1 THÂTIHZYRONA 28:2 - Mara Bible RV (BSI)

² Bei Dâvi cha a kaw duah ta, ama hnohta, “Ei unawhzy nata ei chiheihzy saih u, ei bie nathlie teh u. Abeipa Biehrai Byh a pahâ nawpa nata eima Khazohpa phei tlyna châta o sapa awpa ei palôh liata y ta, sana awpa chhao ei pachhuahpanoh haw.

1 THÂTIHZYRONA 28:2 ပူးပေါင်းရင်းမြစ်များ

ÂTHAONA 48:2

Zakaw hnohta, “Na sawchapawpa Zawsi nâ lâ â vy,” tahpa ta chho ei ta. Izarei cha a pasaipa ta rakhô liata a kaw tyuh ta.

1 ABEIZY 1:47

Cha dei châ vei, bei chakaotuhpazy a vy ei ta, eima zibeipa Bei Dâvi cha a vaw lykhei ei ta, ‘Na Khazohpa ta Sawlawmaw moh cha nâma moh hlâta pathâhsa via sala, a beidyuchhai cha nâma beidyuchhai hlâta parônahsa via mawh sy,’ ama tah. Abei chhao ta a rakhô liata a bôhpa ta â naoh ei.

1 ABEIZY 5:3

“Ei paw Dâvi kha a chariahpazy ta chadô ei ta, amâ dyuh ngâ thlâh hapa vâta, Abeipa ta a chariahpazy cha a pheipazah ry liata a so hlâlei kha cha, Abeipa a Khazohpa châta o sapa thei vei tahpa na pahno.

1 THÂTIHZYRONA 17:4

“Vawh la, nâ chakaotuhpa Dâvi kei chho teh, Abeipa ta hetana heta a tah: ‘Ei pahrâ nawpa o nâ sapa awpa cha nâma châ va chi.

1 THÂTIHZYRONA 22:14

Riethei thata taopa ta, Abeipa o châta ngôh talent thy hrawh nata tâkâ talent thy za kha a chhuanoh ha na ta, dawh nata thua chhao â hrina zie kho pathliah tiah lei ta hluhpa ta ei chhuanoh haw. Tho nata lô chhao ei chhuanoh khai haw. Chazy cha na vaw baichha aw.

1 THÂTIHZYRONA 22:6

Chatawhcha Dâvi ta a sawchapawpa Sawlawmaw cha aw ta, Abeipa, Izarei Khazohpa o sa awpa ta biepie ta.

1 THÂTIHZYRONA 22:7

Dâvi ta a sawchapawpa Sawlawmaw hnohta, “Ei sawchapawpa y, Abeipa ei Khazohpa moh châta o sa awpa ei palôh liata y ta.

1 THÂTIHZYRONA 6:31

Hezy he Zerusale liata Byh â pahâ tawhta Abeipa o liata hla chhituhpazy châta Dâvi ta a raopa­zy ama châ.

2 THÂTIHZYRONA 6:7

Ei paw Dâvi khata Abeipa, Izarei Khazohpa moh châta o sa khona a palôh liata vaw hnei ta.

HLAZY 110:1

Abeipa ta ei Beipa hnohta, “Na chariahpazy ei phei tlyna ta ei tao hlâlei cha, Ei chachâh lâta a tyuh mah y,” tah ta.

HLAZY 132:14

Abeipa ta hetana heta a tah: “He he chhâzaw ta ei pahâ nawpa su châ ta, He su he ei khopa a châpa vâta, He liata ei pahrâ aw.

HLAZY 132:2

Abeipa lâ bie a taih ta, Zakaw Thatlôpa lâta bie a taihpa ta,

HLAZY 22:22

Ei unawhzy hnohta na moh phuah aw na ta, Apakhypazy hry liata ei cha reithai aw.

HLAZY 99:5

Abeipa eima Khazohpa cha pachônôsa u la, A phei thaby liata a bôh teh u! Abeipa cha a pathaih na!

ISAI 60:13

Ei supathaihpa tobi nawpa ta, Lebanaw rônahna nâ lâ a vaw tlô aw; Meisah vyhpa nâ lâ vaw tlô aw ta, Tho hna phiapa nata meisah thozy nâ lâ ama vaw tlô aw; Chatanachata ei phei tlyna su cha, Rônahpa ta ei tao aw.

ISAI 66:1

Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

CHAPHÔHTUNA 2:1

Abeipa ta a pathiiana ta Zaio sawchanô cha meihdo ta a khu ha he zaw! Izarei chhithaina chhao, Avâ tawhta alei lâ a za thy ha hih; A hiehâhna noh liata la, A pheitlyna chhao a thei khao vei.

EZEKIA 43:7

Ei hnohta, “Chyhsa sawchapawpa y, he su he ei beidyuchhai y nawpa nata ei pheipazah tly nawpa su châ ta, Izarei sawzy hry liata chhâzaw ta ei pahrâ nawpa su a châ hih. Chatanachata ei moh pathaihpa cha, Izarei pathlazy ta papuapalei khao aw veih ei. Âmo nata ama beizy ta ama sihryhna ta papuapalei khao leipa aw ei ta, ama su sâhpazy liata ama beizy ri pabupa ta papuapalei khao aw veih ei.

MATHAI 25:16

Talent miapangawh a vaotuhpa cha thlai sie ta, talent â vaopazy hmâpa ta sôh palie ta, talent miapangawh hropa papôhsa ta.

HMOTAOPAZY 7:49

“‘Avâ cha ei beidyuchhai châ ta, Alei cha phei tlyna a châ. Kheihawhpa o ma eina sapa aw chi, Ei pahâna su chhao khâpa ma a châ?

RYHPACHANEINA 17:15

bei cha hnei aw ei chi ta, Abeipa nama Khazohpa ta â tlyhpa tlai bei ta nama hnei aw. Nama unawhzy hry tawhta pakha bei ta nama tao aw. Nama unawh a châ leipa chihropa cha, bei ta nama tao awpa châ vei.

RYHPACHANEINA 17:20

Chatanachata a palôh lai leipa aw ta, a unawhzy chô lâta a soh aw vei. Biepiepa cha chachâh lâ tlyma, chavei lâ tlyma tlei sai leipa aw ta, â beina Izarei râh liata ano nata a pathlazy bohpi amâ bei thei aw.