1 THÂTIHZYRONA 22:19 - Mara Bible RV (BSI)

¹⁹ Tahmâ nama pachâna nata nama palôh cha Abeipa nama Khazohpa padona lâta pahei u la, thyu u la, Zehôvâh Khazohpa supathaihpa cha sa muh vy. Chatanachata Abeipa Biehrai Byh nata Khazohpa hmobaoh pathaihpazy cha Abeipa moh châta sapa o liata a ngiakheipa a châ aw,” tah ta.

1 THÂTIHZYRONA 22:19 ပူးပေါင်းရင်းမြစ်များ

1 ABEIZY 5:3

“Ei paw Dâvi kha a chariahpazy ta chadô ei ta, amâ dyuh ngâ thlâh hapa vâta, Abeipa ta a chariahpazy cha a pheipazah ry liata a so hlâlei kha cha, Abeipa a Khazohpa châta o sapa thei vei tahpa na pahno.

1 ABEIZY 8:21

Cha liata Abeipa ta miah pathlatuhpazy Izi râh tawhta â chhi papua nota ama hnohta bie a hraipa, Abeipa biehrai yna Byh y nawpa su ei tao haw,” tah ta.

1 ABEIZY 8:6

Chatanachata theihthaipazy ta Abeipa Bieh­rai Byh cha, Achhyna o chhôh supathaihpa liata a y nawpa su liata a ngiakhei ei ta, Cherubi mathlawzy ry liata Su Pathaih Chaipa liata soh ei ta.

1 THÂTIHZYRONA 16:10

A moh pathaihpa parônahsa u la, Abeipa a tluatuhpazy palôh cha, Thaphapa ta y mawh sy!

1 THÂTIHZYRONA 16:11

Abeipa nata a thatlôna tlua u la, A hmia khâ tlua muh vy!

1 THÂTIHZYRONA 22:16

Ngôh, tâkâ, dawh nata thua rai a hria thaipazy hluhpi na hnei hra. Thyu la, hria teh! Abeipa na hnohta y mawh sy!” tah ta.

1 THÂTIHZYRONA 22:7

Dâvi ta a sawchapawpa Sawlawmaw hnohta, “Ei sawchapawpa y, Abeipa ei Khazohpa moh châta o sa awpa ei palôh liata y ta.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

2 THÂTIHZYRONA 20:3

Zehôsaphâ cha chi ngaita ta, Abeipa tluana lâta a hmia pahei ta, Zudâh râh zydua kâhvileipa ta y awpa ta phuah ta.

2 THÂTIHZYRONA 5:7

Chatanachata theihthaipazy ta Abeipa Bieh­rai Byh cha, Achhyna o chhôh supathaihpa liata a y nawpa su liata a ngiakhei ei ta, Cherubi mathlawzy ry liata Su Pathaih Chaipa liata soh ei ta.

2 THÂTIHZYRONA 6:11

Cha liata Abeipa ta Izarei sawzy hnohta a hraipa Abeipa Biehrai yna Byh ei soh haw,” tah ta.

HLAZY 119:2

A bieraopazy a zyhtuhpazy cha nohlao ei ta, Pathipalôh tlokhuh ta ano a tluapazy cha ama nohlao na.

HLAZY 14:2

Abeipa ta vârâh tawhta chyhsa sawzy za sai ta, Novâhna hneipa ta, Khazohpa a tluapa ama y ma tahpa a za moh tyh.

HLAZY 27:4

Abeipa liata hmo miakha hiah na ta, Cha hmo cha khâ ei tlua aw; Cha cha ei hro chhôh noh zydua liata Abeipa o liata pahrâ ta, Abeipa angianazie sai ta, Achhyna o liata thlahchhâ awpa a châ.

PUASAINA 25:8

Supathaihpa na taopa mawh ei sy, chatanachata ama hry liata ei pahrâ aw.

ISAI 60:1

Hy Zerusale, thyu la, khaih teh; Na khaihna vaw tlô ha ta, Abeipa rônahna na chô liata a vaw khaih haw.

ZEREMIAH 29:13

Na tlua aw ei chi ta, nama pathipalôh zydua ta eina tlua ti ei chi ta cha, eina hmô aw ei chi.

DÂNIAH 9:3

Chavâta Zehôvâh Khazohpa lâ a heih na ta, kâhvileipa ta, latho poh a bupa ta buchâhzy a miapa ta, thlahchhâna nata hiana zy ta ano cha tlua na ta.

HÂKAI 1:5

Chavâta Pheisaihzy Abeipa ta hetana heta a tah: Nama lâpizy pakhâta ta moh teh u.

HÂKAI 1:8

Tlâh lâ kiah u la, tho za phaoh u la, o cha sa teh u. Cha cha a ly aw na ta, palyupalihpa ta ei y aw,” Abeipa ta a tah.

HMOTAOPAZY 11:23

Bânabâ cha Antiôkâ tlô ta, Khazohpa ngiachhiena raihria a hmô nahta, a ly ngaita ta, achhuahna a ipa hneipa ta, Abeipa châta ngâchhih awpa ta âmo cha pasyu ta.

HMOTAOPAZY 22:16

Khâpa na hâ khao? Tahmâ thyu la, a moh padopa ta bâti châ la, na moleinazy pasi teh,’ na tah ta.

RYHPACHANEINA 4:29

Châhrasala cha tawhna chata Abeipa nama Khazohpa cha tlua u la, nama pathipalôh tlokhuh ta nata nama thlahpa tlokhuh ta nama tlua khiahta cha, nama hmô heih aw.