“Vawh la, Dâvi hnohta, ‘Abeipa ta hetana heta a tah: A tlyh awpa hmo miathôh cha pie na ta, miakha a tlyh aw chi ta, cha cha ei cha taopa aw, a tah na,’ tahpa ta na kei chho aw,” tah ta.
Ama zydua heta abei hrohsopa Hemâ sawchapawzy châ ei ta, Khazohpa ta Hemâ cha sawchapaw pahrawh hleipalih nata sawchanô pathôh pie ta, âmo cha a bietai hawhta Khazohpa a cheihchalo awpazy ama châ.
Abeipa o liata paotlâzy, tlaipihzy, totâzy tô awpa ta, Livai pathlazy soh ta. Cha cha Dâvi nata abei hrohsopa Kâdâ nata hrohsopa Nâthâ zy biepiepa hawhta taopa châ ta, cha biepiepa cha, a hrohsopazy hmâpa ta Abeipa ta a piepa a châ.
Chatawhcha hrohsopa Kâdâ ta Dâvi hnohta, “Thokhy chhôh liata y ngâ thlâh ha leipa la, pua la, Zudâh râh lâ sie teh,” tah ta. Dâvi cha pua ta, Heretâ râhmâhpa liata a ngia ta.
Hlâno Izarei râh liata cha, chyhsa ta Khazohpa â saohiah khoh nahta, “A vy teh, hmôtheituhpa lâ vawh ei si,” ama tah tyh. Tanoh ta hrohsopa he hlâno ta cha hmôtheituhpa tahpa ta aw tyhpa a châ.
