1 THÂTIHZYRONA 4:9 - Mara Bible RV (BSI)

⁹ Zabia cha a unawhzy hlâta zachhih viapa châ ta, a nô ta, “Riethei pasa ngaitapa ta ei sapa a châ,” tah ta a moh Zabia a bi.

1 THÂTIHZYRONA 4:9 ပူးပေါင်းရင်းမြစ်များ

ÂTHAONA 3:16

Chanô hnohta, “Sawphaona liata na rietheina thata papôh aw na ta, Riethei pasa ngaitapa ta saw na sa aw. Na khona cha na vahpa châta châ aw ta, Ano ta na chô liata bie a hnei aw,” tah ta.

ÂTHAONA 34:19

Sekhe cha Zakaw sawchanô chô liata a palôh a tlâh ngaitapa vâta, cha hmo cha pahawh pasâh leipa ta thlai ta tao awpa khoh ta. Sekhe cha a paw o liata a ypa zydua hry liata palyupalih chaipa a châ.

ÂTHAONA 35:18

Chatawhcha Râkheli cha thi ha ta, a thlahpa a pathlie hai nota, a moh Benôni tahpa ta kaw reih ta, châhrasala a paw ta Benzami tahpa ta a moh a bi.

1 THÂTIHZYRONA 4:10

Zabia ta Izarei Khazohpa pado ta, a hnohta, “Byhnâ na piepa ta, ei râh he na pakawhpa la ei tah kaw dia! Ei chô liata na ku y sala, riethei pasana ei chô liata a tlô lei nawpa ta, nâ pasasa thei awpa tawhta na pabohsa mah y!” tah ta. Khazohpa ta a hiapa cha pie ta.

1 THÂTIHZYRONA 4:8

Kôza ta Anu, Zôbebâ nata Hâru sawchapawpa Ahahe phozy pathla ta.

1 THÂTIHZYRONA 7:23

Epharai cha a lapinô lâ a ngia ta, saw phaoh ta, sawchapaw sa ta, ama ochhôh chhiena ta a tla thlupa vâta, a moh Beriah a bi.

BIESOZY 23:25

Na paw nata na nô thaphapa ta y ei sala, Châ satuhpa na nô cha a lypa ta y mawh sy.

ISAI 43:4

Ei mohmô liata sôh ngaita chi ta, Zachhihpa châ chi ta, Kyh ei cha pachâpa vâta, Nâma vyuhpa ta chyhsazy pie na ta, Na hrona vyuhpa ta phopizy ei pie.

HMOTAOPAZY 17:11

Beria mo cha Thysalawnika mo hlâta pha via ei ta, pahâ ngaitapa ta bie cha dao ei ta, ama reipa cha â do nata do lei pasia nawpa ta noh chareih ta Biehrai a chu pasia tyhpa ama châ.

1 SAMUELA 4:21

Khazohpa Byh lapa a châpa vâta nata a parâhpa nata a vahpa kyh vâta, “Rônahna ta Izarei a puasai haw” tah ta, hawti moh cha Ikhabaw bi ta.