1 THÂTIHZYRONA 27:1 - Mara Bible RV (BSI)

¹ Hezy he Izarei pho pawhrâhpazy, pheisaih sâh kha hyutuhpazy, pheisaih za kha hyutuhpazy nata ama ry liata hyutuhpazy ama châ. Âmo cha kyh to liata bei chakao ta, kô chhôh zydua ta thla chareih ta a thla lymâ awpazy châ ei ta, py kha liata maluh 24,000 lymâ ama y.

1 THÂTIHZYRONA 27:1 ပူးပေါင်းရင်းမြစ်များ

2 SAMUELA 23:8

Hezy he Dâvi pasaiphazy moh a châ: Takemô chyhsa Zôsebâsebe cha pheisaih hyutuhpa pathôhzy hry liata hyutuh chaipa a châ. Ano he Ezni chyhsa Adinô tahpa ta pahnopa a châ hra. Chyhsa 800 chô liata a asei pahieh ta, ei kha ta a thie khai hapa a châ.

1 ABEIZY 4:27

Hyutuhpa pahrawh hleinopazy heta âmo topa thla chyu liata, Bei Sawlawmaw châta nata Bei Sawlawmaw tlâhkhai liata a dôhtuhpa zydua châta niedo ama pie tyh. Khâpa hmah paphahlasa veih ei.

1 ABEIZY 4:7

Sawlawmaw ta Izarei zydua chô liata hyutuhpa pahrawh hleino hnei ta, âmo cha abei nata a chhôhkhazy châta niedo a pachâtuhpazy ama châ. Hyutuhpa pakha ta kô kha ta thla kha châ lymâ ta niedo amâ tôh aw.

1 ABEIZY 5:14

Âmo cha Lebanaw lâ tuah ta, thy kha thy kha ta, a thla thla ta amâ thla lymâ. Lebanaw liata thla kha y ei ta, o liata thla no ama y tyh. Adônirâ cha raihriatuhpazy hyutuhpa a châ.

1 THÂTIHZYRONA 11:10

Hezy he Dâvi pasaiphazy châ ei ta, Abeipa bie ta Izarei thâtih a vaw reipa hawhta, Izarei zydua a paraohpa ta Dâvi bei ta taotuhpa nata a khinarâh liata thatlô ngaitapa ta baotuhpazy ama châ.

1 THÂTIHZYRONA 13:1

Dâvi ta hyutuhpa zydua, sâh kha hyutuhpazy nata za kha hyutuhpazy a saohiah ta.

1 THÂTIHZYRONA 26:32

Bei Dâvi ta Zeriza nata a unawh 2,700 zy cha hyutuhpazy ta rao ta. Âmo cha chyhsa thatlôpa nata ama pho pawhrâhpazy châ ei ta, Khazohpa nata a zaopa hmo to nata abei raihria kyh zy liata Rubena chi, Kâdâ chi nata Manase chi khophie hyutuhpa châta raopazy ama châ.

1 THÂTIHZYRONA 27:2

Zabadie sawchapawpa Zasôbia cha thla khana liata a chakao awpa py khana pheisaih hyutuhpa châ ta, a py liata pheisaih 24,000 ama y.

1 THÂTIHZYRONA 28:1

Dâvi ta Izarei hyutuhpa zydua, chi hyutuhpazy, bei chakaotuhpa py hyutuhpazy, pheisaih sâh kha hyutuhpazy, pheisaih za kha hyutuhpazy, bei nata a sawchapawzy hmohneipa nata sahroh mohôhtuhpa zydua, pasaiphazy nata a dyuh thaipa pheisaih zydua Zerusale liata awpakhy ta.

1 THÂTIHZYRONA 29:6

Chatanachata chhôhkha pawhrâhpazy, Izarei chi hyutuhpazy, pheisaih sâh kha hyutuhpazy, pheisaih za kha hyutuhpazy nata abei raihria liata hyutuhpazy chhao ta âmo lôhthai ta pie chyu ei ta.

2 THÂTIHZYRONA 1:2

Sawlawmaw ta Izarei saw zydua, pheisaih sâh kha hyutuhpazy, pheisaih za kha hyutuhpazy, ryureihtuhpazy, Izarei râh zydua liata chhituhpa chhôh to pawhrâhpa zydua hnohta bie reih ta.

PUASAINA 18:25

Mawsi ta Izarei saw zydua hry tawhta hmâ tlâhpa chyhsazy a tlyh ta, âmo cha Izarei phopi hyutuhpazy ta tao ta, a sâh chô liata hyutuhpa ta zy, a za chô liata hyutuhpa ta zy, sypangawh chô liata hyutuhpa ta zy nata pahrawh chô liata hyutuhpa zy ta a rao ei.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

RYHPACHANEINA 1:15

Chatanachata nama chi to tawhta chyhsa sopa nata novâhna ta a biepa hyutuhpazy a chhi ei na ta, nama chô liata hyutuhpazy ta ei tao ei. A sâh chô liata hyutuhpazy, a za chô liata hyutuhpazy, sypangawh chô liata hyutuhpazy, pahrawh chô liata hyutuhpazy nata nama chi chhituhpazy ta ei tao ei.

ZAWSUA 23:1

Abeipa ta Izarei cha ama chheipâh chariah zydua tawhta apahâna pie ta, bohpi a châ tawhta, Zawsua chhao cha vaw machâpa ta kô uhthei ngaitapa vaw châ ha ta.

1 SAMUELA 8:12

Âmo cha a pheisaih sâh kha hyutuhpa nata sypangawh hyutuhpazy ta rao aw ta, thokhazy cha ano châta lei palietuhpa châta zy, a sâh hriatuhpa châta zy, a chariah chhaichhi taotuhpa châta nata a talailih chhaichhi taotuhpa châta zy a rao aw ei.