1 THÂTIHZYRONA 26:26 - Mara Bible RV (BSI)

²⁶ Selômô nata a unawhzy cha Bei Dâvi, pho pawhrâhpazy, pheisaih sâh kha hyutuhpazy, pheisaih za kha hyutuhpazy nata pheisaih hyutuh chaipazy ta ama hlâpa, hmohlâpa pathaihpa sopakhyna zydua avaotuhpa ama châ.

1 THÂTIHZYRONA 26:26 ပူးပေါင်းရင်းမြစ်များ

2 SAMUELA 8:11

Chazy cha Bei Dâvi ta râh a pahniepa zydua tawhta tâkâ nata ngôh a lapazy chhaota Abeipa lâ hlâ ta.

1 THÂTIHZYRONA 18:11

Chazy cha Dâvi ta râh a pahniepa zydua, Edômâ mo, Môabâ mo, Amawna mo, Philistinâ mo nata Amale mozy tawhta tâkâ nata ngôh a lapazy chhaota Abeipa lâ hlâ ta.

1 THÂTIHZYRONA 22:14

Riethei thata taopa ta, Abeipa o châta ngôh talent thy hrawh nata tâkâ talent thy za kha a chhuanoh ha na ta, dawh nata thua chhao â hrina zie kho pathliah tiah lei ta hluhpa ta ei chhuanoh haw. Tho nata lô chhao ei chhuanoh khai haw. Chazy cha na vaw baichha aw.

1 THÂTIHZYRONA 26:25

A unawhzy cha Elieze sawchapawpa Rehabiah, Rehabiah saw­chapawpa Zesai, Zesai sawchapawpa Zôrâ, Zôrâ sawchapawpa Zikari nata Zikari sawchapawpa Selômô zy ama châ.

1 THÂTIHZYRONA 26:27

Âmo cha adyuhna liata hraona sôh hmôpa, Abeipa o mohôhna nata taopathina châta ama hlâpa a vaotuhpazy ama châ.

1 THÂTIHZYRONA 28:21

Pachâ teh, Kha­zohpa o liata chakaona raihria zydua hria awpa ta theihthaipa nata Livai pyzy y ei ta, rai zydua liata palôh tlâh kawpa ta cha bao awpa ta, kao to liata a saomâpazy na hnohta ama y. Hyutuhpazy nata zawpi zydua chhao, na biehneina ry liata tlokhuh ama y khai aw,” tah ta.

1 THÂTIHZYRONA 9:14

Hezy he Livai pathla Zerusale liata a pahrâ heihpazy ama châ: Hâsuba sawchapawpa cha Semiah châ ta, Hâsuba cha Azrikâ sawchapawpa a châ. Azrikâ cha Hâsabiah sawchapawpa châ ta, âmo cha Merâri pathlazy ama châ.

2 THÂTIHZYRONA 23:8

Livai pathlazy nata Zudâh mo zydua ta theihthaipa Zehôdâ biepiepa zydua hawhta tao ei ta. Ama hyutuhpazy ta Pahânoh ta chakaona rai a hria awpa nata a pahâ awpazy a vaw chhi chyu ei ta. Theihthaipa Zehôdâ ta Pahânoh ta a pahâ awpazy cha pahâsa leipa ta.

2 THÂTIHZYRONA 31:2

Hezekia ta theihthaipazy nata Livai pathlazy cha Abeipa o liata raopa hlâna nata aryhna hlâna chakaona rai hria awpa ta zy, chhikao vaih awpa ta zy, alyna bie rei awpa nata reithaina hla sa awpa zy ta a py py ta pachhaih ta, ama chakao awpazy rairuah ta.

EZRÂ 2:42

Chhikao vaituhpazy hry tawhta Sâluh pathlazy, Ate pathlazy, Talmô pathlazy, Aku pathlazy, Hâti pathlazy nata Sôbai pathlazy, ama zydua ta 139 amâ vaw lie.

NEHEMIAH 12:45

Chatanachata theihthaipazy nata Livai pathlazy cha, Dâvi nata a sawchapawpa Sawlawmaw biepiepa hawhta, ama Khazohpa chakaona rai nata pathaisana chakaonazy hria lymâ ei ta, hlasathaipazy nata chhikao vaituhpazy chhao ta chakaona rai ama hria awpazy ama hria lymâ hra.