1 THÂTIHZYRONA 5:26 - Mara Bible RV (BSI)

²⁶ Chavâta Izarei Khazohpa ta Asuria bei Puli palôh nata Asuria bei Tikalâpilesa palôh pathyu ta, Rubena chi, Kâdâ chi nata Manase chi khophie zy cha sei ta a chhi ta, Hâlâ, Hâbaw nata Hârâ khihpizy nata Kôzani chavah liata âmo cha soh ta, tanoh taihta cha liata ama y.

1 THÂTIHZYRONA 5:26 ပူးပေါင်းရင်းမြစ်များ

2 SAMUELA 24:1

Abeipa cha Izarei chô liata a pathi ia heih ta, chatanachata âmo patypamâ awpa ta Dâvi cha pasyu ta, a hnohta, “Sie la, Izarei nata Zudâh maluh kei reih teh,” tah ta.

2 ABEIZY 15:19

Asuria bei Puli ta Izarei râh za siehnao ta. Menâhe ta â beina pa-i awpa nata bao awpa ta Puli cha tâkâ talent sâh kha pie ta.

2 ABEIZY 15:29

Izarei bei Pekâ â bei nota, Asuria bei Tikalâpilesa ta Izaw, Abelamâkâh, Zanô, Kedesâ nata Hâzaw khihpizy, Kilia nata Kâlili râhzy nata Nâthalai râh zydua la ta. Chyhsazy sei ta Asuria râh lâ a chhi ta.

2 ABEIZY 16:7

Ahâza ta Asuria bei Tikalâpilesa lâ lyuhchâpa tuah ta, a hnohta, “Châ chakaotuhpa nata na sawchapawpa ei châ hih. A khy la, nâ dyuh ngâpa Aramia bei ku tawhta nata Izarei bei ku tawhta na kaw pachha teh,” tah ta.

2 ABEIZY 17:6

Hôsia kô chaki â bei kô ta, Asuria bei ta Samâri khihpi cha la ta, Izarei mo cha Asuria râh lâ siekhei ta, Hâlâh khih nata Hâbaw chavah liah liata Kôzani khih nata Mede mo khihpizy liata paysa ta.

2 ABEIZY 18:11

Asuria bei ta Izarei mo cha Asuria râh lâ siekhei ta, Hâlâh khih nata Hâbaw chavah kiah liata Kôzani khih nata Mede mo khihpizy liata a paysa ei.

2 ABEIZY 19:12

Nâ pathlatuhpazy ta ama pahleipadia hapa phopizy, Kôzani, Harânâ, Reze nata Telasâ liata a ypa Idâh mo zy kha ama phopi khazohzy ta ama pachha thei ma?

1 THÂTIHZYRONA 5:22

Adyuhna cha Khazohpa eih a châpa vâta, Rubena chi, Kâdâ chi nata Manase chi khophiezy ta Hâkari mo nata ama hnohta a ypa hluhpi cha thiepa ta papao ei ta, Izarei sawzy seichâna lâ siekheipa ta ama yna daihti taihta Hâkari mo râh liana cha ama pahrâ haw.

1 THÂTIHZYRONA 5:6

Bâlâ sawchapawpa cha, Asuria bei Tikalâpilesa ta sei ta â chhipa Berâh kha châ ta, Rubena pathlazy hyutuhpa a châ.

1 THÂTIHZYRONA 9:1

Chatanachata Izarei saw zydua thyutôna cha roh khaipa châ ta, chazy cha Abeizy Châbu liata ropa a châ. Zudâh cha a paraona vâta Babylaw lâ sei ta a chhipa châ ta.

2 THÂTIHZYRONA 28:20

Asuria bei Tikalâpilesa ta Ahâza cha vaw siehnao ta, thapatlô châpa ta, nôpopa ta tlao a soh hapa a châ.

2 THÂTIHZYRONA 30:6

Châ phaohtuhpazy ta abei nata a beimachâzy châ cha phaopa ta Izarei nata Zudâh râh zydua lâta sie ei ta, abei biepiepa hawhta, “Hy Izarei sawzy saih u, Khazohpa cha nâmo, Asuria beizy ku tawhta a puapa, laibâhpazy lâta â vaw heih thei nawpa ta, Abeipa, Abarahâ, Aisika nata Izarei Khazohpa lâ kua heih teh u.

2 THÂTIHZYRONA 33:11

Chavâta Abeipa ta Asuria pheisaih hyutuhpazy vaw tuah ta, Manase cha patu ei ta, a hnari daohpa ta dawh bâlia ta buh ei ta, Babylaw lâ ama siekhei haw.

EZRÂ 1:5

Chatanachata Zudâh nata Benzami pho pawhrâhpazy, theihthaipazy, Livai pathlazy nata Zerusale liata Abeipa o paduapathi awpa ta Khazohpa ta a palôh a pathyupa zydua thyu ei ta.

ISAI 37:12

Nâ pathlatuhpazy ta ama pahleipadia hapa phopizy, Kôzani, Harânâ, Reze nata Telasâ liata a ypa Idâh mo zy kha ama phopi khazohzy ta ama pachha thei ma?

ISAI 37:18

Hy Abeipa y, Asuria beizy ta phopizy nata ama râhzy cha parao ha tlai ei ta,