1 THÂTIHZYRONA 3:15 - Mara Bible RV (BSI)

¹⁵ Hezy he Zôsia sawchapawzy ama châ: A sawchapaw uhtheipa cha Zôhanâ châ ta, panona Zehôki châ ta, pathôhna Zedekia châ ta, papalihna cha Sâluh a châ.

1 THÂTIHZYRONA 3:15 ပူးပေါင်းရင်းမြစ်များ

2 ABEIZY 23:31

Zehôahâ cha kô kih nata kô thôhpa a châ nota a bei pathao ta, Zerusale liata thla thôh â bei. A nô moh cha Hâmutâ châ ta, Libnâ khihpa Zeremiah sawchanô a châ.

2 ABEIZY 23:34

Phiraoh Nekô ta Zôsia sawchapawpa Eliakima cha a paw Zôsia su liata bei ta tao ta, a moh Zehôki tahpa ta a panano. Zehôahâ deikua cha Izi râh lâ siekhei ta, cha liata thi ha ta.

2 ABEIZY 24:17

Babylaw bei ta Zehôkhi paw unawhpa Mâtaniah cha Zehôkhi su liata bei ta tao ta, a moh Zedekia tahpa ta a thla.

1 THÂTIHZYRONA 3:14

Manase sawchapawpa cha Amawna châ ta, Amawna sawchapawpa cha Zôsia a châ.

1 THÂTIHZYRONA 3:16

Zehôki sawchapawzy cha Zekôniah nata Zedekia zy ama châ.

2 THÂTIHZYRONA 36:1

Zudâh zawpizy ta Zôsia sawchapawpa Zehôahâ a chhi ei ta, a paw su a thla awpa ta Zerusale liata bei ta tao ei ta.

2 THÂTIHZYRONA 36:10

Châhvâ daihti liata, Bei Nebukaneza ta Zerusale lâ chyhsa tuah ta, Abeipa o liata hmobaoh sôhpazy chhaota Bei Zehôkhi cha Babylaw lâ ama siekhei haw. Nebukaneza ta Zehôkhi unawhpa Zedekia cha Zudâh nata Zerusale bei ta a tao.

ZEREMIAH 1:3

Abeipa bie he Zôsia sawchapawpa Zudâh bei Zehôki â bei daihti liata chhao vaw tlô ta, Zôsia sawchapawpa Zudâh bei Zedekia abeina kô hrawh hleikhana chhâna taihta vaw tlô lymâ ta, thla pangawhna liata Zerusale sei ta â tahna daihti taihta a vaw tlô lymâ.

ZEREMIAH 22:11

Zôsia sawchapawpa Zudâh bei Sâluh, a paw Zôsia vyuhpa ta ryureih ta, he su tawhta a pua hapa kyh liata, Abeipa ta hetana heta a tah: “He su lâ he vaw kua khao aw vei.

ZEREMIAH 22:18

Chavâta Zôsia sawchapawpa Zudâh bei Zehôki kyh liata Abeipa ta hetana heta a tah: “‘Hy ei unawhpa! Hy ei sietanô!’ Tahpa ta chaphôhtupa leipa aw ei ta, ‘Hy abei! Hy bei rônah chaipa!’ Tahpa ­ta chaphôhtupa hra aw veih ei.

ZEREMIAH 24:8

“Abeipa ta hetana heta a tah: Theiku chhiepa nie tlâh châ leina taihta a chhiepa hawhna khata, Zudâh bei Zedekia nata a beimachâzy nata he râh liata â nguapa Zerusale laibâhpazy nata Izi râh liata a pahrâpazy cha ei heihsai aw ei.

ZEREMIAH 26:1

He he Zôsia sawchapawpa Zudâh bei Zehôki ryureina â thaona daihti liata Abeipa tawhta bie a vaw tlôpa a châ:

ZEREMIAH 37:1

Babylaw bei Nebukaneza ta bei châ awpa ta a raopa Zôsia sawchapawpa Zedekia cha, Zehôki sawchapawpa Kôniah vyuhpa ta Zudâh râh liata a vaw bei ta.