1 THÂTIHZYRONA 17:3 - Mara Bible RV (BSI)

³ Châhrasala cha zâ lilaw ta Nâthâ hnohta Khazohpa bie vaw tlô ta,

1 THÂTIHZYRONA 17:3 ပူးပေါင်းရင်းမြစ်များ

1 ABEIZY 8:16

Abeipa ta, ‘Izi râh tawhta ei phopi Izarei ei chhi papua noh tawhta, ei moh y nawpa o sa nawpa su châta, Izarei chizy hry liata kheihawhpa khih hmahta a tlyh beih va na. Châhrasala ei phopi Izarei hyutuhpa châta Dâvi cha ei tlyhpa a châ,’ tah ta.

1 THÂTIHZYRONA 17:2

Nâthâ ta Dâvi hnohta, “Na palôh liata a ypa zydua tao mah y, Khazohpa na hnohta a y mâh tâh,” tah ta.

1 THÂTIHZYRONA 17:4

“Vawh la, nâ chakaotuhpa Dâvi kei chho teh, Abeipa ta hetana heta a tah: ‘Ei pahrâ nawpa o nâ sapa awpa cha nâma châ va chi.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.

MALUHREINA 12:6

Abeipa ta, “Ei bie nathlie teh u: Nama hry liata hrohsopa a y khiahta cha, kei, Abeipa ta aluahna ta a hnohta a pahnosa na ta, mâ lâta bie ei chho tyh.