1 THÂTIHZYRONA 7:21 - Mara Bible RV (BSI)

²¹ Tahâ sawchapawpa cha Zabâdi cha ta, Zabâdi sawchapawpa cha Suthelâ a châ. Epharai sawchapaw hropa Eze nata Elia zy cha, cha râh liata a pahrâpa Kâthâ khihsawzy ta ama sahroh zaw paru awpa ta a zu ei ta ama thie haw.

1 THÂTIHZYRONA 7:21 ပူးပေါင်းရင်းမြစ်များ

1 THÂTIHZYRONA 7:20

Epharai sawchapawpa cha Suthelâ châ ta, Suthelâ sawchapawpa cha Bere châ ta, Bere sawchapawpa cha Tahâ châ ta, Tahâ sawchapawpa cha Eliadâh châ ta, Eliadâh sawchapawpa cha Tahâ châ ta,

1 THÂTIHZYRONA 7:22

Ama paw Epharai cha noh hluhpi mâchhiesa ta, a unawhzy ano lâ sie ei ta, a thlah ama kei palôh.

EZEKIA 25:15

“Abeipa Zehôvâh ta hetana heta a tah: Philistinâ mo cha phuh lanazie ta a pielyu ei ta, palôh chhiepa phaopa ta, akhakhaina chhâ thai khao leipa ta Zudâh a khakhai ei ta, Zudâh cha pahleipadia amâ chhuahpa vâta,

ZAWHÂNA 11:19

Ama rilâhpa mâchhie ama sapa thlapalôh awpa ta, Zu chyhsa hluhpi Marthâ nata Mâri o lâ a vy ei ta.

1 SAMUELA 5:10

Khazohpa Byh cha Ekaraw lâ paphao heih ei ta. Khazohpa Byh Ekaraw a tlô nahta, Ekaraw khihsawzy ta, “Keimo nata eima phopi thie awpa ta, Izarei Khazohpa Byh he keimo lâ ama vaw cheipa a châ hih,” tahpa ta awh chaimâh ei ta.

1 SAMUELA 5:8

Chyhsa tuah ei ta, Philistinâ bei zydua aw pakhy ei ta, ama hnohta, “Izarei Khazohpa Byh he kheihta ma eima tao aw?” tah ei ta. Âmo ta, “Izarei Khazohpa Byh he Kâthâ khihpi lâ siekheipa châ mawh sy,” tah ei ta. Chatanachata Izarei Khazohpa Byh cha Kâthâ khihpi lâ siekhei ei ta.