1 THYSALAWNIKA 2:1 - Mara Bible RV (BSI)

¹ Unawh saih u, eima cha vaw tlypa kha hraoleipa a châ leizie nâmo tlai ta nama pahno.

1 THYSALAWNIKA 2:1 ပူးပေါင်းရင်းမြစ်များ

ZAWBÂ 39:16

Ano tachhih leipa hawhta, A tachhihzy chô liata a nôchhie kaw ta; A hriapasanazy cha hraoleipa a châ hapa chhao ta, Pei tah hlei vei;

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

HLAZY 73:13

Hraoleipa ta ei palôh pathaisa na ta, Seina hnei lei awpa ta hraoleipa ta ei ku ei si tyh.

ISAI 49:4

Châhrasala kei ta hetana heta ei chhy: “Hraoleipa ta hriapasapa ta, Khâpa hmah a châ leipa liata ei tha pahryuh na ta, Aruapa liata ei tha ei pahryuh; Chatahrasala ei dona cha Abeipa liata y ta, Ei lymâ chhao ei Khazohpa liata a y.”

ISAI 65:23

Hraoleipa ta hriapasa khao leipa aw ei ta, Chhiena a tyh awpa sawzy sa khao aw veih ei. Abeipa byhnâ piepa sawzy châ aw ei ta, Ama pathlazy chhao, Abeipa byhnâ piepa ama châ aw.

HABAKU 2:13

Moh tua u, phopizy ta mei ta a kâ thlâh ha awpa châta hriapasa ei ta, Râhzy ta hraoleipa liata âmosasyh ama rie amâ pathei; Cha cha Pheisaihzy Abeipa taopa châ vei ma?

1 KAWRINI 15:10

Châhrasala Khazohpa ngiachhiena vâ deita ta, he ei châna he a to theipa ei châ. A ngiachhiena eina piepa cha hraoleipa châ vei. Cha dei châ leipa ta, lyuhchâpa zydua hlâta hriapasa via na ta, cha chhao cha keima hriapa châ leipa ta, Khazohpa ngiachhiena ei hnohta a ypa ta a hriapa tlao a châ.

1 KAWRINI 15:2

Bie ei cha chhopa ei kha, namâ ngiapâ thlâhthlipa châ leipa ta, khâchâ nama patu khiahta cha, cha liana chata pachha haipa ta nama y.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

2 KAWRINI 6:1

Khazohpa ngiachhiena cha hraoleipa nama pachâsa lei nawpa ta, Khazohpa hrialâhpazy ta eima châ haw.

KALATIA 2:2

Aluahna kyh vâta a khypa châ na ta, hraoleipa liata a vaw râpasuapa tlyma, a râpasua haipa tlyma ei châ lei nawpa ta, Zenitaizy hry liata thâtihpha tlâh ei awkhei tyhpa cha, nôpaw viapazy hnohta ano eih ta ei chho ei.

KALATIA 4:11

Nama châta thazâh ei pahryuh thlâhthli aw tahpa ei chi kaw.

PHILIPI 2:16

Hrona bie khâchâ patu teh u. Chatanachata hraoleipa ta a râpasuapa nata hraoleipa ta a hriapasapa châ va na tahpa Krista noh liata ei palaikhei thei aw.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

1 THYSALAWNIKA 3:5

Cha vâna chata, reipasaotuhpa reipasaona vâta hmah eima hriapasana kha hraoleipa châ pathlei lah tahpa chi na ta, ei tao thei khao leipa vâta, namâ ngiapâna duahmo pahno awpa ta chyhsa ei vaw tuahpa a châ.

2 THYSALAWNIKA 1:10

Cha pachiana cha, a mopathaihpazy hry liata palyupalih awpa nata ngiapâtuhpa zydua hry liata noâh tah awpa ta â vyna noh liata a y aw. Nâmo deikua cha eimâ duakheipa bie a ngiapâtuhpazy nama châ.

2 THYSALAWNIKA 3:1

Achhâna liata cha unawh saih u, Abeipa bie nama hry liata a chatliepa ta pathâh ta, palyupalihpa ta a ypa hawhna khata, pathâh via lymâ sala, palyupalihpa ta a y thei nawpa ta, thlah miah chhâpa muh vy.