1 THÂTIHZYRONA 21:2 - Mara Bible RV (BSI)

² Dâvi ta Zôabâ nata pheisaih hyutuhpazy hnohta, “Sie u la, Besebâ tawhta Dânâ taihta Izarei sawzy maluh reih u la, ama maluh zie ei pahno thei nawpa ta, na vaw chho heih muh vy,” tah ta.

1 THÂTIHZYRONA 21:2 ပူးပေါင်းရင်းမြစ်များ

ÂTHAONA 21:14

Chatanachata Abarahâ cha mydi kari ta thyu ta, viahchhâ nata savo titheih la ta, Hâkarâ pie ta, a ngiatlâh liata khaih ta, hawtipa nata pasiesa ha ta. Hâkarâ cha sie ta, Besebâ râhchawhpa liata viavipa ta a khiekhâ ta.

2 SAMUELA 17:11

Keima ryhraopa cha he he a châ: Izarei zydua Dânâ tawhta Besebâ taihta, tilaipi kiah liata sadi zie tlai ta nâ lâta awpakhy khaipa châ sala, adyuhna lâ cha pôhpa tlai ta na sie hra aw.

2 SAMUELA 24:15

Chatanachata Abeipa ta Izarei chô liata my tawhta daihti raopa taihta potlana patlôsa ta, Dânâ tawhta Besebâ taihta chyhsa 70,000 thi ei ta.

2 SAMUELA 3:10

Khinarâh cha Sawla chhôhkha tawhta pasiepa châ aw ta, Dâvi beidyuchhai cha Izarei nata Zudâh chô liata, Dânâ tawhta Besebâ taihta paduapa a châ awpa kyh Abeipa bietai kha ei patlôpa aw,” tah ta.

1 ABEIZY 4:25

Sawlawmaw hro chhôh zydua ta Zudâh nata Izarei cha, Dânâ tawhta Besebâ taihta, chyhsa to ama kre zôh ry liata nata ama theiku kô ry liata thlalôh ngaitapa ta ama y.

2 THÂTIHZYRONA 30:5

Chatanachata Izarei râh zydua, Besebâ tawhta Dânâ taihta Zerusale lâ vaw tlô khaipa ta, Abeipa Iza­rei Khazohpa lâta Zawpakhô kyhchhi tao awpa ta phuah awpa ta biepie ei ta. Zawpakhô kyhchhi cha, hnei awpa zie hawhta ama vaw hnei thei khao leipa a châ.

BIESOZY 29:23

Chyhsa cha â palaina ta ano panawh aw ta, Chyhsa areisipa deikua cha palyupalihna a hlao aw.

2 KAWRINI 12:7

Aluahna rônah ngaitapa ei hmôpazy vâta ei palai tu pathlei lei nawpa ta, ei pôhpa liata ahloh piepa ei châ. Cha ahloh cha, ei palai tu pathlei lei nawpa ta, ei pôhpa liata pasana na pie awpa ta Sâtâ lyuhchâpa a châ.

RYUREITUHPAZY 20:1

Izarei saw zydua, Dânâ tawhta Besebâ taihta, Kilia râh chhao a hlaopa ta pua ei ta, reih kha tlapa ta Mizpâ khih liata Abeipa hmiakô ta a hmaoh ei ta.

1 SAMUELA 3:20

Dânâ tawhta Besebâ taihta Izarei zydua ta Samuela cha Abeipa hrohsopa châta paduapa a châ tahpa pahno ha ei ta.