1 THÂTIHZYRONA 9:2 - Mara Bible RV (BSI)

² Ama ryuto râh khihpizy liata a pahrâ pakhua heihpa hmiatuapazy cha Izarei saw thokhazy, theihthaipazy, Livai chizy nata Achhyna o liata chakaotuhpazy châ ei ta.

1 THÂTIHZYRONA 9:2 ပူးပေါင်းရင်းမြစ်များ

EZRÂ 2:1

Hezy he Babylaw bei Nebukaneza ta Zudâh râh tawhta Babylaw lâ sei ta â chhipa, Zerusale nata Zudâh râh liata ama khih lâ chyu ta a vaw kuapazy ama châ.

EZRÂ 2:43

Achhyna o liata chakaotuhpa a vaw liepazy cha Ziha pathlazy, Hâsupha pathlazy, Tâbao pathlazy,

EZRÂ 2:58

Achhyna o chakaotuhpazy nata Sawlawmaw chakaotuhpazy pathla a vaw liepazy cha, ama zydua ta 392 ama châ.

EZRÂ 2:70

Chatanachata theihthaipazy, Livai pathlazy vâtlâh tho­khazy, hlasathaipazy, chhikao vaituhpazy nata Achhyna o liata chakaotuhpazy cha ama khih chyu liata pahrâ khai ei ta, Izarei saw hropazy chhao ama khih chyu liata ama pahrâ khai.

EZRÂ 8:20

Chazy hleikhô ta, Dâvi nata a beimachâzy ta Livai pathlazy bao awpa ta ama raopa Achhyna o chakaotuhpa 220 amâ hlao. Ama zydua ta ama moh roh khaipa a châ.

NEHEMIAH 10:29

ama unawh nôpawpazy rei a hly ei ta, Khazohpa chakaotuhpa Mawsi ta a piepa Khazohpa Ryhpa cha zyh ta, Abeipa eima Zibeipa biepiepa zydua nata a ryureinazy nata a bieraopazy zyh awpa ta hetana heta bie amâ taih.

NEHEMIAH 11:1

Izarei phopi chhituhpazy cha Zerusale liata pahrâ ei ta. Ahropazy deikua cha, nuby a dao ei ta, pahrawh liata pakha khihpi pathaihpa Zerusale liata pahrâ ei ta, pahrawh liata pachaki cha khih hropazy liata pahrâsapa ama châ.

NEHEMIAH 7:60

Achhyna o chakaotuhpazy nata Sawlawmaw chakaotuhpazy pathla a vaw liepazy cha, ama zydua ta 392 ama châ.

NEHEMIAH 7:73

Chatanachata theihthaipazy, Livai pathlazy, chhikao vaituhpazy, hlasathaipazy, zawpi thokhazy, Achhyna o chakaotuhpazy nata Izarei saw zydua cha ama khih chyu liata pahrâ ei ta. Thla sarina a vaw tlô nahta, Izarei sawzy cha ama khih chyu liata ama pahrâ khai haw.