1 THÂTIHZYRONA 19:9 - Mara Bible RV (BSI)

⁹ Amawna mo cha vaw pua ei ta, a dyuh awpa ta khihpi chhikao liata a paziah ei ta. Adyuhna lâ a sie hrapa ama beizy cha âmo dei ta lyurâhpa liata y ei ta.

1 THÂTIHZYRONA 19:9 ပူးပေါင်းရင်းမြစ်များ

2 SAMUELA 10:8

Amawna mo cha vaw pua ei ta, a dyuh awpa ta khihpi thokhy chhikao liata a paziah ei ta. Zôbâ nata Rehô tawhta Aramia mo nata Tôbâ mo nata Mâkâ mozy deikua cha lyurâhpa liata âmo dei ta y ei ta.

2 SAMUELA 18:4

Abei ta ama hnohta, “Pha nama tahpa maih ei tao aw,” tah ta. Abei cha thokhy chhikao kiah liata a duah ta, pheisaih zydua cha a za za ta nata a sâh sâh ta pua ei ta.

1 ABEIZY 20:1

Aramia bei Benhadâ cha a pheisaih zydua pakhy ta. Abei sythôh nata pano ta ano chhâh a châ ei ta, arâzy nata talailihzy chhao hnei ta. Samâri lâ khy ta, dôh ta, a dyuh ta.

1 ABEIZY 20:24

Chavâta he hawhta tao mah y: beizy he ama yna tawhta pasie khai la, âmo su liata pheisaih hyutuhpazy soh aw chi ta,

1 THÂTIHZYRONA 19:10

Zôabâ ta a hmia a hnôh ta amâ vaw dyuhpa a hmô nahta, Izarei pheisaih pha chaipazy a tlyh ta, Aramia mo a dyuh awpa ta âmo cha paziah ta.

1 THÂTIHZYRONA 19:8

Cha thâtih cha Dâvi ta a thei nahta, Zôabâ nata pheisaih riahphapa zydua tuah ta.

2 THÂTIHZYRONA 13:3

Abizah cha pasaipha pheisaih atlyhpatluapa 400,000 chhaota adyuhna lâ sie ta. Zerôbaw ta pasaipha pheisaih atlyhpatluapa 800,000 paziahpa ta a vaw duakhâh ta.

2 THÂTIHZYRONA 14:10

Âsâ cha Zerâ a dyuh awpa ta kei pua ta, Mâresâ liata Zephathâ saikao liata a kei paziah ei ta.

ISAI 28:6

Ryureina liata a tyuhpazy châta, Adona thlahpa châ aw ta; Thokhy chhikao liata chariah toh ta, A pakuasa awpazy châta thatlôna a châ aw.

ZEREMIAH 50:42

Libaw nata asei a chaba ei ta, Zawngiahna a hnei leipa Nôchhiepazy ama châ. Ama pyu cha tilaipi a aohpa pyu lyu ta, Arâ kiah ei ta, Adyuhna châta pheisaih a patlâhpa hawhta amâ patlâh; Hy Babylaw sawchanô y, Hrâ ama cha vaw siehnao huh.

ZÔELA 2:5

Talailih pyu hawhta a vih ei ta, Tlâhpizy chô liata amâ thluah; Sawphao a kâ ngâpa meipaleih hawhta pa ei ta, Phopi thatlôpa hrâsiepa ama lyu.

1 SAMUELA 17:2

Sawla nata Izarei mo chhao a hmaohpakhy ei ta, Elâ saikao liata riehmo paryh ei ta, Philistinâ mo cha a chykhâhpa ta amâ paziah.