1 THÂTIHZYRONA 22:16 - Mara Bible RV (BSI)

¹⁶ Ngôh, tâkâ, dawh nata thua rai a hria thaipazy hluhpi na hnei hra. Thyu la, hria teh! Abeipa na hnohta y mawh sy!” tah ta.

1 THÂTIHZYRONA 22:16 ပူးပေါင်းရင်းမြစ်များ

1 ABEIZY 2:2

“Khizaw ryhpa hawhta, kei chhao ei sie nawpa daihti â hnia haw. Thatlôpa ta y la, chapawsaw kawpa ta y mah y.

1 ABEIZY 7:47

Hmobaohzy cha hluh ngaita ta, khopathliah tiah awpa a châ leipa vâta, Sawlawmaw ta hmobaoh zydua cha khopathliah hlei vei. Chavâta dawh hmobaohzy amâ hrina ziepa cha pahnopa châ vei.

1 THÂTIHZYRONA 22:11

“Chavâta ei sawchapawpa y, Abeipa na hnohta y mawh sy. Thlaochhipa ta y lymâ la, Abeipa ta na kyh a vaw rei chhielie hapa hawhta, hlaotloh kawpa ta Abeipa na Khazohpa o cha sa mah y.

1 THÂTIHZYRONA 22:14

Riethei thata taopa ta, Abeipa o châta ngôh talent thy hrawh nata tâkâ talent thy za kha a chhuanoh ha na ta, dawh nata thua chhao â hrina zie kho pathliah tiah lei ta hluhpa ta ei chhuanoh haw. Tho nata lô chhao ei chhuanoh khai haw. Chazy cha na vaw baichha aw.

1 THÂTIHZYRONA 22:15

Raihriatuhpa hluhpi na hnei. Alô a patlaw thaipazy, alô a khai thaipazy, tho zôthaipazy nata zôthaipa chi nanopazy rei tiah lei na hnei.

1 THÂTIHZYRONA 22:3

Dâvi ta dôhna chhikaozy khaipâ nawpa nata a patusanazy châta thua hluhpi a chhuanoh ta. Dawh hluhpi a chhuanoh hra ta, â hrina zie pathliah tiah awpa chhao châ vei.

1 THÂTIHZYRONA 28:10

A chado kaw mah y. Supathaihpa châta o sa awpa ta, Abeipa ta a cha rao. Thatlôpa ta y la, hria mah y,” tah ta.

1 THÂTIHZYRONA 29:2

Chavâta ei tao theipa rakha liata cha, ei Khazohpa o châta ei pachhuahpanoh chhielie khai haw. Ngôh hmozy châta ngôh, tâkâ hmozy châta tâkâ, dawh hmozy châta dawh, thua hmozy châta thua, tho hmozy châta tho zy ei pachhuahpanoh khai haw. Chazy hleikhô ta, a pangia nawpa ta lôsôhpa cheihchapaipazy, thua rôh ngiapazy, alô rôh chi nanopazy, lôsôhpa to nata awlôteihpa zy chhao a hluhpi ei pachhuapanoh haw.

2 THÂTIHZYRONA 1:1

Dâvi sawchapawpa Sawlawmaw cha a khinarâh liata a pa-i ta, Abeipa a Khazohpa cha a hnohta y ta, thata parônahsa ta.

2 THÂTIHZYRONA 20:17

He adyuhna he nâmo a dyuh awpa byuh aw vei. Namâ duana liata â ipa ta a duah u la, Hy Zudâh mo nata Zerusale mo saih u, nâmo vyuhpa ta Abeipa pachhana cha moh teh u,’ a tah. Chavâta chi leipa u la, a ngiaroh hra khuh vy. A dyuh awpa ta mylâ pua teh u. Abeipa nama hnohta a y aw,” tah ta.

1 KAWRINI 15:58

Chavâta unawh kho ngaitapazy saih u, â ipa ta a duah u la, papie thei lei awpa ta a pachyu teh u. Nama hriapasana cha Abeipa liata hraoleipa châ vei tahpa pahnopa ta, Abeipa raihria cha phahnai ngiah ngaitapa ta hria lymâ teh u.

EPHESI 5:14

Hmô theipa ta a ypa maih cha khaihpa a châ. Chavâta, “Nâ, a môpa, a hra la, Athihpa hry tawhta thyu teh! Krista ta a cha khaipahlie aw,” tahpa a châpa kha.

PHILIPI 4:13

Tha nâ patlôtuhpa Krista liata ato ei tao thei.

ZAWSUA 1:2

“Nâ chakaotuhpa Mawsi thi ha ta, chavâta tahmâ thyu la, nâ nata zawpi zydua ta Zawdâh chaka u la, Izarei phopi ei piepa râh lâ sie teh u.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.

ZAWSUA 7:10

Abeipa ta Zawsua hnohta, “Thyu teh! Khazia nâ khu thlâh haw?

RYUREITUHPAZY 4:14

Debawrâ ta Bâraka hnohta, “Thyu teh! Tanoh he Abeipa ta na ku liata Siserâ a cha piena noh a châ hih. Na hmia lâta Abeipa a sie haw,” tah ta. Chatanachata Bâraka cha Tabaw Tlâh tawhta zu ta, chyhsa 10,000 ta zi ei ta.

1 SAMUELA 17:37

Dâvi ta, “Chakeibarôhneipa pheipato tawhta nata chavyh pheipato tawhta nâ pachhatuhpa Abeipa ta, he Philistinâ chyhsa ku tawhna heta eina pachha aw,” tah ta. Sawla ta Dâvi hnohta, “Sie mah y, na hnohta Abeipa y mawh sy!” tah ta.

1 SAMUELA 20:13

Ei paw ta na chô liata hmo pha leipa tao a chhuah sala, cha chho leipa aw sah la, thlalôhpa ta na sie thei nawpa ta ei cha pathlie leipa khiahta cha, Abeipa ta Zawnathâ chô liata a tao awpa cha tao sala, cha hlâta pasa viapa chhao ta tao mawh sy. Ei paw hnohta a Abeipa a y tyhpa hawhta, nâma hnôh chhao ta y hra mawh sy.