1 THÂTIHZYRONA 25:1 - Mara Bible RV (BSI)

¹ Dâvi nata pheisaih hyutuhpazy ta Asâpha, Hemâ nata Zeduthu pathlazy cha totâzy, tlaipihzy, paotlâzy tô ta, hrohsona hlazy sa awpa ta panano ei ta. Hezy he pyungiapa chakaona rai a hriapazy ama châ:

1 THÂTIHZYRONA 25:1 ပူးပေါင်းရင်းမြစ်များ

1 ABEIZY 10:12

Abei ta almu thozy cha Abeipa o nata abei o dyuhna châta nata hlasathaipazy châta totâ nata tlaipihzy taona châta hmâh ta. Cha tlu ta a hluhpa almu tho cha tanoh taihta vaw tlô khao leipa ta, hmô awpa y khao hra vei.

2 ABEIZY 3:15

Tahmâ he totâ a tô thaipa na awpa teh u,” tah ta. Totâ a tô thaipa ta a tô nahta, Abeipa ku Elaisâh chô liata vaw tlô ta.

1 THÂTIHZYRONA 12:28

thyutlia pasaipha riahphapa Zadô nata ano pho tawhta pheisaih hyutuhpa pakih nata pano;

1 THÂTIHZYRONA 13:8

Dâvi nata Izarei saw zydua cha hlasapa ta, totâzy, tlaipihzy, khoh chyhpazy, paotlâzy, chiahmiezy tôpa ta Khazohpa hmiakô liata ama theina zydua papuapa ta palyupalihna tao ei ta.

1 THÂTIHZYRONA 15:28

Izarei saw zydua ta mietaku tôhpa ki, chiahmie nata paotlâ pyuzy chhaota thata rahaona chôta nata tlaipihzy nata totâzy a paro ngaitapa ta tôpa ta, Abeipa Biehrai Byh cha ama khykhei haw.

1 THÂTIHZYRONA 23:2

Dâvi ta Izarei chhituhpa zydua nata theihthaipazy nata Livai pathlazy awpakhy ta.

1 THÂTIHZYRONA 25:2

Asâpha sawchapawzy tawhta Zaku, Zawsi, Nethaniah nata Asrelâh zy raopa châ ei ta, âmo cha abei biepiepa hawhta hrohsona hla a satuhpa ama paw Asâpha ta a chhihtha ei.

1 THÂTIHZYRONA 25:3

Zeduthu pho tawhta pacharu raopa châ ei ta, chazy cha Zeduthu sawchapawpa Kedaliah, Zeri, Zesai, Simei, Hâsabiah nata Mâtithiah zy ama châ. Âmo cha totâ tôpa ta Abeipa lâta alyna bie a reihpa nata reithaina hla a sapa ama paw Zeduthu ta a chhihtha ei.

1 THÂTIHZYRONA 25:9

Nuby miakhana cha Asâpha sawchapawpa Zawsi nata a unawhzy nata a sawchapawzy chô liata tlu ta, pahrawh hleino ama châ. Mianona cha Kedaliah nata a unawhzy nata a sawchapawzy chô liata tlu ta, pahrawh hleino ama châ.

1 THÂTIHZYRONA 6:16

Livai sawchapawzy cha Kesao, Kôhâ nata Merâri zy ama châ.

1 THÂTIHZYRONA 6:33

Hezy he hla chhihthana rai hriatuhpazy nata ama sawchapawzy ama châ. Hezy he Kôhâ pathlazy tawhta hla sa thaipazy ama châ. Hlasathaipa Hemâ cha Zôela sawchapawpa châ ta, Zôela paw cha Samuela châ ta,

1 THÂTIHZYRONA 6:39

Hlasathaipa Hemâ baotuhpa cha a unawhpa Asâpha châ ta, ano cha Hemâ chachâh lâta a duah tyhpa a châ. Asâpha paw cha Berekiah châ ta, Berekiah paw cha Simia châ ta,

1 THÂTIHZYRONA 6:44

Chavei lâta a duah tyhpa cha a unawhpa Merâri sawchapawpa Ethâ a châ. Ethâ paw cha Kisi châ ta, Kisi paw cha Abadi châ ta, Abadi paw cha Mâluh châ ta,

1 THÂTIHZYRONA 9:33

Livai pathla pawhrâhpa hlasathaipazy cha Achhyna o chhôhpadâhpazy liata y ei ta, chhô nah zâ ta hria awpa maophaohna ama hneipa vâta, rai hropazy tawhta pahuapa ama châ.

2 THÂTIHZYRONA 23:1

A kô sarina liata, theihthaipa Zehôdâ cha a tha a patlô ta, pheisaih za kha hyutuhpa, Zehôrâ sawchapawpa Azariah, Zehôhanâ sawchapawpa Ismela, Ôbedâ sawchapawpa Azariah, Adiah sawchapawpa Mâsei nata Zikari sawchapawpa Elisaphâ zy hnohta biehrai tao ta.

2 THÂTIHZYRONA 23:13

Mohmia pasaih ta, chhikao liata otôh kiapâh liata bei a duahpa cha hmô ta. A kiapâh liata pheisaih za kha hyutuhpazy nata chiahmie tôtuhpazy y ei ta. Râh chyhsa zydua cha thaphapa ta y ei ta, chiahmiezy thata tô ei ta. Hlasathaipazy ta ama pyungiapa chhaichhizy tôpa ta reithaina hlazy chhihtha ei ta. Athaliah cha a pohzy hrie ta, “Râh apaphasaina! Râh apaphasaina!” tahpa ta awh ta.

2 THÂTIHZYRONA 23:18

Chatawhcha Zehôdâ ta theihthaipazy nata Livai pathlazy chhihthana ry liata Abeipa o vaituhpazy rao ta. Âmo cha Mawsi ryhpa châbu liata ropa hawhta, Abeipa lâta raopa hlânazy hlâ awpa ta, Dâvi ta Abeipa o mohôhtuhpa ta a raopazy châ ei ta, Dâvi biepiepa hawhta, cha rai cha thaphapa nata hlasana chôta a hria awpazy ama châ.

2 THÂTIHZYRONA 23:9

Theihthaipa Zehôdâ ta pheisaih za kha hyutuhpazy cha Abeipa o liata a ypa Bei Dâvi asei nata vyhphao chyhpa nata vyhphao laipazy pie ta.

2 THÂTIHZYRONA 29:13

Elizaphâ pathlazy tawhta Simri nata Zuli, Asâpha pathlazy tawhta Zekaria nata Mâtaniah,

2 THÂTIHZYRONA 29:14

Hemâ pathlazy tawhta Zehua nata Simei, Zeduthu pathlazy tawhta Semiah nata Uzie zy vaw pua ei ta.

2 THÂTIHZYRONA 31:2

Hezekia ta theihthaipazy nata Livai pathlazy cha Abeipa o liata raopa hlâna nata aryhna hlâna chakaona rai hria awpa ta zy, chhikao vaih awpa ta zy, alyna bie rei awpa nata reithaina hla sa awpa zy ta a py py ta pachhaih ta, ama chakao awpazy rairuah ta.

2 THÂTIHZYRONA 34:12

Chyhsazy ta rai cha ngâchhih ngaitapa ta hria ei ta. Âmo mohôhtuhpazy châta Merâri pathla Livai chyhsa Zahâ nata Ôbadia nata Kôhâ pathla Zekaria nata Mesulâ zy raopa ama châ. Livai pathla hropa, pyungiapa tôthaipazy chhao,

2 THÂTIHZYRONA 35:15

Dâvi biepiepa hawhta, Asâpha pathla hlasathaipazy cha ama châta su raopa liata y ei ta, Asâpha, Hemâ nata abei hrohsopa Zeduthu zy chhao ama châta su raopa liata y hra ei ta, chhikao vaituhpazy chhao ama chhikao chyu liata y ei ta. Ama unawh Livai pathlazy ta ama châta amâ chhuanoh hapa vâta, ama chakaona raihria siesai awpa byuh vei.

2 THÂTIHZYRONA 5:12

Livai pathla hlasatuhpa zydua, Asâpha, Hemâ, Zeduthu nata ama sawchapawzy nata ama chiheihzy cha lini poh rih dipa ta a tobipa ta, paotlâzy, tlaipihzy, totâzy chhaota maisâh nochhi lâchhâh liata a duah ei ta. Chiahmie tôtuhpa theihthaipa 120 chhao ama hnohta a duah hra ei ta.

2 THÂTIHZYRONA 8:14

A paw Dâvi ta a vaw rao hapa hawhta, theihthaina rai hria awpa ta theihthaipazy cha a py py ta pachhaih ta, Livai pathlazy chhao theihthaipazy hmiakô liata reithaina hla sa awpa ta noh chareih ta â ngiahnazie hawhta a py py ta pachhaih ta, chhikao vaituhpazy chhao ama chhikao vai awpa chyu ta a py py ta a pachhaih ei. Cha hawhta tao awpa ta, Khazohpa chyhsa Dâvi ta bie a vaw pie hapa a châ.

EZRÂ 2:41

Hlasathaipazy hry tawhta Asâpha pathlazy 128 amâ vaw lie.

EZRÂ 6:18

Mawsi Châbu liata ropa hawhta, Zerusale liata Khazohpa chakao awpa ta theihthaipazy nata Livai pathlazy cha âmo py chyu liata y awpa ta raopa ama châ.

NEHEMIAH 11:17

Mikâ sawchapawpa Mâtaniah chhao Zerusale liata a pahrâ. Mâtaniah cha Zabidi sawchapawpa châ ta, Zabidi cha Asâpha sawchapawpa a châ. Asâpha cha reithaina hla chhituhpa châ ta, alyna bie a reih tyhpa a châ. A pilâhpazy hry liata a panona Bâbukiah nata Sâmua sawchapawpa Abadâ zy chhao Zerusale liata ama pahrâ hra. Sâmua cha Kalâ sawchapawpa châ ta, Kalâ cha Zeduthu sawchapawpa a châ.

NEHEMIAH 12:24

Livai pathla pawhrâhpazy cha, Hâsabiah, Serebiah, Kâdamie sawchapawpa Zesua nata âmo dady ta a duahpa ama unawhzy ama châ. Âmo cha Khazohpa chyhsa Dâvi biepiepa hawhta, reithaina hla sa awpa nata alyna bie reih awpa ta, a py py ta daihti raipa ama châ.

NEHEMIAH 12:27

Zerusale thokhy hlâna liata, paotlâzy nata tlaipihzy nata totâzy chhaota hlasapa nata alyna bie reipa ta, thokhy hlâna cha a ly ngaitapa ta hmâpa a châ thei nawpa ta, Livai pathlazy cha ama yna su chyu tawhta Zerusale lâ a vy khai awpa ta pahnosapa châ ei ta.

HLAZY 81:2

Reithaina hla sapa ta khoh tô u la, Totâ nata tlaipih pyu ngiapazy tô teh u.

HLAZY 81:3

Thla thiehpa liata chiahmie tô u la, Thlâpâ pôlô no nata eima kyhchhi noh liata chhao tô teh u.

EZEKIA 40:44

Dôhpachhôh tlyhmia liata, dôhpachhôh lâta a ypa chhikao o khôtho liata chhôhpadâhpa miano y ta, miakha cha maw chhikao o thaby liata chho lâ a heihpa ta y ta, ahropa cha chho chhikao o thaby liata maw lâ a heihpa ta y ta.

1 SAMUELA 10:5

Cha khai tawhta Philistinâ pheisaih yna Kibia Elôhim tlô aw chi ta. Chatawhcha hetana heta a vaw châ aw. Khihpi na tlôpa nahta, su sâhpa tawhta â zupa hrohsopa py a tyh aw chi ta, totâ, khoh, ramo nata tlaipih tôtuhpazy ta hmia a sah aw ei ta, hrohsopazy ta hrohsona bie ama phuahpa na hmô aw.