1 THÂTIHZYRONA 3:14 - Mara Bible RV (BSI)

¹⁴ Manase sawchapawpa cha Amawna châ ta, Amawna sawchapawpa cha Zôsia a châ.

1 THÂTIHZYRONA 3:14 ပူးပေါင်းရင်းမြစ်များ

2 ABEIZY 21:18

Manase cha a pathlatuhpazy hnohta a mô ta, a o sadô, Uza sadô liata pabu ei ta, a sawchapawpa Amawna ta ano su liata â bei.

2 ABEIZY 21:19

Amawna cha kô kih nata kô nopa a châ nota a bei pathao ta, Zerusale liata kô no â bei. A nô moh cha Mesuleme châ ta, Zôbâ khihpa Hâruza sawchanô a châ.

2 ABEIZY 21:26

Amawna cha Uza sadô liata ano thlâ liata pabu ei ta, a sawchapawpa Zôsia ta ano su liata â bei.

2 ABEIZY 23:30

A chakaotuhpazy ta a ri cha Mekidô tawhta Zerusale lâ talailih ta siekhei ei ta, ano thlâ liata ama pabu haw. Râh chyhsazy ta Zôsia sawchapawpa Zehôahâ a chhi ei ta, sathawthu ei ta, a paw su liata bei ta ama tao.

2 ABEIZY 23:34

Phiraoh Nekô ta Zôsia sawchapawpa Eliakima cha a paw Zôsia su liata bei ta tao ta, a moh Zehôki tahpa ta a panano. Zehôahâ deikua cha Izi râh lâ siekhei ta, cha liata thi ha ta.

1 THÂTIHZYRONA 3:13

Zôthâ sawchapawpa cha Ahâza châ ta, Ahâza sawchapawpa cha Hezekia châ ta, Hezekia sawchapawpa cha Manase a châ.

1 THÂTIHZYRONA 3:15

Hezy he Zôsia sawchapawzy ama châ: A sawchapaw uhtheipa cha Zôhanâ châ ta, panona Zehôki châ ta, pathôhna Zedekia châ ta, papalihna cha Sâluh a châ.

2 THÂTIHZYRONA 34:1

Zôsia cha kô chariepa a châ nota a bei pathao ta, Zerusale liata kô sythôh nata kô kha â bei.

2 THÂTIHZYRONA 36:1

Zudâh zawpizy ta Zôsia sawchapawpa Zehôahâ a chhi ei ta, a paw su a thla awpa ta Zerusale liata bei ta tao ei ta.

2 THÂTIHZYRONA 36:11

Zedekia cha kô kih nata kô khapa a châ nota a bei pathao ta, Zerusale liata kô hrawh hleikha â bei.

2 THÂTIHZYRONA 36:5

Zehôki cha kô kih nata kô pangawhpa a châ nota a bei pathao ta, Zerusale liata kô hrawh hleikha â bei. Abeipa a Khazohpa mohmô liata hmo pha leipa tao ta.

ZEREMIAH 22:11

Zôsia sawchapawpa Zudâh bei Sâluh, a paw Zôsia vyuhpa ta ryureih ta, he su tawhta a pua hapa kyh liata, Abeipa ta hetana heta a tah: “He su lâ he vaw kua khao aw vei.

ZEREMIAH 22:18

Chavâta Zôsia sawchapawpa Zudâh bei Zehôki kyh liata Abeipa ta hetana heta a tah: “‘Hy ei unawhpa! Hy ei sietanô!’ Tahpa ta chaphôhtupa leipa aw ei ta, ‘Hy abei! Hy bei rônah chaipa!’ Tahpa ­ta chaphôhtupa hra aw veih ei.