1 THÂTIHZYRONA 24:19 - Mara Bible RV (BSI)

¹⁹ Âmo cha Abeipa, Izarei Khazohpa ta ama pathlatuhpa Arawna hnohta bie a piepa hawhta, ama nuby lymâ hawhta Abeipa o chhôh liata chakaona rai hria awpa ta raopa ama châ.

1 THÂTIHZYRONA 24:19 ပူးပေါင်းရင်းမြစ်များ

1 THÂTIHZYRONA 9:25

Ama khihzy liata ama heinawhzy ta noh sari padai ta a thla tyh ei ta, ama rai ama bao tyh.

HEBRAI 7:11

Livai pathlazy theihthaina raihria ry liata chyhsazy ta ryhpa dao ei ta, cha Livai pathlazy theihthaipa châna tawhta pakina hmô theipa a châ khiahta cha, Melkizade theihthaipa châna lâpi a chhihpa ta theihthaipa hropa a vaw y awpa cha khazia â ngiah khao aw? Arawna theihthaipa châna lâpi a chhihpa ta rao awpa châ vei ma?

1 KAWRINI 14:40

Châhrasala hmo to zachhihpa nata chybia hneipa ta taopa châ mawh sy.

2 THÂTIHZYRONA 23:8

Livai pathlazy nata Zudâh mo zydua ta theihthaipa Zehôdâ biepiepa zydua hawhta tao ei ta. Ama hyutuhpazy ta Pahânoh ta chakaona rai a hria awpa nata a pahâ awpazy a vaw chhi chyu ei ta. Theihthaipa Zehôdâ ta Pahânoh ta a pahâ awpazy cha pahâsa leipa ta.

2 THÂTIHZYRONA 23:4

Hetana heta nama tao aw. Pahânoh ta a pahâpa theihthaipa nata Livai pathlazy hry liata su thôh su kha chhikao vaih aw ei chi ta,

1 THÂTIHZYRONA 24:1

Arawna pathlazy cha he hawhta a py py ta pachhaihpa ama châ. Arawna sawchapawzy cha Nâdâ, Abihu, Eliaza nata Ithamâ zy châ ei ta,

LUKA 1:8

Chatawhcha hetana heta vaw châ ta. Noh kha cha ano py chakao daihti liata, Zekaria chhao Khazohpa hmiakô liata theihthaipa chakaona rai hria hra ta.

1 THÂTIHZYRONA 24:18

miakih nata miathôhna Delia nata miakih nata miapalihna Mâzai zy ama châ.

1 THÂTIHZYRONA 24:20

Hezy he Livai pathla pawhrâh hropazy ama châ: Amrâ sawchapawzy hry tawhta Subia cha pawhrâhpa châ ta, Subia sawchapawzy hry tawhta Zediah cha pawhrâhpa a châ.

1 THÂTIHZYRONA 6:34

Samuela paw cha Elkânâ châ ta, Elkânâ paw cha Zerôhâ châ ta, Zerôhâ paw cha Elie châ ta, Elie paw cha Toâh châ ta,