1 THÂTIHZYRONA 25:3 - Mara Bible RV (BSI)

³ Zeduthu pho tawhta pacharu raopa châ ei ta, chazy cha Zeduthu sawchapawpa Kedaliah, Zeri, Zesai, Simei, Hâsabiah nata Mâtithiah zy ama châ. Âmo cha totâ tôpa ta Abeipa lâta alyna bie a reihpa nata reithaina hla a sapa ama paw Zeduthu ta a chhihtha ei.

1 THÂTIHZYRONA 25:3 ပူးပေါင်းရင်းမြစ်များ

1 THÂTIHZYRONA 15:18

chhâ nona liata ama unawhzy tawhta Zekariah, Zazie, Semiramô, Zehie, Uni, Eliabâ, Benai, Mâsei, Mâtithiah, Eliphelehu, Mikaniah nata chhikao vaituhpa Ôbededô nata Zeili zy a tlyh ei ta.

1 THÂTIHZYRONA 15:21

Mâtithiah, Eliphelehu, Mikaniah, Ôbededô, Zeili nata Azaziah zy cha, Semini siezie hawhta totâ tô awpa ta raopazy ama châ.

1 THÂTIHZYRONA 25:2

Asâpha sawchapawzy tawhta Zaku, Zawsi, Nethaniah nata Asrelâh zy raopa châ ei ta, âmo cha abei biepiepa hawhta hrohsona hla a satuhpa ama paw Asâpha ta a chhihtha ei.

1 THÂTIHZYRONA 25:21

Hleipalihna cha Mâtithiah nata a sawchapawzy nata a unawhzy chô liata tlu ta, pahrawh hleino ama châ.

1 THÂTIHZYRONA 25:4

Hemâ pho tawhta Hemâ sawchapaw­pa Bukiah, Mâtaniah, Uzie, Sebua, Zerimô, Hânaniah, Hânani, Eliathâh, Kidâti, Rômatize, Zôbekasâ, Mâlôthi, Hôthi nata Mâhaziô zy raopa ama châ.

1 THÂTIHZYRONA 9:16

Ôbadia cha Semiah sawchapawpa châ ta, Semiah cha Kalâ sawchapawpa châ ta, Kalâ cha Zeduthu sawchapawpa a châ. Berekiah cha Âsâ saw­chapawpa châ ta, Âsâ cha Netôpha mo khihzy liata pahrâpa Elkânâ sawchapawpa châ ta, âmo chhao Livai pathla ama châ hra.

2 THÂTIHZYRONA 29:14

Hemâ pathlazy tawhta Zehua nata Simei, Zeduthu pathlazy tawhta Semiah nata Uzie zy vaw pua ei ta.

HLAZY 92:1

Abeipa lâta alyna bie reipa cha pha ta, Hy Chônôchaipa, na moh reithaipa ta sapa cha a pha na.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

1 SAMUELA 10:5

Cha khai tawhta Philistinâ pheisaih yna Kibia Elôhim tlô aw chi ta. Chatawhcha hetana heta a vaw châ aw. Khihpi na tlôpa nahta, su sâhpa tawhta â zupa hrohsopa py a tyh aw chi ta, totâ, khoh, ramo nata tlaipih tôtuhpazy ta hmia a sah aw ei ta, hrohsopazy ta hrohsona bie ama phuahpa na hmô aw.