1 THÂTIHZYRONA 22:6 - Mara Bible RV (BSI)

⁶ Chatawhcha Dâvi ta a sawchapawpa Sawlawmaw cha aw ta, Abeipa, Izarei Khazohpa o sa awpa ta biepie ta.

1 THÂTIHZYRONA 22:6 ပူးပေါင်းရင်းမြစ်များ

ÂTHAONA 12:20

Phiraoh ta Abarâ kyh liata a chyhsazy biepie ta, chatanachata a lapinô nata a hneipa zydua chhaota ama pasiesa haw.

2 SAMUELA 7:1

Abei cha a o liata pahrâ ta, a chheipâh chariah zydua tawhta apahâna Abeipa ta a pie nahta,

1 ABEIZY 2:1

Dâvi cha a thi nawpa daihti a hnia ha ta. A sawchapawpa Sawlawmaw cha biepie ta, a hnohta,

1 THÂTIHZYRONA 17:1

Dâvi cha a o liata a pahrâ tawhta, hrohsopa Nâthâ hnohta, “Moh tua, kei sidy tho o liata y na ta, Abeipa Bieh­rai Byh hmâchhâh poh o ry liata a y thlâh haw,” tah ta.

1 THÂTIHZYRONA 28:2

Bei Dâvi cha a kaw duah ta, ama hnohta, “Ei unawhzy nata ei chiheihzy saih u, ei bie nathlie teh u. Abeipa Biehrai Byh a pahâ nawpa nata eima Khazohpa phei tlyna châta o sapa awpa ei palôh liata y ta, sana awpa chhao ei pachhuahpanoh haw.

MALUHREINA 27:23

A chô liata a ku pahnieh ta, Mawsi hmâpa ta Abeipa biereipa hawhta biehneina cha pie ta.

HMOTAOPAZY 1:2

lyuhchâpa â tlyhpazy hnohta Thlahpa Pathaihpa hmâpa ta bie a pie khai nahta, vârâh lâ chhihthapa ta a yna noh taihta ei roh.

RYHPACHANEINA 31:14

Abeipa ta Mawsi hnohta, “Pachâ teh, na thi daihti â hnia haw. Zawsua aw la, ahmaohna poh o liata a vy teh u, a hnohta biehneina ei pie aw,” tah ta. Mawsi nata Zawsua cha vawh ei ta, ahmaohna poh o liata kei y ei ta.

RYHPACHANEINA 31:23

Abeipa ta Nunâ sawchapawpa Zawsua cha biehneina pie ta, a hnohta, “Thatlôpa nata riahphapa ta y teh. Izarei sawzy he ama hnohta bie ei taihpa râh nâ ngiakhei aw ei. Na hnohta ei y lymâ aw,” tah ta.

1 TIMAWTHY 5:21

He ryhpazy he thailei pachâsa chhieliena y leipa ta, khokhei eih viapa hnei hra leipa ta hmâh awpa ta, Khazohpa nata Krista Zisu nata vâlyuhchâpa atlyhpazy mohmô liata bie ei cha pie.

2 TIMAWTHY 4:1

Khazohpa nata Krista Zisu, ahrohpa nata athihpa a pachiatuh awpa mohmô liata, â vaw luahna nata a khinarâh reipa ta bie ei cha pie.