1 THYSALAWNIKA 1:5 - Mara Bible RV (BSI)

⁵ Thâtihpha nama hnohta eima vaw tlôkheipa kha, bie dei ta vaw tlôkhei leipa pi ta, hmotaotheina nata Thlahpa Pathaihpa nata ngiapâna a i ngaitapa chhaota eima vaw tlôkheipa a châ. Nama hry liata eima y nona kha, nâmo vâta kheihta ma eima y tahpa nama pahno.

1 THYSALAWNIKA 1:5 ပူးပေါင်းရင်းမြစ်များ

ISAI 55:11

Cha hawhna hra chata ei bie chhao, Ei pakah tawhta pua aw ta; Aruapa ta kei lâ vaw kua aw vei. Ei chhuahpa patlô aw ta, Ei tuana chhâpa rai a pangoh aw.

MÂKA 16:20

Pachupazy cha sie ei ta, su to liata bie chho ei ta. Abeipa ta âmo cha hriakhei ta, ama bie chhopazy pa-i nawpa ta, ngiana hmonoâhpazy ta a pazi lymâ ei.

LUKA 1:1

Eima hry liata hmo vaw tlôpa thâtihzy kha chyhsa hluhpi ta roh ha ei ta,

HMOTAOPAZY 11:21

Abeipa ku ta âmo cha a châhkhei ta, chyhsa hluhpi ta a ngiapâ ei ta, Abeipa lâ a heih ei ta.

HMOTAOPAZY 16:14

Eima bie a theipazy hry liata pakha cha, Thiatirâ zuah Lydia ama tahpa a châ. Ano cha poh nohsaihpa a zuahpa châ ta, Khazohpa a chhytuhpa chanô a châ. Pawla bie reipa a phapa ta pachâ awpa ta Abeipa ta a palôh pahy ta.

HMOTAOPAZY 2:33

Khazohpa ku chachâh lâta palyupalihpa ta y ta, Thlahpa Pathaihpa pie awpa bietai Paw tawhta hmô ta, nama hmôpa nata nama theipa hawhna heta, Thlahpa Pathaihpa hrypa a châ hih.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

1 KAWRINI 1:24

Zuzy ama châpa chhao ta, Krikâhzy ama châpa chhao ta, awpazy châta cha, Krista cha Khazohpa hmotaotheina nata Khazohpa sona a châ.

1 KAWRINI 10:33

Kei chhao ta, chyhsa hluhpi pachha ama châ thei nawpa ta, keima athôhna tlua leipa na ta, chyhsazy athôhna tluapa ta, hmo ei taopa to liata chyhsa to palysa tlao ei chhuah tyh.

1 KAWRINI 3:16

Khazohpa Achhyna o châ ei chi ta, Khazohpa Thlahpa nâmo liata a pahrâ tahpa pahno veih ei chi mâ?

1 KAWRINI 3:6

Kei ta loh na ta, Apawlôsâ ta ti bao ta, Khazohpa ta a palaiseihsa.

1 KAWRINI 4:20

Khazohpa khinarâh cha biereipa liata y vei, hmotaotheina liata tlao a y.

1 KAWRINI 9:14

Cha hawhna chata, thâtihpha chhotuhpazy châta, thâtihpha cha ama nie hmôna châ awpa ta Abeipa ta bie a pie.

2 KAWRINI 3:6

Khazohpa ta biehrai thiehpa chakaotuhpazy châ awpa ta miah patlohsa ta, ryhpa vâta châ leipa ta, Thlahpa vâta a châ. Ryhpa ta thie ta, Thlahpa deikua ta a pahro tyh.

KALATIA 2:2

Aluahna kyh vâta a khypa châ na ta, hraoleipa liata a vaw râpasuapa tlyma, a râpasua haipa tlyma ei châ lei nawpa ta, Zenitaizy hry liata thâtihpha tlâh ei awkhei tyhpa cha, nôpaw viapazy hnohta ano eih ta ei chho ei.

KALATIA 5:5

Keimo deikua la, Thlahpa zawhzi ta, ngiapâna vâta siana to awpa hnabeiseihpa ta, a ngiatiah leipa ta eima hâ.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

EPHESI 3:20

Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

PHILIPI 2:13

Ano alynazie tlaichhai ta, a khopa tao awpa ta, nâmo liata hriatuhpa cha Khazohpa a châ.

PHILIPI 4:9

Keima liata hmo namâ chupa, nama daopa, nama theipa nata nama hmôpa zy kha tao tyh muh vy. Chatanachata thlalôhna Khazohpa ta a cha ypâ aw ei.

KAOLAOSÂ 2:2

Chatanachata ama palôhzy thapatlôpa ta y aw ta, kyhpachâna liata a chahry pabaoh aw ei ta, pahnopasiana liata hneirôna zydua topa ta, Khazohpa bienyupa, Krista cha ama pahno thei aw.

1 THYSALAWNIKA 2:13

Keimo tawhta nama theipa Khazohpa bie namâ pyh nona kha, chyhsapa bie a pyhpa hawhta a pyh leipa ei chi ta, a châna dopa, Khazohpa bie hawhta namâ pyhpa vâta, Khazohpa hnohta alyna bie khâ eima reih tyh. Cha Khazohpa bie cha nâmo, ngiapâtuhpazy chô liata a hriapa cha a châ.

2 THYSALAWNIKA 2:14

Eima Beipa Zisu Krista rônahna nama to thei nawpa ta, Khazohpa ta eima thâtihpha hmâpa ta a cha aw ei.

2 TIMAWTHY 2:10

Chavâta atlyhpazy ta Krista Zisu liata a ypa pachhana cha, chhâzaw rônahna chhaota ama hmô thei nawpa ta, âmo châta ato pasa ei tao lylia.

2 TIMAWTHY 2:8

Ei thâtihpha reipa hawhta, athihpa hry tawhta a thyu heihpa, Dâvi pathla Zisu Krista a thei thlâh ha mah y.

HEBRAI 10:22

eima palôh liata chhie nata pha pahnona pha leipazy pathaipa ta, eima pôhpa ti pathaihpa ta pasi sih la, ngiapâna liata alôhna a ipa hneipa ta Khazohpa a hnia ei suh u.

HEBRAI 6:11

Hnabeiseihna ipa hnei awpa ta nama tiama tyhpa hawhna khata, achhâna taihta tiama papua lymâ awpa ta eima cha khokhei.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

1 PITY 1:3

Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,

1 PITY 5:3

Nama mohôhpa mietakuzy chô liata a pabeisa leipa u la, mietaku zaw châta a mopâ tlâhpa ta tlao y muh vy.

2 PITY 1:10

Chavâta unawh saih u, a cha awna ei nata a châ tlyhna ei cha, pa-i awpa ta tiama papua rili teh u. Chazy nama tao khiahta cha pao beih aw veih ei chi.

2 PITY 1:19

Hrohsona bie a i via pachaipa hnei pi ta, khih vaw deih ta deiva awhsi nama palôh liata a vaw pua hlâlei zohna liata meiôh a khaih chypa hawhta, cha hrohsona biezy cha nama pachâ khiahta cha, nama châta a pha aw.