1 THÂTIHZYRONA 21:13 - Mara Bible RV (BSI)

¹³ Dâvi ta Kâdâ hnohta, “Ei nô a po ngaita. Abeipa ku liata ei pao thlu aw, ano cha zawngiah thei ngaitapa châ tlôh ta. Chyhsapa ku liata la na papaosa khah y,” tah ta.

1 THÂTIHZYRONA 21:13 ပူးပေါင်းရင်းမြစ်များ

2 ABEIZY 6:15

Khazohpa chyhsa chakaotuhpa cha mydi kari ta thyu ta, kei pua ta, pheisaihzy ta arâzy nata talailihzy chhaota khihpi ama dôh khai hapa hmô ta. Chakaotuhpa ta, “Cha rimâ cha, ei zibeipa! Kheihta eima tao aw?” tah ta.

2 ABEIZY 7:4

‘Khihpi chhôh lâ a ngia ei suh u,’ tah mawh sih la, khihpi chakâh tlôh ei ta, cha liata thi pyly aw pi. He liata eimâ tyupa chhao ta, thi pyly aw pi. Chavâta a vy teh u, Aramia pheisaihzy riehmo lâ vawh thlâh tua suh u. Eima hrona miah ama pahlôh khiahta cha, hroh aw pi ta, miah ama thie khiahta cha, cha liata thi thlâh ha lah vâ pi,” tah ei ta.

2 THÂTIHZYRONA 28:9

Cha liata Abeipa hrohsopa pakha, a moh Ôdedâ ama tahpa y ta. Samâri lâ a vaw tlôpa pheisaihzy cha kei dy ta, ama hnohta, “Pachâ teh u, Abeipa châ pathlatuhpazy Khazohpa cha Zudâh chô liata a hie a hâhpa vâta nama ku liata a cha pie ei. Châhrasala pathi iapa ta thie ei chi ta, nama thiena kyh cha vârâh a daih haw.

ESTHERI 4:11

“Bei chakaotuhpa zydua nata abei râhzy liata chyhsa zydua ta, ahy rai, chanô chhao, chapaw chhao, aw leipa ta abei chhôhpadâhpa chhôh chaipa lâ a ngiapa cha, ryhpa miakha deita y ta, thie awpa a châ. Abei ta ano lâta ngôh chôchahrei a chaluahpa deita a hroh tyh tahpa ama pahno khai. Kei he abei ta noh sythôh chhôh na aw khao vei,” tahpa ta.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

HLAZY 103:8

Abeipa cha zawngiahna nata ngiachhiena a hneipa châ ta, Hiehâhna kyh liata nainô sôpa ta, Kyhpachâna tleih beih leipa ta a biepa a châ.

HLAZY 106:7

Miah pathlatuhpazy Izi râh liata ama y no kha, Na hmotao noâhpazy pachâ veih ei; Na kyhpachâna rônahpa a thei leipa ei ta, Tilaipi liata cha chakhia ei ta, Tilaipi Saihpa liata ama cha chakhia.

HLAZY 119:156

Hy Abeipa, na zawngiahna cha thata a châ kaw dia, Na ryhpa hawhta na pahro heih mah y.

HLAZY 130:4

Châhrasala chipa ta na y thei nawpa ta, Nâma liata ngiahthaina a y.

HLAZY 130:7

Hy Izarei, Abeipa liata na hnabeiseihna y mawh sy! Abeipa cha a kyhpachâna a tleih beih leipa châ ta, Chatlaina hluhpi a hneipa a châ.

HLAZY 5:7

Kei deikua cha na zawngiahna hluh ngaitapa vâta, Na o liata a ngia thei aw na ta; Nâma china chôta, Na Achhyna o pathaihpa lâ a heipa ta ei bôh aw.

HLAZY 69:13

Kei deikua la, Hy Abeipa y, Nâ lâta thlah ei chhâ. Hy Khazohpa, na kyhpachâna tleih beih leipa vâta, Daihti rypaohpa liata nâ chhy la, Na pachhana ngâchhihna ta nâ chhy mah y.

HLAZY 69:16

Hy Abeipa, nâma kyhpachâna cha pha tlôh ta, Nâ chhy mah y; Na zawngiahna a chhâ thai leipa vâta, Kei lâ a vaw heih mah y.

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

BIESOZY 12:10

Mosiapa cha a sahroh hrona pachâ peimawh ta, Moleipa zawngiahna deikua cha nôchhiena a châ.

ISAI 46:7

Khazoh nothlahpa cha, Ama ngiatlâh liata khaipa ta a pia ei ta; A su awpa liata soh ei ta, Cha liata â duah ngâ thlâh haw; A su tawhta ano kho ta a pasie thei vei. Chyhsa ta a aw khiahta cha, A chhy leipa ta; A nôpona tawhta pachha thei hra vei.

ISAI 47:6

Ei phopi chô liata ei hiehâh ta, Ei ryuto râh cha papuapaleipa ta, Âmo cha na ku liata ei cha pie. Zawngiahna rai ama chô liata palâsa leipa chi ta, Machâpazy taihta phaohri a hri ngaitapa na paphaosa ei.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 63:15

Vârâh tawhta za sai la, moh tua, Na pathaihna su tawhta za sai la, Na rônahna su tawhta za sai tua. Na phahnai ngiahna kha khataih liata y ta, Na thatlôna khataih liata a y haw? Na palôh pathyuna nata na thapasana zy kha, Eima châta pakhâpa a châ ha he zaw.

ISAI 63:7

Abeipa cha ato miah pietuhpa châ ta, A zawngiahna nata a ngâchhihna lymâ hawhta, Izarei chô liata a pha ngaitapa a châ; Chavâta Abeipa ngâchhihna cha, Khâ a thei aw na ta; Abeipa reithainazy cha, Khâ ei thei thlâh ha aw.

CHAPHÔHTUNA 3:32

Ama pachâ parôhsa ha hra sala, A kyhpachâna tleih beih leipa vâta zawh â ngiah heih aw ei.

ZAWNA 3:9

Ahy ma a pahno tly? Eima leidia lei nawpa ta, Khazohpa cha a palie thei ta, a palôh pananopa ta, a hiehâhna ru ngaitapa tawhta â palie thei mâh tâh,” tah ta.

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

HABAKU 3:2

Hy Abeipa, na thâpha ama reipa thei na ta, Hy Abeipa, na hmotaopazy noâh ei tah ngaita. Keimo daihti liata pathieh heih la, Keimo chhâ liata pahnosa heih mah y! Pathiiana liata zawngiahna a thei tyh mah y!

ZAWHÂNA 12:27

“Tahmâ he ei palôh nô a po ngaita. Khâpa ma ei reih aw tly? ‘Ei Paw y, he daihti tawhna heta na pachha mah y,’ ei tah aw ma? Châ vei, he hmo tao awpa ta, he daihti he ei vaw tlôpa a châ.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

HEBRAI 10:31

Khazoh hrohpa ku liata paopa cha hmo rarôh y ngaitapa a châ.