1 THÂTIHZYRONA 9:17 - Mara Bible RV (BSI)

¹⁷ Chhikao vaituhpazy cha Sâluh, Aku, Talmaw, Ahimâ nata ama heinawhzy châ ei ta, Sâluh cha hyutuhpa a châ.

1 THÂTIHZYRONA 9:17 ပူးပေါင်းရင်းမြစ်များ

2 ABEIZY 7:10

Vawh ei ta, khihpi ochhi vaituhpazy awsao ei ta, ama hnohta, “Aramia mo riehmo lâ vawh pi ta, cha liata ahy hmah vaw y leipa ei ta, chyhsa pyu rai y leipa ta, arâzy nata alâzy deita hraipa ta y ei ta, poh ozy cha a y ualuapa ta a vaw y thlâh haw,” tah ei ta.

1 THÂTIHZYRONA 23:5

4,000 chhikao vaituhpazy châ aw ei ta, 4,000 zy cha reithaina hla sa nawpa ta pyungiapa chhaichhi ei taopazy hmâpa ta Abeipa lâta reithaina hla satuhpazy ama châ aw,” tah ta.

1 THÂTIHZYRONA 9:16

Ôbadia cha Semiah sawchapawpa châ ta, Semiah cha Kalâ sawchapawpa châ ta, Kalâ cha Zeduthu sawchapawpa a châ. Berekiah cha Âsâ saw­chapawpa châ ta, Âsâ cha Netôpha mo khihzy liata pahrâpa Elkânâ sawchapawpa châ ta, âmo chhao Livai pathla ama châ hra.

1 THÂTIHZYRONA 9:18

Kha hlâta cha Livai mo riehmozy liata chhikao vaituhpa châ ei ta, nochhi lâta abei chhikao vaituhpazy ama châ.

2 THÂTIHZYRONA 8:14

A paw Dâvi ta a vaw rao hapa hawhta, theihthaina rai hria awpa ta theihthaipazy cha a py py ta pachhaih ta, Livai pathlazy chhao theihthaipazy hmiakô liata reithaina hla sa awpa ta noh chareih ta â ngiahnazie hawhta a py py ta pachhaih ta, chhikao vaituhpazy chhao ama chhikao vai awpa chyu ta a py py ta a pachhaih ei. Cha hawhta tao awpa ta, Khazohpa chyhsa Dâvi ta bie a vaw pie hapa a châ.

EZRÂ 2:42

Chhikao vaituhpazy hry tawhta Sâluh pathlazy, Ate pathlazy, Talmô pathlazy, Aku pathlazy, Hâti pathlazy nata Sôbai pathlazy, ama zydua ta 139 amâ vaw lie.

NEHEMIAH 11:19

Zerusale liata a pahrâpa chhikao vaituhpa Aku, Talmô nata ama unawhzy cha ama zydua ta 172 ama châ.