1 THÂTIHZYRONA 22:9 - Mara Bible RV (BSI)

⁹ Pachâ teh, sawchapawpa sa aw chi ta, ano cha adyhna a khohpa a châ aw. A chheipâh râhzy liata a chariah zydua nata a dyryhpa ta paysa aw na ta, apahâna ei pie aw. A moh cha Sawlawmaw châ aw ta, ano daihti liata la, Izarei râh liata thlalôhna nata abohna ei paysa aw.

1 THÂTIHZYRONA 22:9 ပူးပေါင်းရင်းမြစ်များ

1 ABEIZY 1:13

Bei Dâvi lâ thlai a kei ngia la, a hnohta, ‘Hy ei zibeipa abei y, châ chakaotuhnô hnohna heta, “Na sawchapawpa Sawlawmaw he keima hnôhlâ ta bei vaw châ aw ta, ano he ei beidyuchhai liata a tyuh awpa a châ,” tahpa ta bie nâ taih ha va chi ma? Khazia Adôniza cha bei a châ ha tly?’ kei tah mah y.

1 ABEIZY 2:15

Adôniza ta, “Abeinarâh he keima eih châ ta, Izarei zydua chhao ta kei he bei châ awpa ta ama hnabeiseihpa ei châpa na pahno. Châhrasala khinarâh cha Abeipa ta ei unawhpa châta a rao hapa vaw châ palie ta, chavâta ei unawhpa eih a châ hapa he a châ.

1 ABEIZY 3:7

Hy Abeipa ei Khazohpa y, châ chakaotuhpa he ei paw Dâvi su liata bei ta eina tao chi hih. Kei la hawtipa dei châ na ta, yzia dâh nata bierei kahthlâ chhao pahno thai va na.

1 ABEIZY 4:20

Zudâh nata Izarei cha tilaipi ngiahkâ sadi zie tlai ta hluh ei ta. Niepa ta doh ei ta, thapha ngaitapa ta y tyh ei ta.

1 ABEIZY 4:24

Ufrâti notla lâ râh zydua, Tiphasa tawhta Kâza taihta Ufrâti notla lâ râh bei zydua chô liata ryureih ta, a chheipâh râh zydua nata a dyryh ngaitapa ta a y lymâ.

1 ABEIZY 4:25

Sawlawmaw hro chhôh zydua ta Zudâh nata Izarei cha, Dânâ tawhta Besebâ taihta, chyhsa to ama kre zôh ry liata nata ama theiku kô ry liata thlalôh ngaitapa ta ama y.

1 ABEIZY 5:4

Tahmâ deikua cha Abeipa ei Khazohpa ta su to liata thlalôhna eina pie haw. Khakhaipazy y khao leipa ei ta, vâchhiena chhao y khao vei.

1 ABEIZY 8:56

“A bietai zydua hawhta, a phopi Izarei sawzy apahâna a pietuhpa Abeipa cha reithaipa ta y mawh sy. A chakaotuhpa Mawsi hmâpa ta a bietai phapa zydua kha, a vaw tlô leipa bie miakha hmahta y vei.

1 THÂTIHZYRONA 17:11

Na nohzy a kipa ta, châ pathlatuhpazy hnohta na sie tita, châ thla awpa ta, na chipathla, na sawchapawzy hry tawhta pakha padua aw na ta, a khinarâh ei pa-i aw.

1 THÂTIHZYRONA 22:18

“Abeipa nama Khazohpa nama hnohta y vei ma? Su to liata apahâna cha pi ha veih ei ma? He râh liata a pahrâpazy cha Abeipa ta ei ku liata na pie ta, Abeipa nata a phopi hmiakô liata ama râh cha panawhpa ta a y haw.

2 THÂTIHZYRONA 6:15

Châ chakaotuhpa ei paw Dâvi hnohta na bietai na patlô haw. Na pakah ta reih chi ta, tanoh na ku ta na patlô haw.

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

HLAZY 72:1

Hy Khazohpa, abei hnohta na ryureina dopa pie la, Abei sawchapawpa hnohta na siana pie mah y!

HLAZY 72:7

Ano hro chhôh nohzy liata cha, Chyhsa siapazy a sosâh ei sala, Thlâpâ a lei hlâlei cha, Sivâphana thata y mawh sy!

ISAI 26:12

Hy Abeipa, thlalôhna miah pie mah y, Eima tao theipa zydua he, Nâ ta eima châta na taopa sai a châ.

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ISAI 57:19

Ama hmao liata reithaina ei paysa aw. Lâhla lâhnia liata a ypazy chô liata thlalôhna y sala, Thlalôhna y mawh sy,” Abeipa ta a tah. “Ano cha ei patlâh aw.

ISAI 66:12

Abeipa ta he hetana heta a tah: “Moh teh u, Zerusale chô liata Chavah hawhta thlalôhna palosa aw na ta; Vahtie kao a khô ngâpa hawhta, A chô liata râh rônahna ei palosa aw. A sâhpiti pazy aw ei chi ta, A chakhai ta cha phaoh aw ei ta, A pakhu liata pasuapalipa ta nama y aw.

HÂKAI 2:9

‘Tahmâ ta o rônahna he a hmiatuapa o rônahna hlâ khata a rônah via syulyu aw,’ Pheisaihzy Abeipa ta a tah. ‘He su liata thlalôhna ei paysa aw,’ Pheisaihzy Abeipa ta a tah,” tah ta.

RYUREITUHPAZY 6:24

Kidia ta cha su liata Abeipa châta maisâh tao ta, Zehôvâh Salom tahpa ta a moh a bi. Cha maisâh cha Abieze mo râh Ôpharâ khih liata tanoh taihta â duah thlâh haw.