1 THÂTIHZYRONA 5:20 - Mara Bible RV (BSI)

²⁰ Adyuhna liata Khazohpa lâ thlahchhâ ei ta, ano ama ngâpa vâta, a para ngaitapa ta ama hiana cha Khazohpa ta chyh-ei ta, Hâkari mo nata ama hnohta a ypa zydua cha ama ku liata a pie ha ei.

1 THÂTIHZYRONA 5:20 ပူးပေါင်းရင်းမြစ်များ

ÂTHAONA 25:21

A lapinô a choh hapa vâta Aisika ta Abeipa lâta thlahchhâ ta, Abeipa ta a hiana cha chyh-ei ta, a lapinô Rebekâ cha saw phaoh ta.

ÂTHAONA 49:19

“Kâdâ cha chariahpazy ta siehnao aw ei ta, Châhrasala ama ngavâhmaothy liata a tu aw ei.

1 ABEIZY 22:32

Talailih pheisaih hyutuhpazy ta Zehôsaphâ ama hmô nahta, “Izarei bei a châ huh,” tah ei ta. Ano cha a heihnaopa ta a dyuh ei ta. Zehôsaphâ cha thata awh ta.

1 THÂTIHZYRONA 5:21

Ama sahrohzy, râraoseihpa 50,000, mietaku 250,000 nata alâ 2,000 siekhei ei ta, chyhsa chhao ahrohpa ta 100,000 ama siekhei haw.

1 THÂTIHZYRONA 5:22

Adyuhna cha Khazohpa eih a châpa vâta, Rubena chi, Kâdâ chi nata Manase chi khophiezy ta Hâkari mo nata ama hnohta a ypa hluhpi cha thiepa ta papao ei ta, Izarei sawzy seichâna lâ siekheipa ta ama yna daihti taihta Hâkari mo râh liana cha ama pahrâ haw.

2 THÂTIHZYRONA 13:18

Cha daihti liata Izarei maw lâ pheisaihzy cha panawhpa ta y ei ta, Zudâh pheisaihzy deikua cha, ama pathlatuhpazy Khazohpa Abeipa liata amâ pahniehpa vâta, pahniena patosapa ama châ.

2 THÂTIHZYRONA 18:31

Talailih pheisaih hyutuhpazy ta Zehôsaphâ ama hmôpata nahta, “Izarei bei a châ huh,” tah ei ta. Ano cha a heihnaopa ta a dyuh ei ta. Zehôsaphâ cha awh ta, Abeipa ta bao ta, a chadaituhpazy cha Khazohpa ta a pakuasa ha ei.

2 THÂTIHZYRONA 20:12

Hy eima Khazohpa y, âmo cha pachia aw va chi ma? Miah a vaw siehnaopa pheisaih hri hluh ngaitapa he a dyuh awpa ta tloh ma pi. Tao awpa chhao pahno ma pi. Chavâta eima mozy nâ lâta eima vaw khaih hih,’” tah ta.

2 THÂTIHZYRONA 26:7

Philistinâ mo nata Kubâlâ liata a ypa Arabia mo nata Muni mozy â dyuhna liata Khazohpa ta bao ta.

2 THÂTIHZYRONA 33:13

Khazohpa lâ thlahchhâ ta, a hiana cha Khazohpa ta thei ta, ngiachhie ta, a khinarâh Zerusale khihpi lâ â chhi pakhua heih. Chatanachata Manase ta Abeipa cha Khazohpa a châ tahpa a pahno haw.

EZRÂ 8:23

Chatanachata kâhvileipa ta ypa ta, abohna châta eima Khazohpa cha hiah pi ta. Eima Khazohpa ta eima hiana cha miah nathlie ta.

HLAZY 37:39

Mosiapazy pachhana cha Abeipa tawhta châ ta, Nôpona daihti liata ama thokhy a châ.

HLAZY 37:40

Mosiapazy cha ano amâ chhaipa vâta, Abeipa ta âmo cha baopa ta, Pachha tyh ta, Moleipazy tawhta pachha ta, A pabohsa tyh ei.

HLAZY 46:1

Khazohpa cha eimâ bohna nata thatlôna châ ta, Nôpona daihti liata baotuhpa a hnia thlâh hapa a châ.

HLAZY 9:10

Na moh a pahnopazy ta châ ngâchhâ ei ta, Hy Abeipa, nâ cha châ tluatuhpazy a heihsai beih va chi.

PUASAINA 17:11

Mawsi ta a ku a pazawh chhôh cha Izarei mo ta pahnie lymâ ei ta, a ku a pathliah nahta, Amale mo ta ama pahnie ha tyh.

BIESOZY 29:25

Chyhsapa cha a china ta anosasy khoheih a chôkhâh ta, Abeipa a ngâtuhpa deikua cha â boh aw.

ZEREMIAH 39:18

Cha pachha tlai aw na ta, zaozi ta pao leipa aw chi ta, kei eina ngâpa vâ chi ta, na hrona na paboh aw, Abeipa ta a tah,’ tahpa ta kei chho mah y,” tah ta.

DÂNIAH 6:23

Abei cha a ly ngaita ta, Dâniah cha lôpu tawhta thao awpa ta biepie ta. Dâniah cha lôpu tawhta thaoh ei ta, ano liata pasana khâpa hmah hmô awpa y vei, a Khazohpa khâchâ a ngâ hapa vâta.

NÂHU 1:7

Abeipa cha pha ta, Nôpona noh ta thokhy a châ; Ano liata chhaipazy a pahno ei.

EPHESI 1:12

Chatanachata keimo, Krista liata hnabeiseihna a hnei tuapazy pi he a rônahna reithaina eima châ thei aw.

ZAWSUA 10:14

Cha hawhta Abeipa ta chyhsapa ao a nathliena noh cha, cha hlâta y beih leipa ta, cha khai tawhta chhao y beih khao vei. Abeipa ta Izarei â dyuhkheipa vâta a châ.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

ZAWSUA 23:10

Abeipa nama Khazohpa ta bie châ taih ei ta, ano tlai ta nâmo châta â dyuhpa vâta, nâmo chyhsa pakha ta chyhsa sâh kha namâ chadaipai aw.

1 SAMUELA 19:15

Sawla ta Dâvi kei mo awpa ta chyhsazy tuah ta, “A rakhô dua ta a kaw sy u la, ei thie aw,” tah ta.

1 SAMUELA 7:12

Chatawhcha Samuela ta alô la ta, Mizpâ nata Seni likawh liata bô ta, “Abeipa ta he taih he miah a vaw bao haw,” tah ta, a moh ta Ebeneza a bi.