châ tlôh chi ta.

BIESOZY 17:3

Pathaisana beih cha tâkâ châta châ ta, Patina mei chhao ngôh châta a châ; Abeipa deikua cha palôh a pasia tyh.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 32:19

ryhrao thai ngaitapa nata hmotao thei ngaitapa na châ. Chyhsapa sawzy hrozie zydua na mo ta a hmôtuhpa châ chi ta, chyhsa to ama hrozie nata ama hmotaopazy theilâpa hawhta lymâ a pietuhpa na châ.

MALUHREINA 27:16

“Zawpizy he chhihtha awpa ta, Abeipa, chyhsa zydua thlahpa Khazohpa ta chyhsa pakha rao mawh sy.

LUKA 12:42

Abeipa ta, “A daihtita ta chhôhkha nie awpa pachhuahpanoh lymâ awpa ta, a zibeipa ta a o liata hyutuhpa châta a raopa, sôh mokhâhtuhpa ngâchhihpa nata sopa cha ahy ma a châ?

LUKA 16:11

Khizaw sôh chô liata hmah ngâ namâ chhih vei khiahta cha, ahy ma sôh hmeiseihpa châ pavaosa ngâh aw ei?

ZAWHÂNA 21:17

A ei thôhna ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity cha Zisu ta a ei thôhna ta, “Kyh eina pachâ chi ma?” a tahpa vâta, a pachârôh ta, a hnohta, “Abeipa, ato pahno chi ta, kyh ei cha pachâpa chhao na pahno na,” tah ta. Zisu ta a hnohta, “Ei mietakuzy pasa teh.

RAWMA 8:27

Thlahpa cha Khazohpa khozie hawhta mopathaihpazy châta thlah a chhâ tyhpa a châpa vâta, palôh mohtuhpa Khazohpa ta Thlahpa pachâna cha a pahno.

1 KAWRINI 7:25

Dyhchâ leipa laihsa kôpazy kyh liata, Abeipa tawhta biepiepa hnei leipa na ta, châhrasala Abeipa ngiachhiena zawhzi ta chyhsa ngâchhihpa ei châna lâ tawhta ei pachâzie ei reih.

1 KAWRINI 9:17

Keima khotlyna ta thâtihpha a chhopa ei châ khiahta cha, lymâ ei hnei. Keima khotlyna a châ vei khiah deikua cha, ei hnohta pavaosapa mohôhna rai ei hriapa tlâ a châ.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

2 KAWRINI 5:11

Chavâta Abeipa china phazie pahnopa ta, chyhsazy eima pasyu tyh. Kheihawhpa chyhsa ma eima châ tahpa Khazohpa ta pahno ta, nâmo chhao ta nama chhie nata pha pahnona hmâpa ta, miah nama pahno hra aw tahpa ei hnabei a seih.

2 KAWRINI 5:16

Chavâta tahmâ tawhta la, chyhsapa mo ta ahy hmah moh khao ma pi. Chyhsapa mo ta Krista kha vaw moh ha hra sih la, tahmâ cha cha hawhta moh khao ma pi.

KALATIA 1:10

Tahmâ he chyhsa apykheina ma ei tlua, Khazohpa apykheina maw? Chyhsa palysa a chhuahpa ma ei châ? Chyhsa palysa ei chhuah khiahta la, Krista chakaotuhpa châ aw va na.

KALATIA 2:7

Âlielâta tlao a châ. Chopawtaipazy hnohta thâtihpha chhona rai Pity hnohta pavaosapa a châpa hawhta, chopawtaileipazy hnohta thâtihpha chhona rai ei hnohta pavaosapa a châzie lyuhchâpazy ta ama pahno.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

EPHESI 6:6

Chyhsa palysa a chhuahpazy hawhta ama hmô nota dei hria leipa ta, Krista seizy hawhta palôh hmeiseihpa ta Khazohpa khopa tao teh u.

KAOLAOSÂ 3:22

Sei saih u, ato liata, khizaw liata nama zibeipazy bie zyh teh u. Chyhsa palysa a chhuahpazy hawhta, ama mohmô lia dei ta chakao leipa u la, Abeipa china chôta, palôh hmeiseihpa ta chakao muh vy.

1 TIMAWTHY 6:20

Hy Timawthy, na mohôh awpa ta nâ liata pavaosapa kha a phapa ta vaih mah y. Â doleipa ta “pahnona” ama tahpa Khazohpa a hlao leipa bie sisaw leipa reipa nata saizie a lyu leipa hmozy liata aeichhianazy a hneisai tyh mah y.

2 TIMAWTHY 1:14

Keimo liata a pahrâpa Thlahpa Pathaihpa hmâpa ta, na hnohta pavaosapa hmo phapa kha vaih mah y.

2 TIMAWTHY 2:2

Pahnotuhpa hluhpi hmiakô liata ei bie reipa na theipazy kha, mohropazy a pachu pachhuah thei awpa chyhsa ngâchhihpazy ku liata pavaosa mah y.

TITU 1:3

A daihtita liata a vaw luahpa chhâzaw hrona bie cha, Khazohpa miah Pachhatuhpa biepiepa ta pavaosapa châ na ta, cha bie a chhotuhpa, kei, Pawla heta,

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.