1 THÂTIHZYRONA 6:4 - Mara Bible RV (BSI)

⁴ Eliaza ta Phinehâ sa ta, Phinehâ ta Abisua sa ta,

1 THÂTIHZYRONA 6:4 ပူးပေါင်းရင်းမြစ်များ

2 SAMUELA 8:17

Ahitu sawchapawpa Zadô nata Abiathâ sawchapawpa Ahimele zy cha theihthaipazy châ ei ta, Seriah cha chârohtuhpa a châ.

1 THÂTIHZYRONA 23:21

Merâri sawchapawzy cha Mâhli nata Musi ama châ. Mâhli sawchapawzy cha Eliaza nata Kisâ ama châ.

1 THÂTIHZYRONA 24:26

Merâri sawchapawzy cha Mâhli nata Musi ama châ. Zaziah sawchapawzy hry liata pawhrâh chaipa cha Benô a châ.

1 THÂTIHZYRONA 6:3

Amrâ pathlazy cha Arawna, Mawsi nata Miria zy ama châ. Arawna sawchapawzy cha Nâdâ, Abihu, Eliaza nata Ithamâ zy ama châ.

1 THÂTIHZYRONA 6:50

Hezy he Arawna pathlazy ama châ: Arawna sawchapawpa Eliaza sawchapawpa cha Phinehâ châ ta, Phinehâ sawchapawpa cha Abisua châ ta,

1 THÂTIHZYRONA 9:20

Kha hlâta cha Eliaza sawchapawpa Phinehâ cha ama hyutuhpa châ tyh ta, a hnohta Abeipa a y tyhpa a châ.

EZRÂ 8:18

Khazohpa ku phapa eima chô liata y ta, hmo a pahno thaipa chyhsa Serebiah nata a sawchapawzy nata a heinawhzy pahrawh hleicharie a vaw chhi ei ta. Serebiah cha Mâhli pathlazy hry liatapa châ ta, Mâhli paw cha Livai châ ta, Livai paw cha Izarei a châ.

EZRÂ 8:2

Phinehâ pathlazy tawhta Kesao, Ithamâ pathlazy tawhta Dâniah, Dâvi pathlazy tawhta Hâtu,

PUASAINA 6:25

Arawna sawchapawpa Eliaza ta Putie sawchanôzy hry liata pakha lapinô ta hnei ta, ano ta Phinehâ sapa ta. Chazy cha ama pho tawhta a laichadaipa ta, Livai chizy pathlatuh thabypazy ama châ.

MALUHREINA 25:13

A Khazohpa châta a hiatlia ta, Izarei sawzy châta chatlaina a taopa vâta, cha cha ano nata a hnôhlâ ta a pathlazy châta chhâzaw ta theihthaipa châna biehrai a châ aw,’” tah ta.

MALUHREINA 31:6

Mawsi ta âmo cha adyuhna lâ pasiesa ta, chi to hry tawhta sâh kha chyu pua ei ta, theihthaipa Eliaza sawchapawpa Phinehâ chhao, hmobaoh pathaihpazy nata biepie nawpa ta chiahmiezy chabapa ta adyuhna lâ sie hra ta.

ZAWSUA 14:13

Zawsua ta Kâlebâ cha byhnâ awpa ta, Hebraw cha Zephune sawchapawpa Kâlebâ hnohta a ryuto râh châta pie ta.

ZAWSUA 14:15

Hebraw cha Kiriathâbâ tahpa ta aw tyhpa châ ta, Arabâ cha Anâki mo hry liata chyhsa rônah chaipa a châ. Chatanachata adyuhna pai ta, râh cha thlahlôhpa ta y ha ta.

ZAWSUA 22:13

Izarei sawzy ta Kilia râh liata a ypa Rubena pathlazy, Kâdâ pathlazy nata Manase chi khophiezy lâta theihthaipa Eliaza sawchapawpa Phinehâ tuah ei ta.

ZAWSUA 24:33

Arawna sawchapawpa Eliaza cha thi ta, a sawchapawpa Phinehâ hnohta a ryuto châta ama piepa Epharai tlâh râh Kibia khih liata ama pabu.

RYUREITUHPAZY 20:28

Arawna sawchapawpa Eliaza sawchapawpa Phinehâ ta Khazohpa Biehrai Byh hmiakô liata a chakao daihti a châ. Izarei sawzy ta, “Eima unawhpa Benzami sawzy a dyuh awpa ta eima khy heih aw ma, eimâ chalih ha bâ hri aw ma?” tah ei ta. Abeipa ta, “Khy teh u, mylâ nama ku liata âmo ei cha pie aw ei,” tah ta.