1 THÂTIHZYRONA 6:39 - Mara Bible RV (BSI)

³⁹ Hlasathaipa Hemâ baotuhpa cha a unawhpa Asâpha châ ta, ano cha Hemâ chachâh lâta a duah tyhpa a châ. Asâpha paw cha Berekiah châ ta, Berekiah paw cha Simia châ ta,

1 THÂTIHZYRONA 6:39 ပူးပေါင်းရင်းမြစ်များ

NEHEMIAH 7:44

Hlasathaipazy hry tawhta Asâpha pathlazy 148 amâ vaw lie.

EZRÂ 2:41

Hlasathaipazy hry tawhta Asâpha pathlazy 128 amâ vaw lie.

HLAZY 83:1

Hy Khazohpa, a chalih leipa la, Hy Khazohpa, a thlih thlâh ha leipa la, Y molo cheita khah y!

HLAZY 81:1

Eima thatlôna Khazohpa lâ ao paropa ta hla sa u la, Zakaw Khazohpa lâ a lypa ta awh teh u!

HLAZY 79:1

Hy Khazohpa, phopi hropazy ta na ryuto râh lâ a vaw ngia ei ta, Nâma Achhyna o pathaihpa papuapaleipa ta, Zerusale khihpi ama parao haw.

HLAZY 77:1

Ao paropa ta Khazohpa lâ awh na ta, Khazohpa lâ tlai cha ao paropa ta ei awh; Kei lâta a nah a pachôh aw.

HLAZY 75:1

Hy Khazohpa, alyna bie eima cha hlâ; Na moh â hniapa vâta alyna bie cha hlâ pi ta, Na hmonoâh taopa kyhzy eima phuah.

HLAZY 73:1

Khazohpa cha Izarei chô liata pha ta, Palôh pathaihpazy chô liata a vaw pha tlai na.

NEHEMIAH 12:46

Hlâno Dâvi nata Asâpha daihti no tawhta, hlasathaipa py chhituhpazy vaw y ha ei ta, Khazohpa lâta alyna bie reina nata reithaina hla sanazy liata ama vaw chhihtha tyh.

NEHEMIAH 11:17

Mikâ sawchapawpa Mâtaniah chhao Zerusale liata a pahrâ. Mâtaniah cha Zabidi sawchapawpa châ ta, Zabidi cha Asâpha sawchapawpa a châ. Asâpha cha reithaina hla chhituhpa châ ta, alyna bie a reih tyhpa a châ. A pilâhpazy hry liata a panona Bâbukiah nata Sâmua sawchapawpa Abadâ zy chhao Zerusale liata ama pahrâ hra. Sâmua cha Kalâ sawchapawpa châ ta, Kalâ cha Zeduthu sawchapawpa a châ.

2 THÂTIHZYRONA 29:13

Elizaphâ pathlazy tawhta Simri nata Zuli, Asâpha pathlazy tawhta Zekaria nata Mâtaniah,

2 THÂTIHZYRONA 5:12

Livai pathla hlasatuhpa zydua, Asâpha, Hemâ, Zeduthu nata ama sawchapawzy nata ama chiheihzy cha lini poh rih dipa ta a tobipa ta, paotlâzy, tlaipihzy, totâzy chhaota maisâh nochhi lâchhâh liata a duah ei ta. Chiahmie tôtuhpa theihthaipa 120 chhao ama hnohta a duah hra ei ta.

HLAZY 82:1

Khazohpa ta vâ pakhypi rônahpa chhihtha ta, Khazohzy hry liata ryureina siekhei ta, Hetana heta pachiana bie a phuah:

HLAZY 80:1

Hy Izarei vaituhpa, Na nah vaw pachôh la; Mietaku zaw hawhta Zawsi a chhihthatuhpa y, Na nah vaw pachôh mah y! Cherubizy chô liata bei ta patyupa y, Vaw khaih mah y!

HLAZY 78:1

Hy ei phopi, ei pachuna nathlie la, Ei pakah biezy lâta na nah pachôh mah y!

HLAZY 76:1

Zudâh liata Khazohpa pahno ei ta, Izarei liata a moh parônahsapa ta a y.

HLAZY 74:1

Hy Khazohpa, khazia chhâzaw ta miah thy chi ta, Khazia na sibiepa su liata mietakuzy cha, Na hiehâhna meikhuh ta na pa-uh khai ha ei tly?

HLAZY 50:1

Abeipa, Khazohpa Atotaotheipa ta bie reih ta, Noh chhina tawhta noh tlana taihta, Leilô zydua a awpakhy.

NEHEMIAH 12:35

A pazipa ta theihthaipazy pathla chiahmie tôtuhpazy hry liatapa Zawnathâ sawchapawpa Zekaria sie ta. Zekaria cha Semiah sawchapawpa châ ta, Semiah cha Mâtaniah sawchapawpa châ ta, Mâtaniah cha Mikai sawchapawpa châ ta, Mikai cha Zaku sawchapawpa châ ta, Zaku cha Asâpha sawchapawpa a châ.

NEHEMIAH 11:22

Zerusale liata Livai pathlazy hyutuhpa cha Bâni sawchapawpa Uzizi a châ. Bâni cha Hâsabiah sawchapawpa châ ta, Hâsabiah cha Mâtaniah sawchapawpa châ ta, Mâtaniah cha Mikhâ sawchapawpa châ ta, Mikâ cha Asâpha pathlazy hry liatapa a châ. Asâpha pathlazy cha hlasathaipazy châ ei ta, Khazohpa o raihria mohôhtuhpazy ama châ.

EZRÂ 3:10

Osatuhpazy ta Abeipa Achhyna o lôbô ama bô nahta, theihthaipazy ta ama theihthaipa chysiazy ta a tobipa ta, chiahmiezy chabapa ta hmia lâ vaw pua ei ta, Livai chi Asâpha pathlazy chhao paotlâzy chabapa ta, Izarei bei Dâvi biepiepa hawhta Abeipa reithai awpa ta vaw pua hra ei ta.

2 THÂTIHZYRONA 35:15

Dâvi biepiepa hawhta, Asâpha pathla hlasathaipazy cha ama châta su raopa liata y ei ta, Asâpha, Hemâ nata abei hrohsopa Zeduthu zy chhao ama châta su raopa liata y hra ei ta, chhikao vaituhpazy chhao ama chhikao chyu liata y ei ta. Ama unawh Livai pathlazy ta ama châta amâ chhuanoh hapa vâta, ama chakaona raihria siesai awpa byuh vei.

2 THÂTIHZYRONA 29:30

Bei Hezekia nata beimachâzy ta Livai pathlazy cha, Dâvi nata hrohsopa Asâpha phipa reithaina hlazy sa awpa ta biepie ei ta. Thapha ngaitapa ta reithaina hlazy cha sa ei ta, a bôh ei ta, Khazohpa a chhy ei ta.

2 THÂTIHZYRONA 20:14

Zawpi ahmaohna liana chata Abeipa Thlahpa cha Zahâzie chô liata vaw tlô ta. Zahâzie cha Zekaria sawchapawpa châ ta, Zekaria cha Benai sawchapawpa châ ta, Benai cha Zeili saw­chapawpa châ ta, Zeili cha Asâpha pathla, Livai chyhsa Mâtaniah sawchapawpa a châ.

1 THÂTIHZYRONA 26:1

Hezy he chhikao vaituhpa ta raopazy ama châ: Kôrâ pathla tawhta Asâpha sawchapawzy hry liata Kôre sawchapawpa Meselemiah raopa a châ.

1 THÂTIHZYRONA 25:2

Asâpha sawchapawzy tawhta Zaku, Zawsi, Nethaniah nata Asrelâh zy raopa châ ei ta, âmo cha abei biepiepa hawhta hrohsona hla a satuhpa ama paw Asâpha ta a chhihtha ei.

1 THÂTIHZYRONA 16:7

Chatanachata cha noh liata, Abeipa lâ alyna bie reina hla sa awpa ta, Dâvi ta Asâpha nata a unawhzy cha rao ta, he Dâvi hla phipa he Abeipa lâ ama hlâ.

1 THÂTIHZYRONA 6:38

Kôrâ paw cha Izah châ ta, Izah paw cha Kôhâ châ ta, Kôhâ paw cha Livai châ ta, Livai paw cha Izarei a châ.

1 THÂTIHZYRONA 6:40

Simia paw cha Mikaila châ ta, Mikaila paw cha Bâsiah châ ta, Bâsiah paw cha Mâkia châ ta,

1 THÂTIHZYRONA 25:1

Dâvi nata pheisaih hyutuhpazy ta Asâpha, Hemâ nata Zeduthu pathlazy cha totâzy, tlaipihzy, paotlâzy tô ta, hrohsona hlazy sa awpa ta panano ei ta. Hezy he pyungiapa chakaona rai a hriapazy ama châ:

ZAWSUA 21:4

Kôhâ pathla phozy to awpa nuby a dao tua chaipa châ ta. Zudâh, Simeôna nata Benzami chi tovyuhzy tawhta khihpi miahrawh hleithôh cha theihthaipa Arawna pathla Livai chizy hnohta ama pie.

ZAWSUA 21:9

Khihpi moh palâsapazy he Zudâh chi tovyuh nata Simeôna chi tovyuh tawhta Livai chizy hnohta ama pie.