1 THYSALAWNIKA 2:15 - Mara Bible RV (BSI)

¹⁵ Cha Zuzy cha Abeipa Zisu nata hrohsopazy a thietuhpa châ ei ta, keimo chhao miah papua ei ta, Khazohpa palysa leipa ei ta, chyhsa zydua chakhiatuhpa ama châ.

1 THYSALAWNIKA 2:15 ပူးပေါင်းရင်းမြစ်များ

ESTHERI 3:8

Hâmâ ta Bei Ahasuarâ hnohta, “Nâ beinarâh bia to liata phopizy hry liata a hiepatlapa nata a paipatlapa phopi miakha y ta. Ama ryhpazy cha phopi hropazy ryhpa nata anano ta, abei ryhpazy zyh leipa ei ta, chavâta cha hawhpa chyhsazy chhyhthaipa cha abei châta athôhna y vei.

HLAZY 109:20

Cha hawhna chata nâ leihtuhpazy cha Abeipa ta thô sala, Ei chô liata bie chhiepa a reihtuhpazy cha thô mawh sy!

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

AMÔSÂ 7:12

Chatawhcha Amazia ta Amôsâ hnohta, “Hy nâ, hmôtheituhpa y, sie la, Zudâh râh lâ a râ la, cha liata viahchhâ kei nie la, hrohsona bie cha, cha liata kei phuah teh.

MATHAI 23:37

“Hy Zerusale, Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

MATHAI 27:25

Zawpi zydua ta, “A thisaih maoh cha keimo chô liata nata eima pathlazy chô liata y mawh sy!” tahpa ta a chhy ei ta.

MATHAI 5:12

A ly u la, thaphapa ta y teh u, vârâh liata nama lymâ hluhpi a y. Cha hawhna chata, nâmo hlâta a vaw y tuapa hrohsopazy chhao ama vaw taola tyh.

LUKA 24:20

Eima theihthai beizy nata ryureituhpazy ta ano cha thailei pachâsa ei ta, thie awpa ta a chhi ei ta, ama khaipâna kyhzy kha na eima rei.

HMOTAOPAZY 12:3

Cha chata Zuzy a palysa tahpa a pahno nahta, Pity chhao patu a chhuah heih ta. Cha cha viahchhâ thinô pahlao leipa kyhchhi nohzy liata a châ.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

HMOTAOPAZY 3:15

Hrona pietuhpa cha thie ei chi ta, châhrasala Khazohpa ta ano cha athihpa hry tawhta a pathyu haw. Cha cha a pahnotuhpazy eima châ.

HMOTAOPAZY 4:10

nama zydua ta pahno u la, Izarei saw zydua ta pahno mawh ei sy. Nâzari Zisu Krista nama khaipâpa, Khazohpa ta athihpa hry tawhta a pathyu heihpa moh ta, he chyhsa he nama hmiakô liata a tlâhpa ta â duahpa a châ hih.

HMOTAOPAZY 5:30

Nâmo ta tho liata khaipâpa ta nama thiepa Zisu kha, miah pathlatuhpazy Khazohpa ta a pathyu haw.

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,

1 KAWRINI 10:5

Châhrasala ama hry liata chyhsa hluh via chô liata Khazohpa palôh châ leipa ta, ama rizy râhchawhpa liata hiepatlapa ta a y.

2 KAWRINI 11:26

Ei hluhpi ei khitlynazy liata, chavahzy liata chichhihna, hraotuhpazy liata chichhihna, ei chiheihzy liata chichhihna, Zenitaizy liata chichhihna, khihpi liata chichhihna, khitaw liata chichhihna, tilaipi liata chichhihna nata unawh pakheipazy liata chichhihnazy ei tyh tyh.