1 THÂTIHZYRONA 9:26 - Mara Bible RV (BSI)

²⁶ Chhikao vaituhpa hyutuh chaipa papalihzy cha Livai pathlazy châ ei ta, Khazohpa o chhôhpadâhpazy nata sôh sona mohôhna kyh liata maophaohnazy piepa ama châ.

1 THÂTIHZYRONA 9:26 ပူးပေါင်းရင်းမြစ်များ

2 ABEIZY 7:10

Vawh ei ta, khihpi ochhi vaituhpazy awsao ei ta, ama hnohta, “Aramia mo riehmo lâ vawh pi ta, cha liata ahy hmah vaw y leipa ei ta, chyhsa pyu rai y leipa ta, arâzy nata alâzy deita hraipa ta y ei ta, poh ozy cha a y ualuapa ta a vaw y thlâh haw,” tah ei ta.

1 THÂTIHZYRONA 9:25

Ama khihzy liata ama heinawhzy ta noh sari padai ta a thla tyh ei ta, ama rai ama bao tyh.

1 THÂTIHZYRONA 9:27

Achhyna o mohôhna nata my chareih ta pahyna cha âmo maophaohna a châpa vâta, Khazohpa o chadôpa ta amâ riepâ tyh.

NEHEMIAH 13:5

niepa hlâna, ropahâhpa, hmobaohzy, sâh su hrawh su khazy, kresawhti nata sathaw so tyhna chhôhpadâhpa lai ngaitapa cha Tôbia y nawpa ta vaw pachhuahpanoh ta. Cha liata hmo sopazy cha Livai pathlazy, hlasathaipazy, chhikao vaituhpazy nata theihthaipazy châta thyuna zy châta hmâ awpa ta biepiepa kha châ ta.

ZEREMIAH 35:2

Abeipa ta Zeremiah hnohta, “Rekabi pathlazy lâ vawh la, âmo cha bie a kei chho la, Abeipa o liata chhôhpadâhpa miakha lâ a vaw chhipa ta, âmo cha kresawhti padosa mah y,” tah ta.

EZEKIA 40:17

Chatawhcha khôtho tlyhmia lâ nâ chhi ta. Tlyhmia chadôpa ta chhôhpadâhpazy nata lâpi miakha y ta. Lâpi lâ a heihpa ta chhôhpadâhpa sythôh a y.