1 THÂTIHZYRONA 21:7 - Mara Bible RV (BSI)

⁷ Cha hawhta Izarei maluhpi reipa cha Khazohpa a ly leipa ta, chavâta Khazohpa ta Izarei sawzy cha hrie ta.

1 THÂTIHZYRONA 21:7 ပူးပေါင်းရင်းမြစ်များ

2 SAMUELA 11:27

Mâchhiesana daihti a chhâ nahta, Dâvi ta chyhsa tuah ta, Bâsebâ cha a o lâ a chhi ta, a lapinô vaw châ ha ta. Dâvi châta sawchapaw sapa ta, châhrasala Dâvi hmotaopa ta Abeipa cha palysa leipa ta.

2 SAMUELA 15:26

Châhrasala ano ta, ‘Na chô liata a ly va na,’ eina tah ha khiahta deikua cha, moh teh u, he liata ei y hih, pha a tahpa hawhta ei chô liata tao mawh sy,” tah ta.

2 SAMUELA 21:1

Dâvi ryureina daihti liata, â zaopa ta kô thôh chakâhna tlô ta. Dâvi ta Abeipa hmia pado ta. Abeipa ta, “Sawla ta Kibiô mo a thiepa vâta, ano nata a chhôhkha chô liata thisaih maoh a y,” tah ta.

2 SAMUELA 21:14

Sawla ruzy nata a sawchapawpa Zawnathâ ruzy cha Benzami râh Zelâ khih liata a paw Kisâ thlâ liata pabu ei ta. Abei biepiepa zydua tao lymâ ei ta. Cha khai tawhta cha, Khazohpa ta râh châta thlahchhâna cha chyh-ei ha ta.

2 SAMUELA 24:1

Abeipa cha Izarei chô liata a pathi ia heih ta, chatanachata âmo patypamâ awpa ta Dâvi cha pasyu ta, a hnohta, “Sie la, Izarei nata Zudâh maluh kei reih teh,” tah ta.

2 SAMUELA 24:10

Châhrasala chyhsa maluh a rei khai nahta, Dâvi cha a palôh liata thata a tymâ ta. Dâvi ta Abeipa hnohta, “Ei hmo taopa liata thata ei vaw molei haw. Châhrasala tahmâ he, Hy Abeipa y, ei châ haw na, châ chakaotuhpa paraona he rie pahlei ha mah y. Hru ngaitapa ta na ei vaw tao haw,” tah ta.

1 ABEIZY 15:5

Hiti chyhsa Uria kyh tah leipa khata cha, Dâvi kha Abeipa mohmô liata hmo dopa a tao tyhpa châ ta, Abeipa ta bie a piepa kheihawhpa hmah a hro chhôh zydua ta a tleisai beih leipa a châ.

1 THÂTIHZYRONA 21:14

Chatanachata Abeipa ta Izarei chô liata potlana patlôsa ta, Izarei chyhsa 70,000 thi ei ta.

1 THÂTIHZYRONA 21:6

Zôabâ cha bei biepiepa kyh liata a palôh a châ lei ngaitapa vâta, Livai chi nata Benzami chi deikua ama maluh rei pâ khao vei.

1 THÂTIHZYRONA 21:8

Dâvi ta Khazohpa hnohta, “Ei hmotaopa vâna heta ei vaw molei ngaita kaw na. Châhrasala tahmâ ei châ haw na, châ chakaotuhpa paraona he rie a ngiahthai mah y. Hru kawpa ta hmo ei vaw tao haw,” tah ta.

ZAWSUA 7:1

Châhrasala Izarei sawzy ta pahleipadia awpa hmozy kyh liata hmo parao ei ta. Zudâh chi Zerâ sawchapawpa Zabidi, Zabidi sawchapawpa Kâmi, Kâmi sawchapawpa Âkhâ ta pahleipadia awpa hmo vaw la ha ta. Chavâta Abeipa cha Izarei sawzy chô liata a pathi ia ta.

ZAWSUA 7:13

Thyu teh! Zawpi kha pathaisa la, ama hnohta, ‘Mylâ châta a pathai teh u. Abeipa, Izarei Khazohpa ta hetana heta a tah: “Hy Izarei, pahleipadia awpa hmozy nama hry liata y ta, chazy cha nama hry tawhta nama pahleipadia hlâlei nama chariahzy hmiakô liata a duah thei aw veih ei chi,”’ tah teh.

ZAWSUA 7:5

Ai chyhsazy ta Izarei chyhsa sythôh nata pacharu thie ei ta, thokhy chhikao tawhta Sebari taihta a chadai ei ta. Chhutla ama chô nota thie ei ta, zawpizy palôh ti hawhta a zao khai haw.