1 THÂTIHZYRONA 22:18 - Mara Bible RV (BSI)

¹⁸ “Abeipa nama Khazohpa nama hnohta y vei ma? Su to liata apahâna cha pi ha veih ei ma? He râh liata a pahrâpazy cha Abeipa ta ei ku liata na pie ta, Abeipa nata a phopi hmiakô liata ama râh cha panawhpa ta a y haw.

1 THÂTIHZYRONA 22:18 ပူးပေါင်းရင်းမြစ်များ

2 SAMUELA 7:1

Abei cha a o liata pahrâ ta, a chheipâh chariah zydua tawhta apahâna Abeipa ta a pie nahta,

1 THÂTIHZYRONA 22:9

Pachâ teh, sawchapawpa sa aw chi ta, ano cha adyhna a khohpa a châ aw. A chheipâh râhzy liata a chariah zydua nata a dyryhpa ta paysa aw na ta, apahâna ei pie aw. A moh cha Sawlawmaw châ aw ta, ano daihti liata la, Izarei râh liata thlalôhna nata abohna ei paysa aw.

1 THÂTIHZYRONA 23:25

Dâvi ta, “Abeipa, Izarei Khazohpa ta a chyhsazy apahâna pie ta, Zerusale liata chhâzaw ta a pahrâ hapa vâta,

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

RAWMA 8:31

Cha kyhzy liana chata khâpa eima reih khao aw? Khazohpa eima chhâh â châ khiahta cha, ahy miah a dyuh thei aw?

RYHPACHANEINA 20:4

Abeipa nama Khazohpa nama hnohta sie aw ta, nama chariahzy châ dyuhpa aw ei ta, a cha pachha aw ei,’ a tah aw.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

ZAWSUA 22:4

Abeipa nama Khazohpa ta ama hnohta bie â taihpa hawhta, nama unawhzy cha apahâna a pie ha ei hih. Chavâta Abeipa chakaotuhpa Mawsi ta nama ryuto châta râh a cha piepa ei, Zawdâh haosâ liata nama poh ozy lâ a di bâ teh u.

ZAWSUA 23:1

Abeipa ta Izarei cha ama chheipâh chariah zydua tawhta apahâna pie ta, bohpi a châ tawhta, Zawsua chhao cha vaw machâpa ta kô uhthei ngaitapa vaw châ ha ta.

1 SAMUELA 25:28

Châ chakaotuhnô paraona cha rie a ngiahthai mah y. Ei zibeipa he Abeipa adyuhnazy châta a dyuhpa na châpa vâta, Abeipa ta ei zibeipa he chipathla a ipa a paduapa tlai aw. Na hro chhôh zydua ta nâma liata moleina rai hmôpa châ aw vei.