1 THÂTIHZYRONA 5:1 - Mara Bible RV (BSI)

¹ Hezy he Izarei sawchapaw uhtheipa Rubena pathlazy ama châ. Rubena cha sawchapaw uhtheipa châ ta, châhrasala a paw rakhô a papuapaleipa vâta, sawchapaw uhthei châna tovyuh cha Izarei sawchapawpa Zawsi sawchapawzy hnohta piepa châ ha ta, chavâta pathlatuhpazy alaichadaina liata chhao, sawchapaw uhtheipa hawhta a laichadaipa châ khao vei.

1 THÂTIHZYRONA 5:1 ပူးပေါင်းရင်းမြစ်များ

ÂTHAONA 25:23

Abeipa ta a hnohta, “Na chhi chhôh liata râh miano y ta, Na py chhôh tawhta phopi miano a vaw pua aw; Phopi miakha cha ahropa hlâta a thatlô via aw ta, A uhthei viapa ta a seihnai viapa a chakao aw,” tah ta.

ÂTHAONA 25:31

Zakaw ta, “Sawchapaw uhtheipa na châna tovyuh na chaleisa ha tua teh,” tah ta.

ÂTHAONA 29:32

Liah cha saw phaoh ta, sawchapaw sa ta, “Abeipa ta ei pasataozie a hmôpa vâta a châ, tahmâ cha ei vahpa ta kyh eina pachâ ha aw,” tah ta, a moh Rubena a bi.

ÂTHAONA 35:22

Cha râh liata Izarei a y nota, Rubena cha vawh ta, a paw nôtho Bilhâ a ziakhei ta. Izarei ta cha cha pahno ha ta. Zakaw cha sawchapaw pahrawh hleino hnei ta.

ÂTHAONA 46:8

He he Izarei pathla, Izi râh a ngiapa Zakaw nata a sawchapawzy moh a châ: Rubena cha Zakaw sawchapaw uhtheipa châ ta,

ÂTHAONA 48:5

Na yna Izi râh lâ ei zu hlâta, Izi râh liata na sapa na sawchapaw panozy cha keima eih ama châ. Rubena nata Simeôna hawh tlai ta, Epharai nata Manase cha keima eih ama châ aw.

1 THÂTIHZYRONA 2:1

Hezy he Izarei sawchapawzy ama châ: Rubena, Simeôna, Livai, Zudâh, Iskâra, Zebulawna,

1 THÂTIHZYRONA 26:10

Merâri pathlazy hry liata Hôsâ chhao sawchapawzy hnei ta, Simri cha pawhrâh chaipa a châ. Ano cha sawchapaw uhtheipa a châ lei tarawpa ta, a paw ta pawhrâh chaipa ta a rao.

PUASAINA 6:14

Hezy he Mawsi nata Arawna pathlatuhpa chhôhkha luhpazy ama châ: Izarei sawchapaw uhtheipa Rubena sawchapawzy cha Hanô, Pâluh, Hezrô nata Kâmi zy châ ei ta, chazy cha Rubena phozy ama châ.

THEIHTHAINA 18:8

“Na paw lapinô hno na ty awpa châ vei. Cha cha na paw dua thliapa a châ.

THEIHTHAINA 20:11

A paw lapinô a ziakheipa cha, a paw dua a thliapa châ ta, ama pano ta thie thlyu awpa a châ. Ama thisaih maoh ama phaoh aw.

MALUHREINA 1:5

Hezy he châ bao awpa mohzy a châ: Rubena chi tawhta Seidia sawchapawpa Elizu;

MALUHREINA 16:1

Kôrâ, Dâthâ, Abirâ nata Ôni zy ta py tao ei ta. Kôrâ cha Izah sawchapawpa châ ta, Izah cha Kôhâ sawchapawpa châ ta, Kôhâ cha Livai sawchapawpa a châ. Dâthâ nata Abirâ cha Rubena pathla hry liata Eliabâ sawchapawzy châ ei ta, Ôni chhao Rubena pathla hry liata Pele sawchapawpa a châ.

MALUHREINA 26:5

Izarei sawchapaw uhtheipa cha Rubena châ ta, Rubena pathlazy cha, Hanô tawhta Hanô phozy, Pâluh tawhta Pâluh phozy;

1 KAWRINI 5:1

Nama hry liata apatlana a ypa kyh thata a pathâh. Chyhsa pakha ta a paw lapinô ykhei ta, cha hawhpa hmo cha ngiapâleipazy hry lia hmahta a y beih leipa a châ.

RYHPACHANEINA 21:17

A kho lei viapa sawchapawpa cha sawchapaw uhthei dopa châ ta, ano cha a pahno awpa a châ. A hneipa zydua tawhta tovyuh su thôh su no a pie aw. Ano cha a thatlôna thei hmiatuapa châ ta, sawchapaw uhthei châna tovyuh cha ano eih a châ.

RYHPACHANEINA 27:20

“A paw lapinô a ziakheipa cha, a paw dua a thliapa a châpa vâta, chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 33:17

Zawsi cha viahchao pataw tuapa tôhpa hawhta rônah ta, A kizy chaoliah tôhpa ki hawhta a châ; A ki ta phopizy tôh aw ta, Ama zydua ta alei chhâna taih a tôh pathlah aw ei. Âmo cha Epharai thy hluhpi châ ei ta, Manase sâh hluhpizy ama châ.”

KAOLAOSÂ 1:15

Krista cha hmô thei leipa Khazohpa a lyupa, hmotaopa zydua hry liata a pih tua chaipa a châ.

ZAWSUA 14:6

Zudâh pathlazy ta Kilkal liata Zawsua lâ a vy ei ta. Keniza chyhsa Zephune sawchapawpa Kâlebâ ta Zawsua hnohta, “Abeipa ta Kâdesbânia liata Khazohpa chyhsa Mawsi hnohta nâma nata keima kyh liata a reipa kha na pahno.