1 THÂTIHZYRONA 20:4 - Mara Bible RV (BSI)

⁴ Cha khai tawhta Philistinâ mo nata adyuhna Keze khihpi liata y ta. Husâ chyhsa Sibekai ta Sipai thie ta. Sipai cha mopahreihpazy pathla hry liatapa a châ. Chatanachata Philistinâ mo cha panawhpa ta y ha ei ta.

1 THÂTIHZYRONA 20:4 ပူးပေါင်းရင်းမြစ်များ

ÂTHAONA 14:5

Chavâta kô hrawh hleipalihna liata, Kedaolaome ta ano py beizy chhaota âmo cha siehnao ta, Asterôkanai liata Rephai mo, Hamâ liata Zuzi mo nata Kiriathai bypi liata Emi mozy cha ama pahnie haw.

2 SAMUELA 21:15

Philistinâ mo ta Izarei a dyuh heih ei ta. Dâvi cha a chyhsazy chhaota zu ta, Philistinâ mo cha zâ dyuh ei ta. Dâvi cha a thachhâ kaw ta.

2 SAMUELA 21:16

Mopahreihpa pathlazy hry liata Isbibenô ta Dâvi cha thie a chhuah ta. Isabibenô asei cha dawh sekel za thôh a hripa châ ta, zaozi thiehpa a vao ta.

1 THÂTIHZYRONA 11:29

Husâ chyhsa Sibekai, Ahôh chyhsa Ilai,

1 THÂTIHZYRONA 14:16

Khazohpa ta bie a piepa hawhta Dâvi ta tao ta, Philistinâ pheisaihzy cha Kibiô tawhta Keze taihta thie lymâ ei ta.

1 THÂTIHZYRONA 27:11

Thla chariena châta pheisaih hyutuhpa pachariena cha, Zerâ pathla Husâ chyhsa Sibekai châ ta, a py liata pheisaih 24,000 ama y.

ZAWSUA 12:12

Ekalaw bei pakha, Keze bei pakha,

ZAWSUA 16:3

notla lâta Zaphâle râhri lâta chô ta, Behôrô mathi taihta sie ta, Keze lâ chô ta, tilaipi liata a chhâ.