1 THÂTIHZYRONA 21:30 - Mara Bible RV (BSI)

³⁰ Châhrasala Dâvi cha Abeipa vâlyuhchâpa zaozi a chipa vâta, Khazohpa a saohiah awpa ta, cha su lâ cha sie ngâh vei.

1 THÂTIHZYRONA 21:30 ပူးပေါင်းရင်းမြစ်များ

2 SAMUELA 6:9

Cha noh ta Dâvi cha Abeipa chi ngaita ta, “Kheihta ma Abeipa Byh he kei lâ a vaw tlô thei rai aw?” tah ta.

1 THÂTIHZYRONA 13:12

Cha noh ta Dâvi ta Khazohpa cha chi ngaita ta, “Kheihta ma Khazohpa Byh he ei o ei tlôkhei thei aw?” tah ta.

1 THÂTIHZYRONA 21:16

Dâvi cha mohmia pasaih ta, alei nata avâ likawh liata â duah thlâh hapa Abeipa vâlyuhchâpa hmô ta. A ku liata zaozi â chabapa cha Zerusale chô liata pazawh ta. Dâvi nata machâzy cha latho poh a bupa ta alei liata â khu lâta pao ei ta.

1 THÂTIHZYRONA 21:29

Cha nona cha, Mawsi ta râhchawhpa liata Abeipa achhyna byureih nata raopa hlâna maisâh a taopazy kha Kibiô khihpi su sâhpa liata y thlâh ha chy ta.

1 THÂTIHZYRONA 22:1

Dâvi ta, “He su liana heta Zehôvâh Khazohpa o y aw ta, he su liana heta Izarei châta raopa hlâna maisâh a y aw,” tah ta.

ZAWBÂ 13:21

Kei tawhta na ku la la, Na chichhihna ta na pachisa khah sy.

ZAWBÂ 21:6

Ei thei châh ta chi pathoh kaw tyh na ta, Ei pôhpa zydua â chatho khai ha tyh.

ZAWBÂ 23:15

Chavâta a hmiakô liata thlazohpa ta y na ta, Ei pachâ châh ta, ano cha ei chi ngaita tyh.

HLAZY 119:120

Ei pôhpa he nâma chipa ta a chalyu ta, Na pachianazy ei ngiaroh kaw tyh.

HLAZY 90:11

Ahy ma na hiehâhna hmotaotheizie pahno ta, Chi nâ chhihna nata na pathiiana chichhihzie a pahno tly?

ZEREMIAH 10:7

Hy phopizy Beipa, Ahy ma cha chi leipa ta a y aw? Mo to ta ama cha chi awpa cha, Nâ phuhpa rai mah a châ tâh. Phopizy chyhsa sopa zydua hry liata, Nâ hawhpa he y leipa ei ta, Amâ beinarâh zydua liata chhao, Nâ hawhpa he y veih ei.

ZEREMIAH 5:22

Na chi aw veih ei chi ma? Ei hmiakô liata a chalyu aw vei ei chi ma? Kei he tilaipi râhri châta sadi a sohtuhpa châ na ta, Tilaipi a khô lei nawpa ta, Chhâzaw pakhâna châta sadi a sohtuhpa ei châ. Tichatlaopazy a chatlao ngâ kaw hra ei sala, Râhri khô thei leipa ei ta; A aoh ngâ kaw hra ei sala, Râhri siepakhô thei veih ei,” Abeipa ta a tah.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

BIEPHUAH 1:17

Ano cha ei hmô nahta, athihpa hawhta a phei thaby liata pao na ta. Châhrasala ano ta a ku chachâh lâ ei chô liata vaw pahnieh ta, ei hnohta, “Chi khah y, kei he âthaona nata achhâna châ na ta,

BIEPHUAH 15:4

Hy Abeipa, ahy ma cha chi leipa ta y aw ta, Na moh palyupalih leipa ta a y aw? Pathaihpa cha nâ dei na châ. Na pachiana siaziezy palâhâhpa a châ hapa vâta, Phopi zydua a vy aw ei ta, Ama châ vaw chhy aw.”