1 THYSALAWNIKA 1:6 - Mara Bible RV (BSI)

⁶ Rietheina hluhpi taona chôta, Thlahpa Pathaihpa liata a lypa ta bie a pyh ei chi ta, keimo nata Abeipa hâ a latuhpazy nama vaw châ haw.

1 THYSALAWNIKA 1:6 ပူးပေါင်းရင်းမြစ်များ

HÔSIA 2:14

“Chavâta, pachâ teh, ano cha sydiepa ta, Râhchawhpa lâ a chhi aw na ta, Ao naipa ta ei chho heih aw.

MATHAI 16:24

Zisu ta a pachupazy hnohta, “Ahy rai eina zi khoh khiahta cha, anosasyh a paky sala, a kraws a piapa ta na zi mawh sy.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

HMOTAOPAZY 13:52

Chatanachata pachupazy cha alyna nata Thlahpa Pathaihpa ta bie ei ta.

HMOTAOPAZY 5:41

Lyuhchâpazy cha ryureina tawhta pua ei ta, cha moh vâta maophyuhna a tao tlâhpa ta raopa ama châpa cha a ly ngaita ei ta.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

1 KAWRINI 11:1

Kei ta Krista hâ ei lapa hawhna heta, nâmo chhao ei hâ nâ la hra teh u.

1 KAWRINI 11:2

Ato liata nâ thei ei chi ta, pachuna ei cha piepazy nama zyh lymâpa vâta ei cha reithai ei.

1 KAWRINI 4:16

Chavâta ei hâ nâ latuhpazy châ awpa ta ei châ haw ei.

2 KAWRINI 6:10

Pachârôh awpa ta pachâpa châ pi ta, châhrasala khâ eimâ ly. Dyhchhiepa hawhta pachâpa châ pi ta, châhrasala chyhsa hluhpi a pahneirôhsapa eima châ. Khâpa hmah a hnei leipa hawhta pachâpa châ pi ta, châhrasala ato eima hnei.

2 KAWRINI 8:5

Cha chhao cha eima pangiasa leipa hawhta ama tao. Abeipa liata âmosasyh a hlâ tua ei ta, cha khai tawhta, Khazohpa khozie hawhta keimo liata miah amâ ngiarih.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

EPHESI 5:1

Chavâta Khazohpa kyhpachâpa sawzy nama châpa hawhta, a hâ a latuhpazy châ teh u.

PHILIPI 3:17

Unawh saih u, ei hâ nâ latuhpazy châ teh u. A mopâ awpa keimo miah hnei ei chi ta, keimo hawhta a ypazy cha a mopâ teh u.

2 THYSALAWNIKA 1:4

Chavâta taolana namâ tyhna nata pasa nama taona zydua liata nama pachyuzie nata nama ngiapâna zy kha, Khazohpa Awnanopazy hry liata eima châ palaikhei kaw tyh.

2 THYSALAWNIKA 3:7

Nama hnohta eima y nona kha, thathipa ta y beih ma pi. Chavâta eima hâ miah namâ lanazie awpa cha nâmo tlai ta nama pahno.

2 THYSALAWNIKA 3:9

Miah chyh awpa ta nâmo châ hnaw theina eima hnei leipa vâta châ leipa ta, eima hâ miah a la awpa eima cha khokheipa vâta rai eima hriapa a châ.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.

HEBRAI 10:34

Keihrai daipazy thapasa ei chi ta, hmo hneipa pha viapa, a y kôzaw awpa nama hneipa nama pahnopa vâta, nama hmo hneipazy ama cha hrao tita, a ly kawpa ta namâ pyh thei.

1 PITY 1:6

Cha hnabeiseihna liata thata a ly ei chi ta, pasiana to ta tahmâ buakha chhôh pachârôhpa ta nama y chy.

1 PITY 1:8

Krista cha nama hmô leipa chhao ta a kyh pachâ ei chi ta, tahmâ hmô hra vei u la, a ngiapâ ei chi ta, pakah ta rei khai thei leipa alyna nata rônahna ta biepa ta,

1 PITY 3:13

Hmo pha taona liata phahnai namâ ngiah khiahta cha, ahy châ parao thei aw ei?

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.