1 THÂTIHZYRONA 19:13 - Mara Bible RV (BSI)

¹³ Riahphapa ta y u la, eima phopi nata eima Khazohpa khihpizy châta eima thatlônazy hmâh suh vy. Abeipa ta pha a tahpa hawhta tao mawh sy,” tah ta.

1 THÂTIHZYRONA 19:13 ပူးပေါင်းရင်းမြစ်များ

2 SAMUELA 10:12

Riahphapa ta y u la, eima phopi nata Khazohpa khihpizy châta riahphapa ta y ei suh u. Abeipa ta pha a tahpa hawhta tao mawh sy,” tah ta.

2 SAMUELA 15:26

Châhrasala ano ta, ‘Na chô liata a ly va na,’ eina tah ha khiahta deikua cha, moh teh u, he liata ei y hih, pha a tahpa hawhta ei chô liata tao mawh sy,” tah ta.

1 THÂTIHZYRONA 19:12

Zôabâ ta, “Ei châta Aramia mo ama tha a tlô tu khiahta cha, na vaw bao aw chi ta, Amawna mo na châta ama tha a tlô tu khiahta cha, ei cha vaw bao aw.

1 THÂTIHZYRONA 19:14

Zôabâ nata a pheisaihzy cha Aramia mo a dyuh awpa ta a kei hnia ei ta, Aramia mo cha Zôabâ hmiakô liata a râpai ha ei ta.

EZRÂ 10:4

Thyu la, tao mah y, na maophaohna mah a châ tâh, na hnohta eima y. Thatlôpa ta y la, tao mah y,” tah ta.

NEHEMIAH 4:14

Chatawhcha mohmia pasaih na ta, thyu na ta, nôpawpazy nata ryureituhpazy nata zawpizy hnohta, “Âmo cha chi khuh vy. Abeipa rônahpa nata chichhihpa a thei u la, nama unawhzy, nama sawchapawzy, nama sawchanôzy, nama lapinôzy, nama ozy châta a dyuh muh vy,” tah na ta.

ZAWBÂ 1:22

Cha hmo zydua liana chata, Zawbâ cha moleina rai tao leipa ta, bie do leipa ta Khazohpa reipachhie vei.

HLAZY 27:14

Abeipa cha hâ la, Thatlôpa ta y mah y! Abeipa cha hâ la, Riahphapa ta y mah y!

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

ZAWSUA 1:7

Thatlôpa nata riahpha ngaitapa ta y la, nâ chakaotuhpa Mawsi ta tao awpa bie a cha piepa ryhpa zydua pakhâta ta zyh la, tao mah y. Na siena lia maihta thlaochhipa ta na y thei nawpa ta, ryhpa bie he na chachâh lâ tlyma, na chavei lâ tlyma tleisai cheita khah y.

ZAWSUA 10:25

Zawsua ta ama hnohta, “Chi leipa u la, riahchhiepa ta y hra leipa u la, thatlôpa nata riahphapa ta y teh u. He hawhna heta Abeipa ta namâ dyuhpa nama chariahpa zydua chô liata a tao lymâ aw,” tah ta.

RYUREITUHPAZY 10:15

Izarei sawzy ta Abeipa hnohta, “Eima vaw molei ha tlai na. Pha na tahzie hawhta eima chô liata tao mah y. Khâpa rai châ sala, tanoh deikua cha rie miah pachha mah y,” tah ei ta.

1 SAMUELA 17:32

Dâvi ta Sawla hnohta, “Ano vâna hao ta ahy hmahta palôh duapa ta y khah ei sy, châ chakaotuhpa heta Philistinâ chyhsa hao ei kei dyuh aw,” tah ta.

1 SAMUELA 3:18

Chatanachata Samuela ta Eli cha hmo to chho khai ta, ano liata phihpa khâpa hmah hnei vei. Eli ta, “Cha cha Abeipa a châ chu, ano ta pha a tahpa hawhta tao mawh sy,” tah ta.

1 SAMUELA 4:9

Hy nâmo, Philistinâ mozy saih u, riahphapa ta y u la, chapaw kawpa ta y teh u, chataleipatala nama sei a châ tyhpa Hebrai mo sei ta nama y pathlei aw na. Chapaw kawpa ta y u la, a dyuh teh u,” tah ei ta.