1 THÂTIHZYRONA 24:4 - Mara Bible RV (BSI)

⁴ Ithamâ pathlazy lia hlâta Eliaza pathlazy liata pawhrâhpazy ama hluh viapa vâta, Eliaza pathlazy cha a chhôh chhôh ta pachhaihpa ta, pawhrâhpa pahrawh hleicharu raopa châ ei ta, Ithamâ pathlazy tawhta pacharie raopa ama châ.

1 THÂTIHZYRONA 24:4 ပူးပေါင်းရင်းမြစ်များ

1 THÂTIHZYRONA 23:24

Âmo cha a chhôh chhôh ta pawhrâhpazy tawhta a laichadaipa Livai pathlazy châ ei ta, kô kih tawhta chô lâ, Abeipa o liata chakaona rai a hria thei awpazy ama châ.

1 THÂTIHZYRONA 24:3

Dâvi ta theihthaipazy cha ama maophaohna chyu hria awpa ta, a py py ta pachhaih ta, Eliaza pathla Zadô nata Ithamâ pathla Ahimele ta Dâvi cha ama bao.

1 THÂTIHZYRONA 24:5

Eliaza pathlazy nata Ithamâ pathlazy liata hyutuhpazy cha, hyutuhpa pathaihpa nata Khazohpa hyutuhpazy ama châ khaipa vâta, ama chakaona rai hria awpazy cha, nuby a daopa ta, â lyupa ta pachhaihpa a châ.

2 THÂTIHZYRONA 1:2

Sawlawmaw ta Izarei saw zydua, pheisaih sâh kha hyutuhpazy, pheisaih za kha hyutuhpazy, ryureihtuhpazy, Izarei râh zydua liata chhituhpa chhôh to pawhrâhpa zydua hnohta bie reih ta.

NEHEMIAH 12:12

Zôki hro nota theihthaipa ama pho pawhrâhpazy cha, Seriah pathlazy liata Meriah, Zeremiah pathlazy liata Hânaniah,