1 THÂTIHZYRONA 21:23 - Mara Bible RV (BSI)

²³ Ôranâ ta Dâvi hnohta, “Hnei mah y, ei zibeipa abei ta pha na tahpa hawhta tao mah y. Moh tua, raopa hlânazy châta viahchao tôhpazy cha pie pâ na ta, niepa hlâna châta sawhri chhaichhi thozy nata âtâ sâhzy ei cha pie pâ. A zydua ta ei cha pie khai,” tah ta.

1 THÂTIHZYRONA 21:23 ပူးပေါင်းရင်းမြစ်များ

1 ABEIZY 19:21

Elaisâh cha Elaizâh a pazipa tawhta kua ta, viahchao tôhpa bao kha la ta, atheihna ta hlâ ta. A sazy cha viahchao raopaky thozy ta pasyuh ta, chyhsazy pie ta, nie ei ta. Chatawhcha thyu ta, Elaizâh cha a chadai ta, chakao ha ta.

1 THÂTIHZYRONA 21:22

Dâvi ta Ôranâ hnohta, “Potlana hri he zawpi tawhta a pai thei nawpa ta, he sawhrihmo he Abeipa châta maisâh ei tao nawpa ta na pie teh; a mâ dopa ei cha pie aw,” tah ta.

1 THÂTIHZYRONA 21:24

Châhrasala Bei Dâvi ta Ôranâ hnohta, “Châ vei, a mâ dopa ei cha pie aw. Na eih cha Abeipa châta a saipa ta la leipa aw na ta, ei hryuhna rai y leipa ta raopa hlânazy hlâ aw va na,” tah ta.

ZEREMIAH 32:8

Chatanachata ei heinawhpa Hâname cha Abeipa bie hawhta, vaituhpa dôhpachhôh tlyhmia liata kei lâ a vy ta, ei hnohta, ‘Benzami râh Anathô liata ei lyu he nâ ta chalei mah y, ryuto a pakhy theipa na châpa vâta, nâ ta na chatlai awpa a châ,’ tah ta. Chatanachata cha cha Abeipa bie kha a châ tahpa pahno ha na ta.

1 SAMUELA 6:14

Talailih cha Beseme khihpa Zawsua lyu liata a ngia ta, lôpanô lai ngaitapa yna liata a duah ta. Talailih tho cha patlaw ei ta, viahchao panôzy cha raopa hlâna ta Abeipa lâ hlâ ei ta.