1 THÂTIHZYRONA 5:18 - Mara Bible RV (BSI)

¹⁸ Rubena chi, Kâdâ chi nata Manase chi khophiezy ta vyhphao nata zaozi a chaba theipa nata li a ka theipa pasaiphazy hnei ei ta, adyuhzie a thaipa nata adyuhna lâ a sie thei awpa pheisaih 44,760 ama hnei.

1 THÂTIHZYRONA 5:18 ပူးပေါင်းရင်းမြစ်များ

1 THÂTIHZYRONA 5:10

Sawla â bei daihti liata Hâkari mo a dyuh ei ta, ama pahnie haw. Chatanachata Kilia nochhi lâ râh zydua liata ama poh ozy liata ama pahrâ haw.

MALUHREINA 1:3

Kô kih tawhta chô lâ Izarei saw adyuhna lâ sie thei awpa zydua cha, nâ nata Arawna ta a hlao hlao ta ama maluh nama reih khai awpa a châ.

MALUHREINA 32:33

Chatanachata Mawsi ta Kâdâ pathlazy, Rubena pathlazy nata Zawsi sawchapawpa Manase pathla khophiezy hnohta Amawri bei Sihaw khinarâh nata Bâsanâ bei Ôkâ khinarâhzy cha, a khihpizy, khihpi râhzy nata a chheipâh râh khihpizy chhaota a pie ei.

ZAWSUA 1:12

Rubena mo, Kâdâ mo nata Manase chi khophiezy hnohta Zawsua ta,