1 THÂTIHZYRONA 9:19 - Mara Bible RV (BSI)

¹⁹ Sâluh cha Kôre sawchapawpa châ ta, Kôre cha Ebiasâ sawchapawpa châ ta, Ebiasâ cha Kôrâ sawchapawpa a châ. Ebiasâ nata Kôrâ pathla a heinawhzy cha chakaona raihria kyh liata maophaohtuhpa ama châ. Âmo pathlatuhpazy cha Abeipa riehmo mohôhtuhpazy châ ei ta, chhikao vaituhpazy ama vaw châ tyhpa hawhta, âmo chhao poh o chhikao vaituhpazy ama châ hra.

1 THÂTIHZYRONA 9:19 ပူးပေါင်းရင်းမြစ်များ

2 ABEIZY 11:15

Theihthaipa Zehôdâ ta pheisaih hyutuhpazy biepie ta, “Pheisaihzy ta chadô ei sala, vaw puakhei u la, ahy rai ano a pazipa maih cha zaozi ta thie teh u,” tah ta. Theihthaipa ta, “Abeipa o liata thie awpa châ vei,” tah ta.

2 ABEIZY 11:9

Pheisaih za kha hyutuhpazy ta theihthaipa Zehôdâ biepiepa zydua hawhta tao ei ta. Hyutuhpazy ta Pahânoh ta a pahâ awpa nata Pahânoh ta a hria awpa vaituhpazy a vaw chhi chyupa ta, theihthaipa Zehôdâ lâ a vy ei ta.

2 ABEIZY 12:10

Thobyh liata tâkâ a hluh kaw bâ tahpa ama pahno nahta, abei chârohtuhpa nata theihthai beichaipa khy ei ta, sykhao ta chaty ei ta, Abeipa o liata tâkâ a ypa zie cha reih tyh ei ta.

1 THÂTIHZYRONA 9:18

Kha hlâta cha Livai mo riehmozy liata chhikao vaituhpa châ ei ta, nochhi lâta abei chhikao vaituhpazy ama châ.

1 THÂTIHZYRONA 9:20

Kha hlâta cha Eliaza sawchapawpa Phinehâ cha ama hyutuhpa châ tyh ta, a hnohta Abeipa a y tyhpa a châ.

HLAZY 42:1

Sakhi vahtie ti vâpa ta a pahlapa hawhta, Hy Khazohpa, nâma vâpa ta ei hro a pahla.

HLAZY 44:1

Hy Khazohpa, hlâno daihtizy liata, Miah pathlatuhpazy daihti liata na hmotaopazy kha; Miah pathlatuhpazy ta miah chho ei ta, Eima nah ta eima thei haw.

HLAZY 49:1

Phopizy saih u, He he thei u la; Khizaw chyhsa zydua saih u, Nah pachôh teh u.

HLAZY 84:10

Na dôhpachhôh tlyhmia liata noh kha ypa cha, Su hropa liata noh sâh kha ypa hlâta a pha via. Moleipa poh o liata pahrâpa hlâta cha, Ei Khazohpa o chhikao vaituhpa châ awpa ei khoh via.

ZEREMIAH 35:4

Abeipa o liata Khazohpa chyhsa Idaliah sawchapawpa Hâna sawzy chhôhpadâhpa lâ a vaw chhi ei na ta. Cha chhôhpadâhpa cha beimachâzy chhôhpadâhpa kiapâh liata y ta, Sâluh sawchapawpa ochhi vaituhpa Mâsei chhôhpadâhpa chô liata a ypa a châ.

ZEREMIAH 52:24

Abei vaituhpazy hyutuhpa ta theihthai bei Seriah nata ano a pazipa theihthaipa Zephania nata ochhi vaituhpa pathôh zy patu ta.