1 THYSALAWNIKA 2:19 - Mara Bible RV (BSI)

¹⁹ Eima Beipa Zisu â vy tita a hmiakô liata eima hnabeiseihna, eimâ lyna nata eima rônahna lakho a châ awpazy cha khâpa ma a châ aw? Nâmo châ veih ei chi ma?

1 THYSALAWNIKA 2:19 ပူးပေါင်းရင်းမြစ်များ

BIESOZY 12:4

Chanô phapa cha a vahpa châta lakho châ ta, Nozana a vaw tlôkheipa chanô deikua cha, A vahpa ru a pahmytuhpa a châ.

BIESOZY 16:13

Hmao siapa cha abei alyna châ ta, Biedopa a reihpa cha a pasô tyh.

BIESOZY 17:6

Samohzy cha machâpazy lakho châ ei ta, Sawzy rônahna chhao ama pawzy a châ.

BIESOZY 4:9

Ngiachhiena pawpi na luh liata tawh aw ta, Lakho rônahpa a cha pakho aw.

ISAI 62:3

Abeipa ku liata beilakho a ngiapa châ aw chi ta, Na Khazohpa ku liata rônahna beilakho na châ aw.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MÂKA 8:38

Ahy rai, he apheihmâhpa nata moleipa chhâ liana heta, kei nata ei biezy a zakheipa maih cha, Paw rônahna nata vâlyuhchâpa pathaihpazy chhaota Chyhsa Sawchapawpa â zu tita, ano cha a zakhei hra aw,” tah ta.

ZAWHÂNA 21:22

Zisu ta a hnohta, “Ano cha ei vy heihna taihta hroh awpa ta a khohpa rai châ aw sah la, cha cha na pachâ awpa a châ ma? Nâ cha na zi thlâh ha teh!” tah ta.

1 KAWRINI 15:23

Châhrasala ama daihti chyu liata a châ aw. Krista cha thyuheihna hmia a sahtuhpa châ ta, â vy heihna liata Krista eihzy pathyupa ama châ aw.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 KAWRINI 1:14

A rakhapa ta miah nama pahnopa kha, miah nama pahno pasia ha bâ. Chavâta eima Beipa Zisu noh liata miah a palaikhei aw ei chi ta, keimo chhao eima châ palaikhei hra aw.

PHILIPI 2:16

Hrona bie khâchâ patu teh u. Chatanachata hraoleipa ta a râpasuapa nata hraoleipa ta a hriapasapa châ va na tahpa Krista noh liata ei palaikhei thei aw.

PHILIPI 4:1

Chavâta ei kho ngaitapa nata ei vâ ngaitapa ei unawhzy nata ei lyna nata ei lakhozy saih u, Abeipa liata â ipa ta a duah teh u.

1 THYSALAWNIKA 2:20

Nâmo he eima rônahna nata eimâ lyna awpa cha nama châ.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

1 THYSALAWNIKA 4:15

Cha cha Abeipa bie tawhta nama hnohta eima reipa kha a châ. Keimo Abeipa â vyna taihta ahrohpa ta a ypazy pi heta, a môpazy cha chhao cheita aw ma pi.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

2 THYSALAWNIKA 1:4

Chavâta taolana namâ tyhna nata pasa nama taona zydua liata nama pachyuzie nata nama ngiapâna zy kha, Khazohpa Awnanopazy hry liata eima châ palaikhei kaw tyh.

2 THYSALAWNIKA 1:7

Eima Beipa Zisu, a vâlyuhchâpa thatlôpazy chhaota meipaleih hry liata â vaw luah tita, keimo hawhta pasa a taopazy a cha pahâsa aw ei.

2 THYSALAWNIKA 2:1

Unawh saih u, eima Beipa Zisu Krista avyna nata a hnohta lapakhypa ta eima y nawpa kyh liata, nâmo lâta ahawna ei tao.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

ZÂMIE 5:7

Chavâta unawh saih u, Abeipa a vy hlâlei palôh pasipa ta y teh u. Pachâ tua u, lyuhneituhpa cha vâsua hmiatuapa nata vâsua hnôh viapa a hmô hlâlei alei thei sôhpa a hâ hualua tyh.

ZÂMIE 5:8

Nâmo chhao palôh pasipa ta y u la, Abeipa avyna a hnia ha tlôh ta, chavâta palôh a ipa ta y teh u.

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.

2 PITY 1:16

Eima Beipa Zisu Krista hmotaotheina nata â vy heih awpa kyh eima cha pahnosa nona kha, phôhpa phichhyhpazy cha chho ma pi. Keimo cha a rônahna a hmôtuhpazy eima châ.

2 PITY 3:4

“Â vy heihna bietai cha khataih liata a y haw? Pathlatuhzy amâ mô tawh chhao ta, hmotaopazy tao tua nota ama yzie ualua ta hmo to zydua ama y thlâh he zaw” ama tah aw.

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 22:12

Abeipa Zisu ta,“Nathlie teh, ei vy patoh aw. Chyhsa to ama hmotaopa lymâ hawhta pie awpa lymâ ei hnohta a y.