1 THYSALAWNIKA 2:16 - Mara Bible RV (BSI)

¹⁶ Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.

1 THYSALAWNIKA 2:16 ပူးပေါင်းရင်းမြစ်များ

ÂTHAONA 15:16

Amawri mo moleina kih a tlô mâh leipa vâta, chhâ palihna liata, he su liana heta ama vaw kua aw,” tah ta.

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

DÂNIAH 8:23

Amâ beinarâh chhâna lâ liata, hmoparaopazy paraona kih a tlô tita, abei hmia chichhih ngaitapa, bie khiakhipazy yzie a pahnopa a vaw pua aw.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MALAKHAI 4:5

Moh teh u, Abeipa noh rônahpa nata rarôh y ngaitapa a vaw tlô hlâta hrohsopa Elaizâh ei cha za tuapa tua aw ei.

MATHAI 12:45

Sie ta, thlahpa hropa pasari, ano hlâta molei viapazy a vaw chhi ta, cha liata a ngia ei ta, ama pahrâ haw. Hnôhlâ ta cha chyhsa duahmo cha, hmiatuapa hlâ khata a chhie via syulyu haw. Cha hawhna chata, he chhâ moleipa chhao he a vaw y hra aw,” tah ta.

MATHAI 23:32

Châ pathlatuhpazy taopa kha tlao patlô lâlao teh u.

MATHAI 24:14

He khinarâh thâtihpha he phopi to pahno awpa ta khizaw zydua liata chhopa châ aw ta, cha khai tawhta chhâna cha a vaw tlô aw.

MATHAI 24:6

Adyuhnazy nata adyuhna bie pathâhpazy nama thei aw. Châhrasala thlazohpa ta y khah u. Cha zydua cha a vaw y awpa châ ta, chhâna deikua châ mâh aw vei.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

MÂKA 16:16

A ngiapâ ta bâti a châpa cha pachhapa ta y aw ta, a ngiapâ leipa deikua cha thaileichâpa ta a y aw.

HMOTAOPAZY 13:45

Zuzy ta zawpizy cha ama hmô nahta, hiatliana ta bie ei ta, Pawla bie reipa cha chakhiapa ta, reipachhie ei ta.

HMOTAOPAZY 13:50

Zuzy ta chanô zachhihpa Khazohpa pachâpazy nata khih machâzy pasyu ei ta, Pawla nata Bânabâ cha pataolasa ei ta, ama râh tawhta papua ei ta.

HMOTAOPAZY 14:19

Antiôkâ nata Ikônia tawhta Zuzy vaw tlô ei ta, zawpizy cha pasyu ei ta, Pawla cha alô ta vawh ei ta, a thi hapa ta ama pangiasa vâta khihpi khôtho lâ a daophi ei ta.

HMOTAOPAZY 14:2

Ngiapâ khoh leipa Zuzy ta Zenitaizy pasyu ei ta, unawhzy cha pahaosa ei ta.

HMOTAOPAZY 14:5

Zenitaizy, Zuzy nata ama ryureituhpazy ta lyuhchâpazy cha taochhiepa ta alô ta vaw a chhuah ei ta.

HMOTAOPAZY 17:13

Thysalawnika liata Zuzy ta Pawla cha Beria lia chhao ta Khazohpa bie a chho tahpa ama thei nahta, cha lâ chhao cha vawh ei ta, zawpizy hnapaona bie reipa ta pasyu ei ta.

HMOTAOPAZY 19:9

Châhrasala thokha cha chhorupa ta y ei ta, a ngiapâ khoh leipa ta, zawpi hmiakô liata Lâpi zyhna cha reipachhie ei ta. Chavâta âmo cha siesaipa ta, pachupazy ânano ta a chhi ta, noh chareih ta Tyrânâ pachuna o liata âmo cha Biehrai a laichadaikhei tyh ta.

HMOTAOPAZY 21:21

Zenitaizy hry liata Zu a ypa zydua hnohta, ama sawzy chopawtai awpa a byuh leizie pachu chi ta, Mawsi ryhpa a heihsaipa ta, eima phoryhpazy chhao zyh awpa a byuh leizie na pachu ei tahpa ama thei.

HMOTAOPAZY 23:12

Khih a dei nahta, Zuzy a paraoh ei ta, Pawla ama thie hlâlei cha khâpa hmah nie leipa nata doh lei awpa ta bie a taih ei ta.

HMOTAOPAZY 24:9

Zuzy chhao ta, ama leihna cha â dopa tlai a châ tahpa a vaw pykhei ei ta.

HMOTAOPAZY 25:2

Theihthai beizy nata Zu nôpawpazy ta Pawla ama leihna cha a hnohta tlôkhei ei ta.

HMOTAOPAZY 25:7

A vaw tlô nahta, Zerusale tawhta Zu chyhsa a zupazy cha Pawla kiapâh liata a vaw duah ei ta, biepeipa hluhpi ta leih ei ta, châhrasala â do tlai na tahpa reih pasia thei leipa ei ta.

HMOTAOPAZY 4:12

Ahy liata hmah pachhana y vei. Avâ ry liata chyhsa moh bipa hry liata miah pachha thei awpa mohropa rai y veih ei,” tah ta.

HMOTAOPAZY 9:23

Noh hluhpi a khô tawhta, Sawla thie awpa ta Zuzy cha a chhohia ei ta.

1 KAWRINI 10:33

Kei chhao ta, chyhsa hluhpi pachha ama châ thei nawpa ta, keima athôhna tlua leipa na ta, chyhsazy athôhna tluapa ta, hmo ei taopa to liata chyhsa to palysa tlao ei chhuah tyh.

KALATIA 5:11

Unawh saih u, kei he chopawtaipa aduakheina bie a chhopa cha vaw châ ha sah la, khazia taolapa ta ei y pyly? Cha hawhta châ sala, kraws vâta tymâna he a y lei awpa tlai.

EPHESI 3:13

Chavâta nama châta pasa ei taopa vâta hnabeidy lei awpa ta ei châ haw ei. Nama rônah nawpa ta pasa ei taopa a châ.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

2 THYSALAWNIKA 2:10

Leidia haipazy cha pachha châ nawpa biehmeiseihpa khoh leipa ta ama dythapa vâta, ryhpa paraotuhpa cha dôveina pha leipa to chhaota âmo lâ â vy aw.

1 TIMAWTHY 2:4

Khazohpa ta chyhsa zydua pachha ama châ khai awpa nata biehmeiseihpa ama pahno khai awpa a khoh.

HEBRAI 6:8

Chhaohlei ta ahloh nata bôbawzy a papua khiahta deikua cha, hnypa ta y ta, chhiesa thlupa châ ta, a chhâ nawpa cha mei ta rao awpa a châ.

BIEPHUAH 22:11

Moleipa cha moleina hmo tao lymâ sala, chyhsa puapa cha a puapa ta y lymâ sala, mosiapa cha a siapa ta y lymâ sala, mopathaihpa cha pathaihpa ta y lymâ mawh sy,” tahpa ta na chho ta.